اسٹیل کی وزارت
حکومت، ہندوستانی اسٹیل صنعت کی طویل مدتی ترقی کی حوصلہ افزائی کے لیے اقدامات کررہی ہے
اسٹیل اسکریپ کی درآمد کی مانگ کو کم کرنے اور ہندوستان کو آتم نربھر بنانے کے لیے ملک میں مزید اسکریپ مراکز کھولے جا رہے ہیں
Posted On:
26 JUL 2023 3:25PM by PIB Delhi
اسٹیل کے مرکزی وزیر مملکت جناب فگن سنگھ کلستے نے آج لوک سبھا میں ایک سوال کے تحریری جواب میں بتایا کہ اسٹیل ایک ڈی ریگولیٹڈ شعبہ ہے اور حکومت کا کردار ملک میں اسٹیل سیکٹر کی ترقی کے لیے سازگار ماحول پیدا کرنے کے لیے سہولت کار کا ہے۔
اسٹیل پروڈیوسرز کے لیے حکومت کی طرف سے پالیسی سپورٹ
حکومت ہند نے نیشنل اسٹیل پالیسی 2017 کو نوٹیفائی کیا،جس نے 2030-31 تک طلب اور رسد دونوں پہلوؤں پر ہندوستانی اسٹیل صنعت کے لیے طویل مدتی ترقی کی حوصلہ افزائی کے لیے وسیع روڈ میپ وضع کیا ہے۔ پالیسی 2030-31 تک مجموعی طور پر 255 ایم ٹی کی خام سٹیل کی پیداوار اور 230 ایم ٹی کی کل تیار اسٹیل کی طلب کا منصوبہ رکھتی ہے۔
اسٹیل اسکریپ شعبے میں آتم نربھرتا کی طرف
اسٹیل کی وزارت نے 7 نومبر 2019 کو اسٹیل اسکریپ کی ری سائیکلنگ پالیسی کو بھی نوٹیفائی کیا ہے۔ یہ پالیسی مختلف ذرائع اور مختلف قسم کی مصنوعات سے تیار کردہ فیرس اسکریپ کی سائنسی پروسیسنگ اور ری سائیکلنگ کے لیے ہندوستان میں دھاتی اسکریپنگ مراکز کے قیام کو آسان بنانے اور فروغ دینے کے لیے ایک فریم ورک فراہم کرتی ہے۔ پالیسی ڈسمینٹلنگ مراکز اور اسکریپ پروسیسنگ مراکز کے قیام کے لئے، جمع کرنے والوں کے کردار اور حکومت، صنعت کار اور مالک کی ذمہ داریوں کے لیے معیاری رہنما خطوط فراہم کرتی ہے۔ اسٹیل اسکریپ ری سائیکلنگ پالیسی کے مطابق، حکومت کا کردار ایک سہولت کار کا ہے، تاکہ وہ ملک میں اسکریپ مراکز قائم کرنے کے لیے کاروباریوں اور سرمایہ کاروں کے لیے سازگار ایکو سسٹم تیار کرے۔ تاجروں کی جانب سے اسکریپ سینٹرز کے قیام کا فیصلہ تجارتی تحفظات پر مبنی ہے۔
گزشتہ تین سالوں کے دوران ملک کی اسکریپڈ اسٹیل کی درآمد کی تفصیلات ذیل میں دی گئی ہیں:-
|
سال
|
در آمد (ایم ٹی میں)
|
|
2020-21
|
5.571
|
|
2021-22
|
4.845
|
|
2022-23
|
9.915
|
|
ماخذ: مشترکہ پلانٹ کمیٹی (جے پی سی) ؛ ایم ٹی – ملین ٹن
|
۔۔۔۔۔۔۔۔۔۔۔۔۔۔۔۔۔۔
(ش ح- ا ک- ق ر)
U-7546
(Release ID: 1942906)
Visitor Counter : 79