مسابقتی کمیشن آف انڈیا(سی سی آئی) نے اس مجوزہ امتزاج کو منظوری دے دی ہے جس میں آئی پی سی اے لیبارٹریز لمیٹڈ کے ذریعہ یونیکیم لیبارٹریز لمیٹڈ کے 59.38فیصد تک شیئر ہولڈنگ کا حصول شامل ہے۔

آئی پی سی اے لیبارٹریز لمیٹڈ(حصول کنندہ) ایک فارماسیوٹیکل کمپنی ہے جو مختلف طرح کےعلاج کے لیے فارمولیشنز اور فعال دواسازی کے اجزاء تیار کرتی ہے۔

یونیکیم لیبارٹریز لمیٹڈ (ٹارگٹ)، عالمی سطح پر فارمولیشنز، فعال ادویاتی اجزاء، انٹرمیڈیٹس اور کنٹریکٹ سے تیار شدہ فارمولیشن ڈوزز کی فروخت میں سرگرم ہے۔

مجوزہ امتزاج، حصص کی خریداری کے معاہدے کے مطابق، حصول کنندہ کے ہدف کے جاری کردہ اور ادا شدہ ایکویٹی ووٹنگ شیئر کیپیٹل کے ~33.38فیصد کے مجوزہ حصول سے متعلق ہے۔ مزید، چونکہ ایکوائرر ٹارگٹ میں> 25فیصد شیئر ہولڈنگ حاصل کر رہا ہے، جو کہ ایک لسٹڈ کمپنی ہے، اس لیے ایکوائرر کو، سیکورٹیز اینڈ ایکسچینج بورڈ آف انڈیا (حصص اور ٹیک اوور کا خاطر خواہ حصول) ضوابط 2011 کے مطابق ٹارگٹ کے ایکویٹی شیئر کیپیٹل کے 26فیصد تک ایکویٹی شیئرز کی خریداری کے لیے کھلی پیشکش کرنی ہوگی۔ اس کے مطابق، حصول کنندہ ہدف (مجوزہ امتزاج) کی 59.38 فیصد شیئر ہولڈنگ حاصل کرے گا۔

سی سی آئی نے مجوزہ امتزاج کو فریقین کی طرف سے رضاکارانہ طور پر جمع کرائے گئے انڈرٹیکنگ کی تعمیل سے مشروط منظوری دی ہے۔

سی سی آئی کا تفصیلی حکم بعد میں جاری کیا جائے گا۔

*****

U.No.7672

(ش ح - اع - ر ا)   

(Release ID: 1943806)