فوڈ پروسیسنگ انڈسٹری کی وزارت کے مرکزی وزیر مملکت جناب پرہلاد سنگھ پٹیل نے آج راجیہ سبھا میں ایک سوال کے تحریری جواب میں بتایا کہ شماریات اور پروگرام کے نفاذ کی وزارت صنعتوں کے سالانہ سروے (اے ایس آئی) کے ذریعے رجسٹرڈ فوڈ پروسیسنگ شعبے میں روزگار سمیت رجسٹرڈ مینوفیکچرنگ شعبے کے مختلف پہلوؤں پر ڈیٹا جاری کرتی ہے۔ صنعتوں کے تازہ ترین سالانہ سروے 20-2019 کے مطابق، فوڈ پروسیسنگ شعبے نے رجسٹرڈ مینوفیکچرنگ سیکٹر میں مصروف کل افراد کا 12.22 فیصد حصہ کا تعاون دیا ہے۔ صنعتوں کے سالانہ سروے کے مطابق گزشتہ تین سالوں میں فوڈ پروسیسنگ کے شعبے میں روزگار کی تفصیلات درج ذیل ہیں:

 

سال	روزگار (لاکھ میں)
2017-18	19.33
2018-19	20.05
2019-20	20.32

 

ماخذ: صنعتوں کا سالانہ سروے 18-2017، 19-2018، 20-2019

اس کے علاوہ، قومی نمونہ سروے کے 73ویں دور (جولائی 2015 سے جون 2016) کے مطابق 51.11 لاکھ افراد غیر مربوط فوڈ پروسیسنگ شعبوں میں مصروف تھے۔

فوڈ پروسیسنگ انڈسٹریز کی وزارت نے میسرز فیڈ بیک بزنس کنسلٹنگ سروسز پرائیویٹ لمیٹڈ، بنگلور کے ذریعے ’’2021-2030 کے دوران ہندوستانی فوڈ پروسیسنگ شعبے میں انسانی وسائل اور مہارت کی ضروریات کا جائزہ لینے کے لیے مطالعہ‘‘ کے عنوان سےفوڈ پروسیسنگ شعبے کے 11 ذیلی شعبوں کا احاطہ کرنے کے لیے ایک مطالعہ شروع کیا، کیونکہ وہ پیداوار کے لحاظ سے پروسیسنگ کی سطح کو بڑھانے کی بڑی گنجائش، ہنر مند لیبر فورس کی ضرورت وغیرہ بڑے حصے سمجھے جاتے ہیں۔ 11 ذیلی شعبے ہیں - بریڈ اور بیکری مصنوعات، کولڈ چین (بشمول لاجسٹکس)، دودھ کی مصنوعات، مچھلی اور سمندری غذا کی پروسیسنگ، پھل اور سبزیوں کی پروسیسنگ، گوشت اور پولٹری کی پروسیسنگ، ملنگ (اناج اور تیل کے بیج)، مشروبات (چائے اور کافی)، کھانے کی تیار مصنوعات اور تیار شدہ پکے ہوئے کھانے(ریڈی ٹو کک)  پروڈکٹس، سویا پروسیسنگ اور مصالحے۔ اس تحقیق نے نشاندہی کی ہے کہ 2021-30 کے دوران فوڈ پروسیسنگ کے ان 11 ذیلی شعبوں میں ہنر مند انسانی وسائل کی ضرورت کی خالص متوقع تعداد تقریباً 13.4 لاکھ ہے۔

فوڈ پروسیسنگ شعبے کے لیے صلاحیتوں کی تعمیر اور ہنر مندی کے پروگرام درج ذیل کے ذریعے فراہم کیے جاتے ہیں:

• نیشنل انسٹی ٹیوٹ آف فوڈ ٹکنالوجی، انٹرپرینیورشپ اینڈ مینجمنٹ ( این آئی ایف ٹی ای ایم) – کنڈلی اور تھانجاور میں– فوڈ پروسیسنگ انڈسٹریز کی وزارت  کی پردھان منتری کسان سمپدا یوجنا (پی کے ایس کے وائی ) کے تحت۔
• ایم او ایف پی آئی کی مائیکرو فوڈ انٹرپرائزز (پی ایم ایف ایم ای) اسکیم کے پردھان منتری فارملائزیشن کے تحت صلاحیت سازی کا جزو۔
• فوڈ انڈسٹری کیپیسیٹی اینڈ اسکل انیشیٹو (ایف آئی سی ایس آئی) - متعلقہ سیکٹر اسکل کونسل - ہنر مندی کی ترقی اور انٹرپرینیورشپ کی وزارت کی پردھان منتری کوشل وکاس یوجنا (پی ایم کے وی وائی ) کے تحت۔

۔۔۔۔۔۔۔۔۔۔۔

 

ش ح۔ش ت۔ن ا۔

U-8253

(Release ID: 1947948) Visitor Counter : 116