સંસ્કૃતિ મંત્રાલયે જી ૨૦ સભ્યો અને આમંત્રિત દેશોના વહેંચાયેલ વારસાનું પ્રતિનિધિત્વ કરવા અને ઉજવણી કરવા માટે કલ્ચર કોરિડોર - જી20 ડિજિટલ મ્યુઝિયમની કલ્પના કરી છે. આ પ્રોજેક્ટ ભારતની જી20 થીમ 'વસુધૈવ કુટુંબકમ' અને કલ્ચર વર્કિંગ ગ્રુપ (સીડબ્લ્યુજી)નું હોલમાર્ક અભિયાન 'કલ્ચર યુનાઈટ્સ ઓલ'પર આધારિત છે.

આ કલ્ચર કોરિડોર - જી20 ડિજિટલ મ્યુઝિયમ એક આંતરરાષ્ટ્રીય પ્રોજેક્ટ છે, જેનું આયોજન ભારતમાં જી20 લીડર્સ સમિટ માટે કરવામાં આવ્યું છે. આ પ્રદર્શનનું અનાવરણ 9 સપ્ટેમ્બર, 2023ના રોજ જી-20 લીડર્સ સમિટના સ્થળે ભારતમંડપમ ખાતે કરવામાં આવશે અને લીડર્સ સમિટ પછી તે લોકો માટે ખુલ્લું મૂકવામાં આવશે.

G20 લીગસી પ્રોજેક્ટ, તરીકે પરિકલ્પિત આ કલ્ચર કોરિડોર - જી20 ડિજિટલ મ્યુઝિયમ આ પ્રકારનો પ્રથમ સહયોગી પ્રોજેક્ટ છે, જે જી20 દેશોની ભાગીદારી ઈચ્છે છે, જેથી એક 'મ્યુઝિયમ ઇન ધ મેકિંગ'નું સર્જન કરી શકાય.  આ કલ્ચર કોરીડોર  વિવિધ સાંસ્કૃતિક અભિવ્યક્તિઓની સમજ અને પ્રશંસાને પ્રોત્સાહન આપવા માટે, જ્ઞાનની વહેંચણી, સર્વસમાવેશકતા અને સમાનતા, અને સહિયારી ઓળખની ભાવનાને પ્રોત્સાહન આપવા માટે એક શક્તિશાળી મંચ તરીકે કામ કરશે.  આ કલ્ચર કોરીડોર જી20 સભ્યો અને 9 આમંત્રિત દેશોના આઇકોનિક અને નોંધપાત્ર સાંસ્કૃતિક ઉદ્દેશો અને વારસાને સામેલ કરશે.

આ પ્રદર્શનમાં G20ના સભ્યો અને આમંત્રિત દેશો મૂર્ત, અમૂર્ત અને કુદરતી વારસાના વિષયોને રજૂ કરવામાં આવશે, જે એક વિશિષ્ટ ઓળખ ધરાવે છે, અને માનવ સંસ્કૃતિના હજારો વર્ષો સુધી ફેલાયેલા આઇકોનિક સાંસ્કૃતિક માર્કર્સ તરીકે ઉભા છે. આ સંસ્કૃતિ કોરીડોર તે સાર્વત્રિક સાંસ્કૃતિક લોકાચારનું અન્વેષણ કરશે અને તેને રજૂ કરશે, જેણે ઘણી સંસ્કૃતિઓ અને સંસ્કૃતિઓને માર્ગદર્શન આપ્યું છે, અને 'વસુધૈવ કુટુમ્બકમ' અથવા એક વિશ્વ, એક પરિવાર. એક ભવિષ્યના મહત્વને વધુ વિસ્તૃત કરશે.

