ہندوستانی بحریہ کے دیسی فرنٹ لائن جنگی جہاز آئی این ایس سہیادری اور آئی این ایس کولکتہ 11 سے 21 اگست 23 تک سڈنی میں / باہر ہونے والی مشق مالابار 2023 میں امریکی بحریہ (یو ایس این)، جاپان میری ٹائم سیلف ڈیفنس فورس (جے ایم ایس ڈی ایف) اور شاہی آسٹریلوی بحریہ (آر اے این) کے بحری جہازوں اور ایئر کرافٹ کے ساتھ شرکت کریں گے۔

مالابار بحری مشقوں کا سلسلہ 1992 میں ہندوستانی بحریہ اور امریکی بحریہ کے درمیان ایک دو طرفہ مشق کے طور پر شروع ہوا تھا اور پچھلے سالوں میں اس کا قد بڑھتا گیا ہے جس میں ہند-بحرالکاہل خطے میں چار ممتاز بحریہ شامل ہیں۔ 2020 ایڈیشن میں شاہی آسٹریلوی بحریہ (آر اے این) کی پہلی شرکت کا مشاہدہ کیا گیا۔ اس سال مالبار کا 27 واں ایڈیشن منایا جا رہا ہے جس کی میزبانی رائل آسٹریلین نیوی (آر اے این) کر رہی ہے۔

مالابار 2023 دو مرحلوں میں منعقد ہونے والا ہے۔ ہاربر فیز میں وسیع پیمانے پر سرگرمیاں شامل ہیں جیسے کراس ڈیک وزٹ، پیشہ ورانہ تبادلے، اسپورٹس فکسچرز اور سی فیز کی منصوبہ بندی اور انعقاد کے لیے متعدد بات چیت۔ سی فیز میں جنگ کے تینوں شعبوں میں مختلف پیچیدہ اور زیادہ شدت کی مشقیں شامل ہوں گی، جس میں اینٹی سرفیس، اینٹی ایئر اور اینٹی سب میرین مشقیں شامل ہوں گی جن میں لائیو ویپن فائرنگ کی مشقیں شامل ہیں۔ یہ مشق ہندوستانی بحریہ کو باہمی تعاون کو بڑھانے اور اس کا مظاہرہ کرنے کا موقع فراہم کرتی ہے اور اس کے ساتھ ساتھ اپنے شراکت دار ممالک سے میری ٹائم سیکورٹی آپریشنز کے بہترین طریقوں سے فائدہ اٹھاتی ہے۔

آئی این ایس سہیادری دیسی ساختہ اور تعمیر شدہ پروجیکٹ-17 کلاس ملٹی رول اسٹیلتھ فریگیٹس کا تیسرا جہاز ہے اور اس وقت کیپٹن راجن کپور کی کمان میں ہے۔ آئی این ایس کولکتہ دیسی ساختہ اور تعمیر شدہ پروجیکٹ-15اے کلاس ڈسٹرائرز کا پہلا جہاز ہے اور اس کی کمانڈ کیپٹن شرد سنسنوال کرتے ہیں۔ دونوں بحری جہاز مزگاؤں ڈاک لمیٹڈ، ممبئی میں بنائے گئے ہیں اور جدید ترین ہتھیاروں اور سینسروں سے لیس ہیں جن کا مقصد سطح، ہوا اور زیر آب ڈومینز میں خطرات کا پتہ لگانا اور انہیں بے اثر کر نا ہے۔

 

*****

ش ح – اک – رب

U: 8200

(Release ID: 1947496) Visitor Counter : 103