ای پی ایف او  کے 20 اگست 2023 کو جاری ہونے والے عارضی پے رول کے اعداد و شمار   میں نمایاں کیا گیا ہےکہ ای پی ایف او نے جون، 2023 کے مہینے میں 17.89 لاکھ کل اراکین کو شامل کیا ہے۔  اس ماہ کے دوران  ڈیٹا سے یہ ظاہر ہوتا ہے  کہ 3491 اداروں نے ملازمین کی پہلی  ای سی آر کی ادائیگی کرکے انہیں  ای پی ایف او کا سماجی تحفظ فراہم کیا ہے۔ پے رول کے اعداد و شمار کا ماہ بہ ماہ موازنہ اندراج میں بڑھتے ہوئے رجحان کو ظاہر کرتا ہے جس میں مئی 2023 کے پچھلے مہینے کے مقابلے میں تقریباً 9.71 فیصد کل اراکین کا اضافہ ہوا ہے۔ اگست 2022 کے بعد گزشتہ گیارہ مہینوں میں سب سے زیادہ تعدادمیں ادائیگی کو ظاہر کرتا ہے۔

اعداد و شمار بتاتے ہیں کہ جون، 2023 کے دوران تقریباً 10.14 لاکھ نئے اراکین نے اندراج کیا جو اگست 2022 کے بعد سب سے زیادہ ہے۔ نئے شامل ہونے والے ممبران میں18 سے 25 سال  کی عمر کے گروپ کی کل تعداداس ماہ کے دوران کل جڑنے والے نئے ممبران کا 57.87 فیصد ہے۔ یہ نوجوانوں کے اندراج میں بڑھتے ہوئے رجحان کو ظاہر کرتا ہے، جو زیادہ تر پہلی بار ملازمت  حاصل کرنے والے ہیں جو ملک کے منظم شعبے کی افرادی قوت میں شامل ہو رہے ہیں۔

پے رول کے اعداد و شمار سے پتہ چلتا ہے کہ تقریباً 12.65 لاکھ ممبران ای پی ایف او سے نکل گئے لیکن دوبارہ شامل ہو گئے۔ ان اراکین نے اپنی ملازمتیں تبدیل کیں اور ای پی ایف او کے تحت آنے والے اداروں میں دوبارہ شامل ہو گئے اور حتمی تصفیہ کے لیے درخواست دینے کے بجائے اپنی جمع شدہ رقم کو منتقل کرنے کا انتخاب کیا، اس طرح اپنے سماجی سیکورٹی کے تحفظ میں توسیع کی۔

پے رول کے اعداد و شمار کا صنفی تجزیہ اس بات کی نمائندگی کرتا ہے کہ مہینے کے دوران شامل کیے گئے کل 10.14 لاکھ نئے اراکین میں سے تقریباً 2.81 لاکھ خواتین نئی ممبر ہیں، جو پہلی بار ای پی ایف او میں شامل ہو رہی ہیں۔ منظم افرادی قوت میں شامل ہونے والی نئی خاتون ارکان کی شرح گزشتہ 11 ماہ میں سب سے زیادہ رہی ہے۔ اس کے علاوہ، ماہ کے دوران کل خواتین ممبروں کا اضافہ تقریباً 3.93 لاکھ رہا، جو اگست 2022 کے بعد سب سے زیادہ ہے۔

پے رول کے اعداد و شمار کے ریاست وار تجزیہ سے پتہ چلتا ہے کہ 5 ریاستوں مہاراشٹر، تمل ناڈو، کرناٹک، گجرات اور ہریانہ میں کل ممبروں کا اضافہ سب سے زیادہ ہے۔ان ریاستوں  میں تقریباً 60.40فیصد کل ممبروں کا اضافہ ہوا ہے۔ اس ماہ کے دوران کل 10.80 لاکھ ممبران  جڑے ہیں۔ تمام ریاستوں میں، مہاراشٹرا مہینے کے دوران 20.54فیصد کل  اراکین کا اضافہ کرکے سب سے آگے ہے۔

صنعت کے لحاظ سے اعداد و شمار کا ماہ بہ ماہ موازنہ ٹریڈنگ کمرشل اداروں، بلڈنگ  اور تعمیراتی صنعت، الیکٹریکل، مکینیکل اور جنرل انجینئرنگ پروڈکٹس میں مصروف اداروں میں کام کرنے والے ممبران میں نمایاں ترقی کو ظاہر کرتا ہے۔ اس کے بعد ٹیکسٹائل، فنانسنگ اسٹیبلشمنٹ، اسکولز، اسپتال وغیرہ آتے ہیں۔ کل نیٹ رکنیت میں سے تقریباً 40.36 فیصد اضافہ ماہر خدمات (افرادی قوت فراہم کرنے والے، عام ٹھیکیداروں، سیکورٹی سروسز، متفرق سرگرمیوں وغیرہ پر مشتمل ہے) کا ہے۔

مندرجہ بالا پے رول ڈیٹا عارضی ہے کیونکہ ڈیٹا تیار کرنا ایک مسلسل کام ہے، کیونکہ ملازمین کے ریکارڈ کو اپ ڈیٹ کرنا ایک مسلسل عمل ہے۔ اس لیے پچھلا ڈیٹا ہر ماہ اپ ڈیٹ ہوتا ہے۔ اپریل-2018 کے مہینے سے،ای پی ایف او ستمبر، 2017 کے بعد کی مدت کا احاطہ کرتے ہوئے پے رول ڈیٹا جاری کر رہا ہے۔ ماہانہ پے رول کے اعداد و شمار میں، آدھار کی توثیق شدہ یونیورسل اکاؤنٹ نمبر (یو اے این ) کے ذریعے پہلی بار ای پی ایف او میں شامل ہونے والے اراکین کی تعداد، ای پی ایف او کی کوریج سے باہر نکلنے والے موجودہ اراکین اور جو لوگ باہر نکلے ہیں لیکن دوبارہ ممبر کے طور پر شامل ہو رہے ہیں، انہیں ماہانہ نیٹ  پے رول کے طور لیا جاتا ہے۔

******

ش ح۔ف ا  ۔ ج

Uno-8598

(Release ID: 1950692) Visitor Counter : 127