ભારત સરકારના સામાજિક ન્યાય અને અધિકારીતા વિભાગના માનનીય મંત્રી ડો.વિરેન્દ્ર કુમાર 13.08.2023ના રોજ અમદાવાદના કોમ્પોઝિટ રિજનલ સેન્ટર (સીઆરસી)ના નવા ભવનનું ઉદઘાટન કરશે. આ પ્રસંગે માનનીય સામાજિક ન્યાય અને અધિકારીતા રાજયમંત્રીશ્રી એ.નારાયણસ્વામી, સંસદ સભ્ય (અમદાવાદ પૂર્વ મતવિસ્તાર) માનનીય સાંસદ શ્રી હસમુખભાઈ સોમાભાઈ પટેલ, ગુજરાત સરકારના સામાજિક ન્યાય અને અધિકારીતા અને મહિલા અને બાળ વિકાસ વિભાગના માનનીય મંત્રી શ્રીમતી ભાનુબેન મનોહરભાઈ બાબરીયા તથા ડીઈપીડબલ્યુડીના સચિવ શ્રી રાજેશ અગ્રવાલ સહિત મહાનુભાવો ઉપસ્થિત રહેશે.

સીઆરસી, અમદાવાદના હાલના કેમ્પસ એરિયામાં આશરે 16.20 કરોડ રૂપિયાના ખર્ચ સાથે નવી ઇમારતનું નિર્માણ કરવામાં આવ્યું છે. આ ઇમારતને હાલમાં બે માળ સાથે ડિઝાઇન કરવામાં આવી છે, જેમાં ભવિષ્યમાં ચોથા માળ સુધી વિસ્તરણની જોગવાઈ કરવામાં આવી છે. આ બિલ્ડિંગમાં 44 રૂમ છે, જેમાં કુલ કાર્પેટ એરિયા 3352.05 ચોરસ મીટર, કોન્ફરન્સ રૂમ, મલ્ટિપર્પઝ હોલ તેમજ પીએન્ડઓ વર્કશોપ, ફિઝિયોથેરાપી અને ઓક્યુપેશનલ થેરાપી એકમોની સુવિધા સાથે દરેક વિભાગ માટે વિશાળ ક્લાયન્ટ વેઇટિંગ એરિયા છે. દિવ્યાંગજનો માટે સુલભ લિફ્ટ અને રેલિંગ સાથે રેમ્પ્સ જેવી સુલભતા સુવિધાઓ પ્રદાન કરવા ડિઝાઇનમાં વિશેષ કાળજી લેવામાં આવી છે. તમામ પ્રકારની વિકલાંગતાઓ માટે વ્યાપક પુનર્વસન સેવાઓ પ્રદાન કરવાની દ્રષ્ટિથી આ ઇમારતની સ્થાપના કરવામાં આવી છે.

3.         ઉદઘાટન સમારંભ પછી સામાજિક ન્યાય અને અધિકારીતા મંત્રાલય માટે સંસદીય સલાહકાર સમિતિની બેઠક યોજાઈ હતી, જેનું આયોજન કરવામાં આવશે અને તેની અધ્યક્ષતા સામાજિક ન્યાય અને સશક્તિકરણ માટેનાં મંત્રીમંડળનાં મંત્રી ડૉ. વિરેન્દ્ર કુમાર કરશે. આ બેઠકમાં દિવ્યાંગ વ્યક્તિઓના સશક્તિકરણ વિભાગ સાથે સંબંધિત સંયુક્ત પ્રાદેશિક કેન્દ્ર (સીઆરસી)ની કામગીરીની સમીક્ષા અને રાષ્ટ્રીય અનુસૂચિત જાતિ નાણાં અને વિકાસ નિગમ (એનએસએફડીસી), રાષ્ટ્રીય પછાત વર્ગોના નાણાં અને વિકાસ નિગમ (એનએસએફડીસી) અને સામાજિક ન્યાય અને અધિકારીતા વિભાગ (એસજેએન્ડઇ)ને લગતા નેશનલ સફાઇ કર્મચારી ફાઇનાન્સ એન્ડ ડેવલપમેન્ટ કોર્પોરેશન (એનએસકેએફડીસી)ની કામગીરીની સમીક્ષા જેવા મુદ્દાઓ પર ચર્ચા થવાની સંભાવના છે.

CB/GP/JD

(Release ID: 1947949) Visitor Counter : 120