ڈپارٹمنٹ فار پروموشن آف انڈسٹری اینڈ انٹرنل ٹریڈ (ڈی پی آئی آئی ٹی)كی جانب سے آج ایک لاجسٹک ڈیٹا بینک پروجیکٹ (ایل ڈی بی) میٹنگ میں بندرگاہ کی کارکردگی کو بہتر بنانے کے لیے پورٹ اتھارٹیز کے اقدامات کا جائزہ لیا گیا۔ میٹنگ کی صدارت کرتے ہوئے، خصوصی سکریٹری (لاجسٹکس)، ڈی پی آئی آئی ٹی، محترمہ سمیتا داؤرا نے 2030 تک 2.5 ٹریلین امریکی ڈالر کے ایكزم ہدف کو حاصل کرنے کے لیے بندرگاہوں کی پیداواری صلاحیت کو بہتر بنانے کی خاطر ایک جامع نقطہ نظر اپنانے کی اہمیت پر روشنی ڈالی اور كہا كہ مناسب آخری اور پہلے میل کنیکٹیویٹی کے لیے پی ایم گتی شکتی کے اصولوں پر بنیادی ڈھانچے کی ترقی، لاجسٹک خدمات میں بہتری اور مطلوبہ تجارتی حجم کو سنبھالنے کے لیے بندرگاہوں کی صلاحیتوں کو بڑھانے وغیرہ کے لیے بندرگاہ کی سطح پر حكمت انگیز منصوبہ بندی كی جائے گی اور اسے مستقبل کی ترقی کے لیے توجہ کا مرکز بنایا جائے گا۔

میٹنگ میں محکمہ تجارت (ڈی او سی)، سنٹرل بیورو آف بالواسطہ ٹیکس اور کسٹمز (سی بی آئی سی)، بندرگاہوں، جہاز رانی اور آبی گزرگاہوں کی وزارت(ایم او پی ایس ڈبلیو)، نیشنل انڈسٹریل کوریڈور ڈیولپمنٹ کارپوریشن لمیٹڈ (این آئی سی ڈی سی) کے افسران اور بارہ پورٹ حكام نے شرکت کی۔

 

خصوصی سکریٹری (لاجسٹکس)نے ایكزم لاجسٹکس کی کارکردگی اور عالمی مسابقت کو بہتر بنانے کے لیے نشانہ بند مداخلتوں کی ضرورت پر زور دیا۔ انہوں نے کہا کہ ہندوستانی بندرگاہوں کے درمیان ٹھہرنے کے وقت میں تفاوت سے متعلق مسائل کو ہر بندرگاہ پر بین الاقوامی معیار کے حصول کے مقصد کے ساتھ حل کیا جانا چاہئے اور ٹرن اراؤنڈ ٹائم جیسے كلیدی میٹرکس، بندرگاہ اور قریبی چیک پوسٹ کے درمیان بھیڑ وغیرہ پر بندرگاہ کے لحاظ سے کارکردگی کو بہتر بنایا جانا چاہئے۔ انہوں نے بروقت كام اور پیشین گوئی کو بہتر بنانے اور درآمدات/برآمدات کے لیے کارگو کی ریلیز کے اوسط وقت کو کم کرنے کے لیے تیز رفتار کارگو کلیئرنس کو معیاری بنانے اور ایس او پیز تیار کرنے کی تجویز بھی دی۔ انہوں نے شرکاء کی حوصلہ افزائی کی کہ وہ این سی ٹی ایف ہدف  حاصل کرنے کی کوشش کریں اور ایل ڈی بی رپورٹ کے نتائج کو اپنانے کو ادارہ جاتی شكل دیں۔

پورٹ حكام کی طرف سے شروع کردہ بعض اقدامات/پروجیكٹوں میں درج ذیل شامل ہیں:

