شہری ہوا بازی اور اسٹیل کے مرکزی وزیر جناب جیوترادتیہ ایم سندھیا نے آج ’’بین الاقوامی ایرو اسپیس کانفرنس: جامع عالمی ویلیو چین کی طرف بڑھتے ہوئے‘‘ کا افتتاح کیا۔ اس کا اہتمام شہری ہوابازی کی وزارت اور کنفیڈریشن آف انڈین انڈسٹری (سی آئی آئی) کے ذریعے 1 اور 2 ستمبر 2023 کو گوالیار، مدھیہ پردیش میں کیا جا رہا ہے۔

بین الاقوامی ایرو اسپیس کانفرنس جی 20 اور بی 20 ترجیح کے تحت ایرو اسپیس سیکٹر میں جی 20 کی ایک پہل ہے، جس میں عالمی تجارت اور سرمایہ کاری کے لیے جامع عالمی ویلیو چینز تیار کرنے پر توجہ مرکوز کی گئی ہے اور اس کا مقصد جی 20 ممالک کے درمیان تجارت اور سرمایہ کاری کو فروغ دینا اور اسے مضبوط کرنا ہے۔

اپنے افتتاحی خطاب میں جناب جیوتیرادتیہ ایم سندھیا نے کہا کہ اب وقت آگیا ہے کہ عالمی ایرو اسپیس انڈسٹری کے کھلاڑی خود کو ہندوستان میں شامل کریں اور اس کی متعدد وجوہات ہیں:(اے) بنیادی ڈھانچے کی ترقی: ہندوستانی شہری ہوا بازی کے شعبے میں نو سال پہلے صرف 74 ہوائی اڈے تھے؛ اب 148 ہوائی اڈے بن چکے ہیں جس میں ہیلی پورٹ اور واٹر ایروڈوم شامل ہیں۔ اور حکومت آنے والے تین سے پانچ سالوں میں اس تعداد کو دو سو تک لے جانے کے لیے پرعزم ہے۔ (بی)  طیاروں کی دستیابی: پہلے 2014 میں 400 طیارے تھے اب یہ تعداد تقریباً 700 تک پہنچ گئی ہے اور تقریباً 1000 کے مزید آرڈر دیے جا چکے ہیں۔(سی) ماحولیاتی نظام کی ترقی: ایئر انڈیا کی غیر سرمایہ کاری نے ملک میں شہری ہوابازی کی صنعت میں ایک تبدیلی لائی ہے، نہ صرف مسافروں کے لیے، نہ صرف ہوائی اڈوں کے لیے، بلکہ ایم آر اوز، مینوفیکچرنگ سیکٹر اور کارگو کے لیے بھی۔ ایئر انڈیا اور انڈیگو کے ذریعے طیاروں کے بڑے آرڈرز اور آکاش جیسے نئے کھلاڑیوں کا ابھرنا ان تبدیلیوں کی ایک اور مثال ہے جو ہندوستانی شہری ہوا بازی کی صنعت میں ہو رہی ہیں۔ (ڈی) علاقائی رابطے پر زور:اڑان نے ملک میں 4 نئی علاقائی ایئر لائنز کو جنم دیا ہے۔ جس مرکز اور رابطے کے نیٹ ورک کے بارے میں ہم کئی دہائیوں سے بات کر رہے ہیں وہ آج ہندوستان میں ایک حقیقت ہے۔

گوالیار شہر میں ہوا بازی کے بنیادی ڈھانچے کے بارے میں بات کرتے ہوئے، جناب سندھیا نے یقین دلایا کہ گوالیار ہوائی اڈے کے نئے مربوط گھریلو ٹرمینل کی ترقی پندرہ ماہ کے مختصر ترین ریکارڈ وقت کے اندر مکمل ہو جائے گی۔ انہوں نے ہندوستان میں ایرو اسپیس مینوفیکچرنگ کی مجموعی ترقی کے لئے حکومت کی طرف سے زیادہ اور مسلسل حمایت کا بھی یقین دلایا۔

معززین کے ساتھ بات چیت کے دوران، وزیر نے اس بات پر زور دیا کہ وزیر اعظم جناب نریندر مودی کی قیادت میں، ہم ترقی پذیر ہونے کی بجائے اپنے نقطہ نظر میں یادگار ہونے پر یقین رکھتے ہیں اور یہ شہری ہوا بازی کے شعبے کے لیے بھی درست ہے، جہاں ڈرون پالیسی اور پیداوار کو آزاد کیا گیا ہے۔ ڈرون اور اس کے اجزاء کے لیے منسلک مراعاتی اسکیم، ڈیجی یاترا کا نفاذ، نئی ایم آر او گائیڈ لائنز، اور آخری میل کنیکٹویٹی کے لیے ہیلی کاپٹر - نے اس شعبے کو اپنے صارفین کے لیے مزید قابل رسائی بنا دیا ہے۔

کانفرنس میں، دانشوروں کا پینل عالمی ویلیو چینز سے متعلق مسائل پر تبادلہ خیال کرے گا اور اس بات پر غور کرے گا کہ انہیں کس طرح ہمہ گیر بنایا جائے۔ کانفرنس میں مندرجہ ذیل امور کا احاطہ کرنے والے پانچ سیشن شامل ہیں:

• ڈیزائن اور مضبوط ایرو اسپیس مینوفیکچرنگ میں عالمی ویلیو چینز کو پھیلانا: ایم ایس ایم ای کی اہمیت
• مربوط عالمی ایم آر او سروسز
• ہوا بازی کے شعبے میں خواتین: فائر سائیڈ چیٹ
• ایرو اسپیس اور ایئر موبلٹی میں جدید ٹیکنالوجیز: مہارت کے سیٹ کو تبدیل کرنا
• ایرو اسپیس مینوفیکچرنگ میں پیمانہ کی تعمیر

گزشتہ دو دہائیوں میں عالمی ویلیو چینز میں بے پناہ اضافہ ہوا ہے جس نے عالمی معیشت کو بدل کر رکھ دیا ہے۔ ان سالوں میں، جی وی سی نے ترقی کے انجن کے طور پر کام کیا ہے اور اقتصادی ترقی، تکنیکی اختراعات، اور روزگار کی تخلیق کو آگے بڑھایا ہے۔ یہ پروگرام ہندوستان کو عالمی سپلائی چین کے پیش کردہ چیلنجوں سے نمٹنے کے لیے تیار کرنے میں مزید معاون ثابت ہوگا۔

 

-----------------------

ش ح۔ق ت ۔ ع ن

U NO: 9095

 

(Release ID: 1954123) Visitor Counter : 124