نیشنل گرین ہائیڈروجن مشن کی پیشرفت کے لیے ایک اہم اقدام میں، حکومت نے ہندوستان کے لیے گرین ہائیڈروجن اسٹینڈرڈ فار انڈیا  کانوٹیفکیشن جاری کیا ہے۔حکومت ہند کی  نئی اور قابل تجدید توانائی کی وزارت (ایم این آر ای) کی طرف سے جاری کردہ معیار اخراج کی حدوں کا خاکہ پیش کرتا ہے جو کہ ہائیڈروجن کو 'گرین' کے طور پر درجہ بندی کرنے کے لیے یعنی قابل تجدید ذرائع سے پورا کرنا ضروری ہے ۔ تعریف کے دائرہ کار میں الیکٹرولائسس اور بایوماس پر مبنی ہائیڈروجن کی پیداوار کے دونوں طریقے شامل ہیں۔

متعدد اسٹیک ہولڈر کے ساتھ بات چیت کے بعد، نئی اور قابل تجدید توانائی کی وزارت نے گرین ہائیڈروجن کی وضاحت کرنے کا فیصلہ کیا ہے کہ اس کا اخراج (یعنی پانی کی صفائی، الیکٹرولائسس، گیس صاف کرنے، خشک کرنے اور ہائیڈروجن کو کمپریشن سمیت) 2 کلو گرام  سی او 2 کے مساوی / کلو گرام  ایچ 2 سے  زیادہ نہ ہو ۔

نوٹیفکیشن میں واضح کیا گیا ہے کہ گرین ہائیڈروجن اور اس کے مشتقات کی پیمائش، رپورٹنگ، نگرانی، سائٹ پر تصدیق، اور تصدیق کے لیے ایک تفصیلی طریقہ کار نئی اور قابل تجدید توانائی کی وزارت کے ذریعہ متعین کیا جائے گا۔

نوٹیفکیشن میں یہ بھی واضح کیا گیا ہے کہ بیورو آف انرجی ایفیشینسی (بی ای ای)، وزارت بجلی  گرین ہائیڈروجن پروڈکشن پروجیکٹس کی نگرانی، تصدیق اور تصدیق کرنے والی ایجنسیوں کی منظوری کے لیے نوڈل اتھارٹی ہوگی۔

گرین ہائیڈروجن اسٹینڈرڈ کا نوٹیفکیشن ہندوستان میں  گرین ہائیڈروجن کمیونٹی کے لیے بہت زیادہ وضاحت پیش کرتا ہے اور اس کا بڑے پیمانے پر انتظار تھا۔ اس نوٹیفکیشن کے ساتھ، ہندوستان گرین ہائیڈروجن کی تعریف کا اعلان کرنے والے دنیا کے پہلے چند ممالک میں سے ایک بن گیا ہے۔

گرین ہائیڈروجن اسٹینڈرڈ فار انڈیا کی اطلاع یہاں حاصل کی جا سکتی ہے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ج ا  (

8573