આ કલ્ચર કોરિડોર - જી20 ડિજિટલ મ્યુઝિયમ  જી ૨૦ સભ્યો અને આમંત્રિત દેશોના ડિજિટલ મીડિયા અને ફિઝિકલ ઓબ્જેક્ટ પ્રદર્શિત કરશે. જે સબમિશન્સ માટે વિનંતી કરવામાં આવી હતી તે પાંચ કેટેગરીમાં હતી: સાંસ્કૃતિક મહત્વનો ઉદ્દેશ (ભૌતિક ડિસ્પ્લે તરીકે) આઇકોનિક કલ્ચરલ માસ્ટરપીસ (ડિજીટલ ડિસ્પ્લે તરીકે), અમૂર્ત સાંસ્કૃતિક વારસો (ડિજીટલ ડિસ્પ્લે તરીકે), કુદરતી વારસો (ડિજીટલ ડિસ્પ્લે તરીકે), અને એક ડેમોક્રેટિક પદ્ધતિઓથી સંબંધિત કલાકૃતિ (ભૌતિક અથવા ડિજિટલ ડિસ્પ્લે તરીકે). કલ્ચર કોરિડોરમાં તમામ 20 G20 સભ્યો અને 9 આમંત્રિત દેશો તરફથી પુષ્ટિ થયેલ સહભાગિતા અને સબમિશન છે.

આ સંસ્કૃતિ કોરીડોર ભવિષ્યના સંગ્રહાલયોના વર્ણસંકર સ્વરૂપ તરીકે રચાયેલ છે. સૌથી મહત્વપૂર્ણ સાંસ્કૃતિક ઉદ્દેશો 29 દેશોમાંથી પ્રદર્શિત કરવામાં આવશે, જે વિશ્વની કુશળતા, કળા અને ઇતિહાસને પ્રદર્શિત કરશે. જ્યારે 180 ડિગ્રીની ઇમર્સિવ સ્ક્રીન મુલાકાતીઓને એવા ઝોનમાં લઇ જશે જે વિશ્વના કુદરતી અને અમૂર્ત સાંસ્કૃતિક વારસાની ઉજવણી કરશે. આ પ્રદર્શનમાં 12 ફૂટનો ડિજિટલ ક્યુબ પણ દર્શાવવામાં આવશે, જે એનામોર્ફિક કન્ટેન્ટ દ્વારા આઇકોનિક માસ્ટરપીસ પ્રદર્શિત કરશે. ક્યુબ પ્રાચીન કાળથી લોકશાહી પ્રથાઓથી સંબંધિત પદાર્થોની ઉજવણી પણ કરશે.

આ પ્રદર્શનનો વૈચારિક આધાર સંગ્રહાલયોના ઉત્ક્રાંતિ વિશે વિચારવાનો છે, જે સંગ્રહ પર ધ્યાન કેન્દ્રિત કરવાથી લઈને વધુ સમુદાય-લક્ષી અભિગમ તરફ દોરી જાય છે, જે મોટાભાગે ડિજિટાઇઝેશન દ્વારા સંચાલિત છે. વર્ષોથી, ડિજિટલ ક્યુરેશન સરળ ટચસ્ક્રીન કિઓસ્કથી મોટા ઈમર્સિવ અનુભવોમાં વિકસિત થયું છે. રોગચાળો એ એક વળાંક હતો જ્યાં સંગ્રહાલયોનું ભાવિ ચાર રસ્તા પર હતું. એક તરફ પરંપરાગત વસ્તુલક્ષી જગ્યાઓ ઊભી હતી જ્યારે બીજી તરફ ઇન્ટરનેટ પર વર્ચ્યુઅલ મ્યુઝિયમો હતા. આ ક્રોસરોડ પર મિક્સ મીડિયા ઇન્સ્ટોલેશન્સ અને ફિઝિકલ સંગ્રહાલયો ઉભરી આવ્યા છે. સંગ્રહાલયોનો હેતુ હવે માત્ર સ્થાનિક સમુદાયોના જ નહીં પરંતુ વૈશ્વિક નાગરિકો માટે ઈમર્સિવ કેપ્ટિવ વાતાવરણમાં વિવિધ હિતોને પહોંચી વળવાનો છે, જે તકનીકીની ભાષા દ્વારા વસ્તુઓ અને ભવિષ્યના રૂપમાં ભૂતકાળનો શ્રેષ્ઠ ભાગ ધરાવે છે.

આખો અનુભવ જી ૨૦ થીમ "વસુધૈવ કુટુમ્બકમ" એક પૃથ્વી, પરિવાર. એક ભવિષ્ય સાથે પડઘો પાડે છે.

CB/GP/JD

(Release ID: 1954328) Visitor Counter : 136