சுற்றுச்சூழல் மற்றும் காலநிலை நிலைத்தன்மை பணிக்குழுவின் 4-வது மற்றும் நிறைவுக் கூட்டம் சுற்றுச்சூழல் மற்றும் காலநிலை அமைச்சர்கள் கூட்டத்துடன் சென்னையில் இன்று நிறைவடைந்தது. நிலையான மற்றும் நெகிழ்வான நீல / கடல் சார்ந்த பொருளாதாரத்திற்கான சென்னை உயர் நிலைக் கொள்கைகள் என்ற விளைவு ஆவணத்தை இக்கூட்டம் ஒருமனதாக ஏற்றுக்கொண்டது. இந்த ஆவணம் ஜி20 புதுதில்லி தலைவர் பிரகடனம் 2023 உடன் இணைக்கப்படுவதற்காக தலைவர்களின் பரிசீலனைக்காக சமர்ப்பிக்கப்படும். விளைவு ஆவணத்தையும் தலைமையின் சுருக்க உரையையும் அமைச்சர்கள் ஏற்றுக்கொண்டனர்.

மத்திய சுற்றுச்சூழல், வனம் மற்றும் காலநிலை மாற்றத்துறை அமைச்சர் திரு பூபேந்தர் யாதவ் தலைமையிலான அமைச்சர்கள் நிலைக் கூட்டத்தில், பிறநாடுகளைச் சேர்ந்த 41 அமைச்சர்கள் அல்லது அவர்களின் பிரதிநிதிகள் கலந்து கொண்டனர், மேலும் சுற்றுச்சூழல் மற்றும் காலநிலை பாதையின் கீழ் முன்னுரிமை பகுதிகளான நிலம் மற்றும் பல்லுயிர் பெருக்கம், நீலப்பொருளாதாரம், நீர்வள மேலாண்மை, சுழற்சிப் பொருளாதாரம் ஆகியவற்றை மையமாகக் கொண்ட குறிப்பிடத்தக்க சாதனைகள் மற்றும் முக்கிய முடிவுகளை இவர்கள் எடுத்துரைத்தனர். இந்தக் கூட்டத்தில் ஜி20 உறுப்பு நாடுகளை பிரதிநிதித்துவப்படுத்தும் 225 க்கும் அதிகமான பிரதிநிதிகள், அழைப்பு நாடுகள் மற்றும் யு.என்.இ.பி, யு.என்.எஃப்.சி.சி, சிஓபி 28 மற்றும் யு.என்.சி.சி.டி உள்ளிட்ட 23 சர்வதேச அமைப்புகளின் தலைவர்கள், பிரதிநிதிகள் பங்கேற்றனர். உலகளாவிய முக்கியத்துவம் வாய்ந்த காலநிலை மற்றும் சுற்றுச்சூழல் தொடர்பான முக்கியமான சவால்களைச் சுற்றி விவாதங்கள் நடைபெற்றன.

4^வது ஈ.சி.எஸ்.டபிள்யூ.ஜி மற்றும் சுற்றுச்சூழல் மற்றும் காலநிலை அமைச்சர்கள் கூட்டத்தில் கலந்து கொண்ட பிரதிநிதிகள் மற்றும் அமைச்சர்களுக்கு பிரதமர் திரு. நரேந்திர மோடி தமது வீடியோ செய்தியில், பருவநிலை மற்றும் சுற்றுச்சூழல் சவால்களை ஒரு முழுமையான வழியில் சமாளிக்க வசுதைவ குடும்பகம் என்பதன் உண்மையான உணர்வுடன் ஒரே பூமி, ஒரே குடும்பம், ஒரே எதிர்காலம் என்ற நிலையுடன் ஜி20 நாடுகள் கைகோர்க்கும் என்ற நம்பிக்கையை வெளிப்படுத்தினார்.

ஈ.சி.எஸ்.டபிள்யூ.ஜி.யின் கீழ் முன்னுரிமை பகுதிகளின் சாதனைகளை அங்கீகரிக்கும் வகையில், காந்திநகர் அமலாக்க வரைபடம் மற்றும் காந்திநகர் தகவல் தளத்தின் மூலம் காட்டுத் தீ மற்றும் சுரங்கத்தால் பாதிக்கப்பட்ட முன்னுரிமை நிலப்பரப்புகளை மீட்டெடுப்பதற்கான முயற்சிகளை அவர் பாராட்டினார். மேலும், சமீபத்தில் சர்வதேச புலிகள் கூட்டணியின் தொடக்கத்தின் போது காட்டப்பட்ட வனவிலங்கு பாதுகாப்பிற்கான அர்ப்பணிப்பையும் அவர் பாராட்டினார். சுற்றுச்சூழல் பாதுகாப்பிற்கான தனிநபர் மற்றும் கூட்டு நடவடிக்கையை ஊக்குவிக்கும் இயக்கமான சுற்றுச்சூழலுக்கு உகந்த வாழ்க்கை முறை இயக்கத்தின் முக்கியத்துவத்தை அவர் எடுத்துரைத்தார்.

