راشٹریہ ریل سنرکشا کوش (آر آر ایس کے) کو 2017-18 میں 5 سال کی مدت میں 1 لاکھ کروڑ کے مجموعی سرمایہ کے ساتھ اندازہ شدہ حفاظتی کاموں کے نفاذ کے لیے بنایا گیا تھا۔ اس فنڈ کے تحت شروع کیے گئے منصوبے ٹریک کی تجدید، پلوں، سگنلنگ، رولنگ اسٹاک، تربیت اور اہم حفاظتی عملے کے لیے سہولیات سے متعلق ہیں۔ آر آر ایس کے کے کاموں کی مالی اعانت مجموعی بجٹ سپورٹ (جی بی ایس) اور ریلوے کی آمدنی/وسائل بشمول اضافی بجٹ سے متعلق وسائل (ای بی آر) کے ذریعے وسائل کو متحرک کرنا، آر آر ایس کے پر وزارت خزانہ کے رہنما خطوط کے مطابق ہے۔  2017-18 سے 2021-22 تک آر آر ایس کے کے کاموں پر 1.08 لاکھ کروڑ روپے کا خرچ آیا۔ اخراجات کی تفصیلات ضمیمہ I کے طور پر شامل ہیں۔

ریلوے سیفٹی فنڈ (آر ایس ایف)   2001-02 میں ابتدائی طور پر لیول کراسنگ اور روڈ اوور برج اور روڈ انڈر برج سے متعلق کاموں کو فنڈ دینے کے لیے بنایا گیا تھا۔ اس کے دائرۂ کار کو بعد میں دیگر حفاظتی کاموں پر بھی سرمایہ خرچ کرنے کے لیے بڑھا دیا گیا ہے۔

پچھلے پانچ سالوں کے دوران، حفاظت سے متعلق کاموں پر خرچ کرنے کے لیے راشٹریہ ریل سنرکشا کوش (آر آر ایس کے) اور ریلوے سیفٹی فنڈ (آر ایس ایف) چلائے گئے ہیں۔ اس کے علاوہ مجموعی بجٹ سپورٹ، ڈی آر ایف اور ڈی ایف سے کیپٹل اخراجات حفاظت سے متعلق کاموں پر کیے جاتے ہیں۔ مالی سال 2014-15 اور مالی سال 2022-23 کے درمیان کل اخراجات اور مالی سال 2023-24 کے لیے بی ای کی رقم سیفٹی سے متعلق پلان ہیڈز پر  1.78 لاکھ کروڑ روپے ہے۔ تفصیلات کو ضمیمہ II کے طور پر شامل کیا گیا ہے۔ یہ رقم مالی سال 2004-05 سے مالی سال 2013-14 (70,274 کروڑ روپے) کے دوران سیفٹی سے متعلق پلان مدوں پر خرچ کی گئی رقم کا تقریباً 2.5 گنا ہے۔

فنڈز پروجیکٹ کے لحاظ سے فراہم کیے جاتے ہیں جو متعدد زونز/ڈویژنز میں آ سکتے ہیں، اس لیے حفاظتی کاموں پر زون وار اخراجات کو ضمیمہ III کے طور پر شامل کیا گیا ہے۔

اہم حفاظتی عملہ جیسے ڈرائیور ٹریک اور سگنلز پر مسلسل نظر رکھتے ہیں۔ اس میں کھڑا ہونا شامل ہے۔ اس لیے ڈیوٹی کے اوقات کے بعد آرام کا معیار بہت ضروری ہے۔ لوکو پائلٹس/اسسٹنٹ لوکو پائلٹس کو اگلی ڈیوٹی سے پہلے آرام کرنے کے لیے، 2013 میں سینٹر فار ایڈوانس منٹیننس ٹیکنالوجی (سی اے ایم ٹی ای سی ایچ) کی طرف سے پیش کی گئی تکنیکی رپورٹ میں رننگ روم کے لئے فوٹ مساج، یوگا میٹ، فٹنس سہولیات، کچن کے برتنوں جیسی سہولیات کی سفارش کی گئی تھی۔ سیفٹی افرادی قوت کی تربیت کے علاوہ سیفٹی سے متعلق ٹریک مینجمنٹ سسٹم اپلی کیشن کے لیے لیپ ٹاپ اور کمپیوٹر بھی فراہم کیے گئے۔ لہٰذا اخراجات رننگ روم اور ٹریننگ اسٹاف وغیرہ کی اپ گریڈیشن کے حصول کے لیے طے شدہ رہنما خطوط پر مبنی تھے جو براہ راست ٹرین چلانے کی حفاظت سے متعلق تھے۔

سی اینڈ اے جی نے ’’انڈین ریلویز میں پٹری سے اترنے‘‘ پر 2022 کی اپنی کارکردگی آڈٹ رپورٹ نمبر 22 میں مشاہدہ کیا ہے کہ آر آر ایس کے کو بک کیے گئے کچھ اخراجات غیر ترجیحی اشیاء میں تھے۔ ریلوے نے ایکشن ٹیکن نوٹ میں آڈٹ کے مشاہدے کا جواب دیتے ہوئے کہا ہے کہ یہ اخراجات رننگ روم کی سہولیات سے متعلق سی اے ایم ٹی ای سی ایچ کی تکنیکی رپورٹ اور پالیسی لیٹر کے ذریعے کور کیے جاتے ہیں۔ اس کے مطابق، اہم حفاظتی عملے کے لیے آلات اور گیئر پر مطلوبہ اخراجات کچھ ریلوے پر آر آر ایس کے کو بک کیے گئے ہیں۔

یہ اطلاع ریلوے، مواصلات اور الیکٹرانک و انفارمیشن ٹیکنالوجی کے مرکزی وزیر جناب اشونی ویشنو نے آج راجیہ سبھا میں ایک سوال کے تحریری جواب میں دی۔

۔۔۔۔۔۔۔۔۔۔۔۔۔۔۔۔۔

ش ح۔ا ک  ۔ م ر

Urdu No. 7304

(Release ID: 1941520) Visitor Counter : 98