• سینٹرلائزڈ پارکنگ پلازہ کا قیام، جس سے کنٹینر ہولڈنگ چارجز یومیہ  5000 روپے  سے کم  كر كے یومیہ  100 روپے ہو جائیں گے اور  ریئل ٹائم کنٹینر ٹریکنگ، (چوبیسوں گھنٹے آر ایف آئی ڈی ٹیگنگ / سڑک / ریل کنٹینرز کی پانچ کنٹینر ٹرمینل گیٹس پر ڈی ٹیگنگ)  كے لئے جواہر لعل نہرو پورٹ پر ایل ڈی بی کا استعمال ہو گا ۔
• آخری اور ابتدائی کنیکٹیویٹی کو بہتر بنانے کے لیے مرموگاو پورٹ ٹرسٹ (ایم پی ٹی) (1) ورونپوری جنکشن سے سدا جنکشن تک چار قطاری سڑک بنا رہا ہے۔ (2)بائنا سے گیٹ نمبر 9 تک فلائی اوور بنایا جا رہا ہے اور (3) قومی شاہراہ- 17-بی کے چار قطاری فلائی اوور کو جوڑنے والے بائنا پر اپریمپ كی تعمیر كی جارہی ہے۔
• وشاکھاپٹنم کنٹینر ٹرمینل میں بغیر کسی رکاوٹ کے چلنے کے لیے چھ لین گیٹ کمپلیکس کی تعمیر۔
• کوچین بندرگاہ اور این ایچ آئی اے نے موجودہ 2 قطاری قومی شاہراہ 966 بی كو چار قطاری بنانے كا منصوبہ شروع کیا ہے۔ 8 كلو میٹر كا یہ راستہ  یہ ولنگڈن جزیرہ کو کنڈنور جنكشن سے جوڑتا ہے۔
• چنئی پورٹ میپ پیڈو میں ایک ملٹی موڈل لاجسٹکس پارک (ایم ایم ایل پی) تیار کر رہا ہے تاکہ گودام، کولڈ اسٹوریج، کنٹینرز کے لیے اوپن اسٹوریج، آٹوموبائل پارکنگ وغیرہ جیسی سہولیات فراہم کی جا سکیں، یہ سب جدید ترین میکانائزیشن کے ساتھ ایک ہی چھت کے نیچے ہیں۔
• چنئی پورٹ 84,000 مربع میٹر کے علاقے میں ایک بفر پارکنگ یارڈ تیار کر رہا ہے۔

میٹنگ کے دوران اس بات پر روشنی ڈالی گئی کہ پارٹنر ممالک کے ڈیجیٹل سسٹمز کے ساتھ ملک کے ایكزم گروتھ ٹارگٹ کو حاصل کرنے کے لیے پورٹ آف کال سے باہر کنٹینرز کو ٹریس کرنا مستقبل کی ترقی کے لیے انتہائی اہمیت کا حامل ہے۔

اسپیشل سکریٹری (لاجسٹکس) نے درج ذیل ایکشن پوائنٹس کا احاطہ کرتے ہوئے آگے کا راستہ دكھایا:

• بندرگاہوں کو اپنی کارکردگی / پیداواری صلاحیت کو بہتر بنانے کے لیے اسٹریٹجک ایکشن پلان تیار کرنا ہے تاکہ ایكزم لاجسٹکس کی کارکردگی کو بڑھایا جا سکے اور عالمی ترسیلی مرکز/ ترجیحی تجارتی مقامات وغیرہ کے طور پر ابھریں۔
• بندرگاہیں انفراسٹرکچر کی منصوبہ بندی کے لیے پیشن گوئی کا تجزیہ کریں گی تاکہ مستقبل میں بڑھتے ہوئے ایكزم تجارتی بہاؤ کو سنبھالنے کی مناسب صلاحیت تیار کی جا سکے۔
• ایل ڈی بی رپورٹ کے نتائج کو اپنانے كا سلسلہ بڑھائیں، ٹھہرنے کے وقت، ٹرانزٹ ٹائم، کنجشن وغیرہ کے رجحانات کا تجزیہ کرنے کے لیے۔ ڈیٹا اینالیٹکس کی باقاعدہ نگرانی جیسے کہ ایل ڈی بی پروجیکٹ کے تحت تیار کیا گیا ہے، یہ کلیدی کارکردگی کے اشارے کے طور پر کام کر سکتا ہے، اس کی بنیاد پر بندرگاہیں اپنی حکمت عملی اور ایکشن پلان تیار کر سکتی ہیں۔
• پی ایم گتی شکتی میکانزم کا استعمال کرتے ہوئے مؤثر اندرونی کنیکٹیویٹی کو ترجیح دینے کے لیے آخری اور ابتدائی فاصلے کے فرق کی نشاندہی کی جاءے۔ پی ایم گتی شکتی نیشنل ماسٹر پلان کا استعمال کرتے ہوئے ملٹی موڈل کنیکٹیویٹی سے جامع منصوبہ بندی کی جائے۔
• ڈیجیٹل انفراسٹرکچر کی ترقی میں سہولت فراہم کرنا، بندرگاہوں پر ڈیجیٹلائزیشن میں اضافہ اور کسٹمز کے کردار سمیت مؤثر خدمات کی فراہمی۔

******

 

 

U.No:7360

ش ح۔رف۔س ا

(Release ID: 1941824) Visitor Counter : 149