இந்திய தர நிர்ணய அமைவனம் (பி .ஐ .எஸ்) என்பது மத்திய அரசின் நுகர்வோர் விவகாரங்கள், உணவு மற்றும் பொது விநியோக அமைச்சகத்தின் கீழ் செயல்படும் ஒரு சட்டரீதியான அமைப்பாகும். இது பொருள்களுக்கான தர உரிமம் (ஐஎஸ்ஐ மார்க்), மேலாண்மை திட்ட சான்றிதழ், தங்கம் மற்றும் வெள்ளி நகைகள்/கலைப் பொருள்களுக்கான ஹால்மார்க் உரிமம் மற்றும் ஆய்வகச் சேவைகளின் நலன் மற்றும் நுகர்வோர் பாதுகாப்பை நோக்கமாகக் கொண்ட பல்வேறு திட்டங்களை செயல்படுத்துகிறது.

இந்திய தர நிர்ணய அமைவனம், பல்வேறு தர மேம்பாட்டு நடவடிக்கைகள் மூலம் தொழிற்சாலைகள், அரசு, கல்வியாளர்கள் மற்றும் நுகர்வோர் போன்ற பல்வேறு பங்குதாரர்களிடையே தரநிலைகள் குறித்த விழிப்புணர்வை ஏற்படுத்துகிறது. கிராம பஞ்சாயத்துகள் நாட்டின் அடிமட்ட மட்டத்தில் உள்ளாட்சி அமைப்புகளின் அடித்தளமாகும். கிராம அளவில் பல்வேறு வளர்ச்சித் திட்டங்கள் மற்றும் திட்டங்களைத் திட்டமிடுவதிலும் செயல்படுத்துவதிலும் கிராமப் பஞ்சாயத்துகள் முக்கிய பங்கு வகிக்கின்றன. எனவே, இந்திய தர நிலைகள் மற்றும் அவற்றை செயல்படுத்துவது குறித்து கிராம பஞ்சாயத்துகளுக்கு விழிப்புணர்வை ஏற்படுத்துவது ஒரு முக்கிய அம்சமாகும்.

இந்திய தர நிர்ணய அமைவனம் - சென்னைக் கிளை, பல்வேறு அரசுத் திட்டங்கள் மற்றும் திட்டங்களைச் செயல்படுத்துவதில் இந்தியத் தரநிலைகளைப் பயன்படுத்துவதற்காக, தமிழ்நாடு மற்றும் அந்தமான் மற்றும் நிக்கோபார் தீவுகளின் சென்னைக் கிளையின் அதிகார வரம்பிற்குட்பட்ட 4661 கிராம ஊராட்சிகளுக்கும், அந்தமான் மற்றும் நிக்கோபார் தீவுகளின் யூனியன் பிரதேசத்திற்கும் கிராம ஊராட்சிகளுக்கான முக்கியமான மற்றும் பொருத்தமான தரநிலைகளின் பட்டியல் தயாரிக்கப்பட்டு அனுப்பப்பட்டுள்ளது. 

இதன்படி, இந்தியத் தர நிர்ணய அமைவனத்தின் சென்னைக் கிளை அலுவலகம் 11 செப்டம்பர் 2023 அன்று சென்னை பிஐஎஸ் அலுவலகத்தில் தன்னார்வத் தொண்டு நிறுவனங்களின் பயிற்சி வகுப்பை நடத்தியது. இப்பயிற்சியில் தென் மண்டலத்தைச் சேர்ந்த பல்வேறு தன்னார்வ தொண்டு நிறுவனங்களைச் சேர்ந்த சுமார் 30 பேர் கலந்து கொண்டனர். தன்னார்வத் தொண்டு நிறுவனங்களைச் சேர்ந்த தன்னார்வலர்களை ஈடுபடுத்துவதன் மூலம் கிராம ஊராட்சிகளின் தலைவர்கள் மற்றும் செயலாளர்களுக்கு இந்திய தரநிலைகள் மற்றும் தரமான சுற்றுச்சூழல் அமைப்பு குறித்து விழிப்புணர்வை ஏற்படுத்துதல்   மற்றும் கிராம பஞ்சாயத்து அளவில் பல்வேறு திட்டங்கள் மற்றும் திட்டங்களை செயல்படுத்துவதற்காக இந்திய தரங்களைப் பயன்படுத்துவதற்கான திறன் மேம்பாடு போன்றவை இத்திட்டத்தின் நோக்கம் ஆகும்.
பி.ஐ.எஸ். சென்னை கிளை அலுவலகத்தின் விஞ்ஞானி-இ/இயக்குநர் மற்றும் தலைவர் திருமதி.ஜி.பவானி வரவேற்புரை நிகழ்த்தி, திட்டத்தின் நோக்கங்களை விளக்கினார். திரு. யு.எஸ்.பி.யாதவ், விஞ்ஞானி – எஃப் மற்றும் தெற்கு மண்டல அலுவலகத்தின் துணை இயக்குநர் ஜெனரல் முக்கிய குறிப்பு உரையை நிகழ்த்தினார். இப்பயிற்சித் திட்டத்தின் தொழில்நுட்ப அமர்வுகள்                                      திரு.  பி.ஜே.கௌதம்  விஞ்ஞானி - டி / இணை இயக்குநர் மற்றும் தினேஷ் ராஜகோபாலன் எல்,விஞ்ஞானி - சி / துணை இயக்குநர் அவர்களால் நடத்தப்பட்டன .  

***

(Release ID: 1956310) Visitor Counter : 84