இந்தியாவின் முன்முயற்சிகள் மக்களின் பங்களிப்பால் இயக்கப்படுகின்றன என்பதைப் பிரதமர் வலியுறுத்தினார். சமூகப் பங்கேற்புக்கு ஓர் எடுத்துக்காட்டை மேற்கோள் காட்டிய அவர், "மிஷன் அம்ரித் சரோவர்" பற்றி குறிப்பிட்டார், இது ஒரு தனித்துவமான நீர் பாதுகாப்பு முன்முயற்சியாகும், இது அறுபத்து மூன்றாயிரத்திற்கும் அதிகமான நீர்நிலைகள் அமைக்கப்பட்டுள்ளன.

திரு. பூபேந்தர் யாதவின் தொடக்க உரை, பிரதமரின் செய்தியை  எதிரொலித்தது. உயர்நிலை கொள்கைகளை ஏற்றுக்கொண்டதற்காக இந்தப் பணிக்குழுவை அவர் பாராட்டினார். மேற்கொள்ளப்பட்ட முயற்சிகளுக்கு நன்றி தெரிவித்த அவர், காலநிலை மாற்றம், பல்லுயிர் இழப்பு, மாசுபாடு ஆகியவற்றின் சிக்கலான மற்றும் ஒன்றோடொன்று தொடர்புடைய சவால்களை சமாளிப்பதில் நாடுகளுக்கு இடையிலான ஒத்துழைப்பையும் நிலையான மற்றும் நெகிழ்வான எதிர்காலத்தை நோக்கிய ஒருங்கிணைந்த அணுகுமுறையையும் ஊக்குவித்தார். தனித்துவமான சவால்கள் மற்றும் திறன்கள் இருந்தபோதிலும், காலநிலை நடவடிக்கை, சுற்றுச்சூழல் நிலைத்தன்மை ஆகியவற்றில் தளராத அர்ப்பணிப்பைக் காட்டியதற்காக ஒவ்வொரு நாட்டிற்கும் அவர் நன்றி தெரிவித்தார்.

அமைச்சர்கள் நிலைக் கூட்டத்தின் போது, நீர் மேலாண்மை, சுரங்கத்தால் பாதிக்கப்பட்ட பகுதிகள் மற்றும் காட்டுத்தீயால் பாதிக்கப்பட்ட பகுதிகளில் சிறந்த நடைமுறைகளின் தொகுப்புகளை உருவாக்குவதில், 'நிலையான மற்றும் நெகிழ்வான நீலப் பொருளாதாரத்திற்கு மாறுவதை விரைவுபடுத்துதல்' குறித்த தொழில்நுட்ப ஆய்வுகளை நடத்துதல் மற்றும் எஃகு துறையில் சுழற்சிப் பொருளாதாரம் குறித்த அறிவுப் பரிமாற்றம் விரிவாக்கப்பட்ட உற்பத்தியாளர் பொறுப்பு, உயிரியல் சுழற்சிப் பொருளாதாரம். போன்ற முக்கியமான தலைப்புகளில் தொழில்நுட்ப ஆவணங்களை உருவாக்குவதில் இந்திய தலைமைத்துவத்தின் முயற்சிகளுக்கு தலைவர்கள் நன்றி தெரிவித்தனர். ஜி 20 உலகளாவிய நில முன்முயற்சியை வலுப்படுத்த, ஜி 20 உறுப்பினர்களால் தன்னார்வத்துடன் தத்தெடுப்பதற்கு 'காந்திநகர் அமலாக்க வரைபடம்' மற்றும் 'காந்திநகர் அமலாக்க கட்டமைப்பு' ஆகியவற்றையும் தலைவர் முன்வைத்தார்.

