ہندوستانی ایوان صدر نے 19 اگست 2023 کو گاندھی نگر، گجرات میں جی 20 مالیات اور صحت کے وزراء کے مشترکہ اجلاس کی میزبانی کی، جس میں وزرائے صحت اور وزرائے خزانہ نے (عملی طور پر) شرکت کی۔ اجلاس کی مشترکہ صدارت کی گئی اور افتتاحی کلمات حکومت ہند کی  وزیر خزانہ محترمہ نرملا سیتا رمن اور وزیر صحت جناب منسکھ منڈاویہ نے پیش کیے۔ ڈبلیو ایچ او کے ڈائریکٹر جنرل ڈاکٹر ٹیڈروس گیبریئس نے ابھرتی ہوئی/مابعد وبائی صورتحال کے تناظر میں عالمی صحت کے بارے میں ایک تازہ  جانکاری پیش کی ۔ پینڈیمک فنڈ کی ایگزیکٹیو ہیڈ محترمہ پریا باسو نے وبائی فنڈ کی سرگرمیوں کے بارے میں اپ ڈیٹ فراہم کیا۔

جے ایچ ایف ٹی ایف سیکرٹریٹ کی ایگزیکٹو ہیڈ محترمہ سیرینا این جی نے ہندوستانی صدارت کے تحت سامنے آنے والی کلیدی فراہمی  پر ایک پریزنٹیشن دی۔

1. اقتصادی کمزوریوں اور خطرات  (ایف ای وی آر) کے لیے فریم ورک
2. پینڈیمک ریسپانس فنانسنگ آپشنز اور گیپس میپنگ پر رپورٹ
3. کووڈ 19 کے دوران مالیاتی صحت کے ادارہ جاتی انتظامات سے متعلق بہترین طرز عمل کی رپورٹ

جی 20کے مالیات اور صحت کے وزراء نے مالیاتی اور صحت کی وزارتوں کے درمیان بہتر تعاون کے ذریعہ وبائی امراض کی روک تھام، تیاری اور ردعمل (پی پی آر)کے لیے عالمی صحت کے ڈھانچے کو مسلسل مضبوط بنانے پر اتفاق کیا۔ وزراء نے ہندوستانی ایوان صدر کے تحت منظور کردہ  ٹاسک فورس کے کثیر سالہ ورک پلان کا خیرمقدم کیا ۔ وزراء نے ہندوستانی صدارت کے تحت ٹاسک فورس کے ذریعہ تیار کردہ رپورٹس کا خیرمقدم کیا، کیونکہ یہ رپورٹیں نہ صرف اراکین کو یہ سمجھنے میں مدد دیتی ہیں کہ مستقبل میں وبائی امراض کس طرح معیشت پر اثرانداز ہوسکتے ہیں بلکہ موجودہ وبائی امراض کے ردعمل کے ادارہ/فنڈنگ کے انتظامات میں موجود خلاء کو بھی اجاگر کرتے ہیں۔ بات چیت میں ممالک کی طرف سے جن خیالات کا اظہار کیا گیا ان میں سے کچھ وہ تھے جو ٹاسک فورس کے مستقبل کے لائحہ عمل کے بارے میں تجویز کرتے ہیں جن میں آپریشنل پلے بک کی ترقی بھی شامل ہے لیکن ان تک محدود نہیں ہے تاکہ فوری اور مناسب وبائی ردعمل کی مالی اعانت کو یقینی بنانے کے لیے؛ وبائی کشیدگی کے ٹیسٹ کی ترقی؛ ملک کے مخصوص حالات کو مدنظر رکھتے ہوئے عالمی صحت کے ڈھانچے میں ڈبلیو ایچ او کے لیے ٹاسک فورس کے معاون کردار کو مضبوط کیا جا سکے ۔

وزراء نے وبائی فنڈ کی تجاویز کے لیے پہلی کال کے اختتام کا خیرمقدم کیا اور کہا کہ وہ 2023 کے آخر تک تجاویز کے لیے دوسری کال کے منتظر ہیں۔

محترمہ وزیر خزانہ نرملا سیتا رمن نے شریک صدور ، اٹلی اور انڈونیشیا اور دیگر شرکاء کا شکریہ ادا کرتے ہوئے میٹنگ کا اختتام کیا۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

8587

(Release ID: 1950583) Visitor Counter : 121