سماجی انصاف اور  تفویض اختیارات کے مرکزی وزیر مملکت جناب اے نارائن سوامی نے  معذور افراد  کو ہر ممکن مدد کی یقین  دہانی کراتے ہوئے کہا کہ خود کفیل  بھارت کی تعمیر میں معذور افراد   کا کردار  نہات اہمیت کا حامل  ہے۔ این ڈی ایف ڈی سی  کے سی ایم ڈی نوین شاہ جی نے کہا کہ وزیر اعظم جناب نریندر مودی جی نے پہلی بار ان لوگوں کو 'دِویانگ' لفظ دے کر سماج کے لوگوں کی  فکر کو تبدیل کیا ہے ۔

سماجی انصاف اور تفویض اختیارات  کے مرکزی وزیر مملکت جناب اے نارائن سوامی جی نے کہا کہ مرکزی حکومت نے  ،  بالخصوص  طور پر معذور افراد  میں کاروباری اور دستکاری  صلاحیت کو فروغ دینے کے لیے کئی اسکیمیں  شرو ع کی ہیں۔ انہوں نے کہا کہ یہ اسکیمیں معذور بھائیوں اور بہنوں کو تربیت، ہنر اور مالیات فراہم کرنے کے لیے نافذ کی  گئی ہیں۔ مرکزی حکومت نے معذور افراد کے زمرے کو 7 سے بڑھا کر 21 کر دیا ہے۔ اس کے ساتھ ہی  ، انہوں نے کہا کہ سرکاری ملازمتوں میں معذور افراد کے لیے ریزرویشن کو   3 فی صد سے بڑھا کر 4 فی صد کر دیا گیا ہے  ، جب کہ  سرکاری تعلیمی اداروں میں معذوروں کے لیے ریزرویشن  کو 3 فی صد سے بڑھا کر 5 فی صد تک کر دیا دیا گیا ہے۔

حکومت معذور افراد کو خود  کفیل بنانے کے لیے کم شرح سود پر مختلف اسکیموں کے ذریعے مالی امداد فراہم کر رہی ہے۔ اس موقع پر  معذور افراد کو با اختیار بنائے جانے سے متعلق محکمے  کے ڈی ڈی جی   جناب کشور بابو راؤ سروادے جی نے کہا کہ ہم ملک کے ہر بڑے شہر میں ڈیوائن  آرٹ میلے کا انعقاد کر رہے ہیں۔ اب تک کل چھ میلے کامیابی سے  منعقد کئے جا  چکے ہیں۔ یہ میلہ ساتواں میلہ ہے۔ اس موقع پر گرامین بینک کی جانب سے معذور مستحق افراد  میں قرض کی منظوری کے خطوط تقسیم کیے گئے۔ معذور افراد کی حوصلہ افزائی کے لیے دِویا کلا میلہ میں بھارتی حکومت کی ایک تنظیم اے ایل آئی ایم سی او  کی طرف سے ٹوکن کی شکل میں معاون آلات  بھی تقسیم کیے گئے۔

بڑودہ یوپی گرامین بینک نے 29 معذور افراد کے لیے 25.75 لاکھ روپئے کی منظوری دی ہے۔ پروگرام کے  دوران ٹوکن کے طور پر  5 معذور افراد میں قرض کی منظوری کے خطوط تقسیم کیے گئے۔ 15 ستمبر سے 24 ستمبر ، 2023 ء تک  اتر پردیش کے وارانسی کے میداگن ٹاؤن ہال میں معذور افراد کو بااختیار بنانے کی وزارت، سماجی انصاف اور  تفویض اختیارات کے محکمے کی جانب سے ’دِویا کلا میلہ‘ کا انعقاد کیا گیا تاکہ کاروباری افراد کی مصنوعات اور  معذور کاریگر کی کاریگری کی صلاحیت کو ظاہر کیا جا سکے۔ اس میلے میں جموں و کشمیر، شمال مشرقی ریاستوں سمیت ملک کے مختلف حصوں کے کاریگر  افراد اپنی شاندار اور پرکشش مصنوعات کی نمائش کریں گے  ، جس میں دستکاری، ہینڈ لوم، کڑھائی کے کام  کی اشیاء اور پیک شدہ کھانے وغیرہ شامل ہیں ، جو فروخت کے لیے بھی دستیاب ہوں گی ۔

معذور افراد کو معاشی طور پر بااختیار بنانے کے لیے  یہ ایک منفرد اقدام ہے۔ دِویا کلا میلہ مارکیٹنگ اور معذور افراد کی مصنوعات اور ہنر کی نمائش کے لیے ایک بہترین پلیٹ فارم  فراہم کرتا ہے۔ دِویا کلا میلہ، وارانسی 2022 سے شروع ہونے والی سیریز کا ساتواں میلہ ہے۔ اس سے قبل یہ میلہ دلّی، ممبئی، بھوپال، اندور، گوہاٹی اور جے پور میں منعقد کیا  جا چکا ہے ۔ معذور افراد کو بااختیار بنانے کے محکمے نے نیشنل ڈس ایبلڈ فائنانس اینڈ ڈیولپمنٹ کارپوریشن کو اس میلے کے انعقاد کے لیے نوڈل ایجنسی  ( مجاز ایجنسی ) کے طور پر منتخب کیا ہے۔

دِویا کلا میلے میں  لگ بھگ 20 ریاستوں/ مرکز کے زیر انتظام علاقوں  کے تقریباً 100 معذور دستکار/ فنکار اور کاروباری  افراد اپنی مصنوعات اور ہنر کا مظاہرہ کر رہے ہیں۔ یہ میلہ 'ووکل فار لوکل' کے تصور کو عوام تک پھیلانے کا ایک طاقتور وسیلہ ثابت ہو رہا ہے  ، جس   کے تحت ملک بھر میں ایک مناسب پلیٹ فارم فراہم کر کے معذور کاریگروں کی تیار کردہ مصنوعات کی نمائش اور فروخت کی حوصلہ افزائی کی جاتی ہے۔

اس دس روزہ    آرٹ کے ڈیوائن  میلے  کا صبح 10.00 بجے سے رات 10.00 بجے تک لطف اٹھایا جا سکتا ہے۔ اس کے علاوہ  ، ملک کے معروف فنکاروں کے ثقافتی پروگرام اور ملک کی مختلف ریاستوں کے مشہور کھانے پینے کے اسٹال  ، اس میلے  میں توجہ کا خاص  مرکز ہیں۔ میلے میں لوگوں کے لیے کئی پرکشش سیلفی پوائنٹس  بھی بنائے گئے ہیں۔

************

 

ش ح۔ ش م    ۔ ع ا

 (U.No. 9635 )

(Release ID: 1958432) Visitor Counter : 103