அமைச்சர்கள் நிலைக் கூட்டத்தின் நிறைவில் செய்தியாளர் கூட்டத்தில் பேசிய திரு பூபேந்தர் யாதவ், சுற்றுச்சூழல் மற்றும் நிலைத்தன்மையின் முக்கியமான பிரச்சனைகளை சரி செய்வதில் அதிக அளவில் ஒருமித்த கருத்தை எட்டுவதில் சுற்றுச்சூழல் மற்றும் காலநிலை நிலைத்தன்மை பணிக்குழு வரலாற்று ரீதியான நடவடிக்கைகளை எடுத்துள்ளது என்றார். இந்தியத் தலைமைத்துவத்தின் கீழ் சுற்றுச்சூழல் மற்றும் காலநிலை நிலைத்தன்மை பணிக்குழுவின் பயணம் தலைவரின் தொகுப்புரை மற்றும் விளைவு ஆவணங்களை ஏற்றுக்கொண்டதுடன் முடிவடைந்தது என்று அவர் கூறினார். இந்தியாவின் ஜி 20 தலைமை,  1 விளைவு ஆவணம், நீலப் பொருளாதாரம் என்ற கருப்பொருளின் கீழ் 2 தலைமை ஆவணங்கள், நிலம் மற்றும் பல்லுயிர் பெருக்கம், நீர்வள மேலாண்மை என்ற மையப்பொருளில் சிறந்த நடைமுறைகளின் 4 தலைமை ஆவணங்கள் மற்றும் தொகுப்புகள், ஆதாரவளங்கள் பயன்பாடு மற்றும் சுழற்சிப் பொருளாதாரம் என்ற மையப்பொருளின் கீழ் 4 தலைமை ஆவணங்களையும் வெளியிட்டது. பருவநிலை மாற்றத்தை எதிர்கொள்வதில் ஜி 20 நாடுகள் தங்கள் தலைமைப் பங்கை மீண்டும் வலியுறுத்தின. மேலும் பாரிஸ் ஒப்பந்தத்தின் அனைத்து விஷயங்களின் லட்சிய நடவடிக்கை, சுற்றுச்சூழல் மறுசீரமைப்பு, கடல் சார்ந்த திட்டமிடல் மற்றும் சுழற்சிப் பொருளாதாரம் போன்ற தலைப்புகள் ஜி 20 விவாதங்களில் முதல் முறையாக விரிவாக விவாதிக்கப்பட்டன.

தொழில்துறை தலைமையிலான வள செயல்திறன் மற்றும் சுழற்சிப் பொருளாதார தொழில் கூட்டணியின் (ஆர்.இ.சி.இ.ஐ.சி) தொடக்கம் இந்தியாவின் ஜி 20 தலைமையின் கீழ் ஒரு குறிப்பிடத்தக்க மைல்கல்லைக் குறிக்கிறது என்று திரு பூபேந்தர் யாதவ் எடுத்துரைத்தார். ஐரோப்பிய ஒன்றியத்தின் ஆணையர், பிரான்ஸ், கனடா, இத்தாலி, டென்மார்க், மொரீஷியஸ், ஐக்கிய அரபு எமிரேட்ஸ் ஆகியவற்றின் அமைச்சர்கள் முன்னிலையில் இந்த கூட்டணி தம்மால் தொடங்கப்பட்டதாக அவர் கூறினார். ஆர்.இ.சி.இ.சி.யைத் தொடங்குவதற்கான முயற்சிகளுக்காக இந்திய தலைமையை அமைச்சர்கள் பாராட்டியதில் அவர் பெருமிதம் கொண்டார். ஜி 20 அமைச்சர்கள் ஜி 20 வள செயல்திறன் உரையாடலுக்கு அழைப்பு விடுத்தனர், இது ஆர்.இ.சி.இ.ஐ.சி உடன் ஈடுபடவும், எதிர்காலத்தில் ஒருங்கிணைப்பை மேம்படுத்தவும் அழைப்பு விடுத்தது.

கடலோர மாநிலங்கள் மற்றும் யூனியன் பிரதேசங்களைச் சேர்ந்த 20 நாடுகள் மற்றும் 37 இந்திய கடற்கரைகள் பங்கேற்ற மும்பையின் ஜூஹுவில் நடைபெற்ற மெகா கடற்கரை தூய்மைப்படுத்தும் நிகழ்வின் வெற்றியை திரு யாதவ் குறிப்பாக பகிர்ந்து கொண்டார். பிரதமரின் 'தூய்மை' மற்றும் 'மக்கள் பங்கேற்பு' என்ற செய்திக்கு ஏற்ப மக்களுக்கு விழிப்புணர்வை ஏற்படுத்த இந்த பெருந்திரள் இயக்கம் நடத்தப்பட்டது. 'சுற்றுச்சூழலுக்கு உகந்த வாழ்க்கை முறை' (லைஃப்) கருத்தாக்கத்தின் முக்கியத்துவத்தையும் எடுத்துரைத்த அவர் கடல் மாசுபாட்டின் அச்சுறுத்தலைக் கையாள்வதில் தனிப்பட்ட நடவடிக்கைகளின் முக்கியத்துவத்தையும் எடுத்துரைத்தார்.

ஈ.சி.எஸ்.டபிள்யூ.ஜி கூட்டங்களின் போது பல பக்க நிகழ்வுகள் மற்றும் சுற்றுலாப் பயணங்களுக்கு ஏற்பாடு செய்யப்பட்டன. பாரம்பரியம் மற்றும் நிலையான வாழ்க்கை முறையை வெளிப்படுத்தும் பல பாரம்பரிய தளங்களை கண்டறிவதற்கான வாய்ப்பு பிரதிநிதிகளுக்கு கிடைத்தது; இயற்கையுடன் இணக்கமாக வாழ்வதன் முக்கியத்துவத்தை வலியுறுத்தியது. பன்னேர்கட்டா தேசிய பூங்கா, அட்லஜ் வாவ் மற்றும் மகாபலிபுரத்தில் உள்ள யுனெஸ்கோ பாரம்பரிய நினைவுச்சின்ன பயணம் ஆகியவை குறிப்பிடத்தக்க பயணங்களில் அடங்கும்.

சுற்றுச்சூழல் மற்றும் காலநிலை நிலைத்தன்மை பணிக்குழு (ஈ.சி.எஸ்.டபிள்யூ.ஜி) கூட்டங்கள் ஜி 20 ஈ.சி.எஸ்.டபிள்யூ.ஜி தலைவர், சுற்றுச்சூழல், வனம் மற்றும் காலநிலை மாற்ற அமைச்சகத்தின் (எம்.ஓ.இ.எஃப்.சி.சி) செயலாளர் திருமதி லீனா நந்தன் தலைமையில் பெங்களூரு, காந்திநகர், மும்பை மற்றும் சென்னையில் நடைபெற்றன. சென்னை கூட்டம் நான்காவது மற்றும் நிறைவுக் கூட்டமாகும். இது தவிர, இந்தியாவுக்கும் பிற ஜி20 நாடுகளுக்கும் இடையில் பல இருதரப்பு சந்திப்புகள் நடைபெற்றுள்ளன. இந்தக் குழு இந்திய தலைமையால் தேர்ந்தெடுக்கப்பட்ட முன்னுரிமைப் பகுதிகள் குறித்து விவாதித்து பேச்சுவார்த்தை நடத்தியது, இது சுற்றுச்சூழல் மற்றும் காலநிலை அமைச்சர்களால் விவாதங்களை நடத்துவதன் மூலமும், இந்த முன்னுரிமை பகுதிகள் தொடர்பான விளைவு ஆவணங்களை ஏற்றுக்கொள்வதன் மூலமும் உறுதிப்படுத்தப்பட்டது.

பணிக்குழு கூட்டங்கள் முழுவதும், பல ஜி20 மற்றும் அழைப்பாளர் நாடுகளும், சர்வதேச அமைப்புகளும் இந்த ஆண்டு தொழில்நுட்ப ஆவணங்கள் மற்றும் ஆய்வுகளை தயாரிப்பதில் தீவிரமாக பங்கேற்றன. ஜி 20 சுற்றுச்சூழல் மற்றும் காலநிலை நிலைத்தன்மை பணிக்குழுவின் முயற்சிகளின் வெற்றி சுற்றுச்சூழல் சவால்களை நேருக்கு நேர் சமாளிக்க ஜி 20 நாடுகளின் கூட்டு விருப்பம் மற்றும் உறுதிப்பாட்டிற்கு சான்றாக நிற்கிறது. இந்திய தலைமையின் பதவிக்காலம் முடிவடையும் நிலையில், இந்த பயனுள்ள ஒத்துழைப்பின் பாரம்பரியம் மிகவும் நிலையான மற்றும் வளமான உலகை நோக்கி உலகளாவிய முயற்சிகளுக்கு தொடர்ந்து ஊக்கமளிக்கும் மற்றும் வழிகாட்டும்.

***

ANU/SMB/AG/KPG