ঐহাক্না পুম্নমক্কী মফমদা য়াইফ পাউজেল পীজরি!

কা অসি ইনর্জীনা থল্লে। মালেম্না দিকেদ কয়া অসিদা মসিবু উরগনি।

ঐহাক্না হৌজিক ফাওরিবা নুংঙাইবা অসি অদোম্না লাম্বা ফংলরোই। ঐখোয়গী নাক্তা লৈরিবা হ্যমেন রিসোর্স অসিনা মরম ওইরগা লৈবাক্কী তুংগী মতম অসি য়াম্না শাফবগী মতৌ চেল্লে। অদোম্না রিসোর্স অসিগী খুদম্নি, অমসুং মালেমগী মাঙদা উৎলি। মফমসিদা শরুক য়ারিবা মীওইশিংনা ঐখোয়গী চারোন শুরোন অসিগী মশক থোক্লবা মীওই ওইরিবনি। অদোম্না গ্রহ অসিদা লৈবা খ্বাইদগী লুবা পরিক্ষাদা মায় পাক্লিবনি। অদোমদি গ্রহ অসিগী খ্বাইদগী প্রিমিয়ম ওইবা সর্ভিসকী শরুক অমা ওইরিবনি।

অদোম্না মীওইবা খুন্নাইগী শরুক তরুক থোকপগী অমগী ময়ুম ওইরিবা ভারতকী এম্বেসেদর অমসুং খোঙমী লান্মী ওইগদৌরিবনি। অদোমগী মতিক মগুন, তৌবা ঙম্বা, খোঙফম চেৎপা, অমসুং ৱাখল্লোন্না ভারতনা অমৃত কাল অসিদগী ইং 2047গী মাইকৈদা চঙশিনবা খোঙচৎপু পুৱারী ওইরবা অমসুং মায় পাকপনা থনবা ওইহনগদৌরিবনি।

ভারতনা ইং 2047দা নিংতম্বগী চহি 100 মপুং ফাবগী নুংঙাইবা ফোংদোকপা মতমদা ঐখোয়গী মরক্তগী মীওই খরদি লৈররোই, অদুবু অদোমদি লৈখিগনি। লৈবাক্কী মমায়না অৱাংবা থাক্কী মাইকৈদা লেপ্তনা কাখৎলক্লিবা মতম অসিদা হিংবা ফংলিবা অসি অদোমগী লাইবক ফবনি।

অদোমগী মরক্তগী মীওই অহুম্না অফবা ইন্সতিত্যুতশিংদগী থোক্লকপা উকিল ওইরিবা, লৈবাক্কী তোঙান-তোঙানবা মফমশিংদগী লাক্তুনা পুম্নমক্কী নাক্তা প্রিমিয়ম এক্সপেরিএন্স পুদুনা লাক্লিবা, খুঙ্গং অমসুং অর্বানগী বেকগ্রাউন্দশিংনা অমত্তা ওইনা লাকপসিদা ঐহাক্না নুংঙাইবা ফাওই।

মসিগুম্বা তোঙান-তোঙানবা বেকগ্রাউন্দদগী লাক্তুনা অমত্তা ওইনা পুল্লিবা অসিনা ভারতকী খোঙফম অমা ওইরিবা অমসুং ঐখয়গী সিভিলাইজেসনগী মশক তাক্লি।

অতোপ্পা সর্ভিসশিংনা পীবা ঙমদবা তোঙানবা খরা সর্ভিস অসিনা পীগনি। অদোমগী গ্লোবেল ফুতপ্রিন্ত লৈগনি। মালেম শিনবা থুংবদা পীরিবা অরুবা ত্রেনিং মখল অসিগা লোয়ননা অদোম্না খ্বাইদগী নীংথিরবা চৎনবী অমগী খুত্থাংদা ভারতকী সেবা তৌবা ঙমগনি। মসিদি ইশা চাউখৎচবগী অফবা খুদোংচাবা অমা ওইবগা লোয়ননা মালেমদা খ্বাইদগী চাউবা গনতন্ত্রগী মীহুত ওইবগী চাউথোকচবসু ঙমগনি।

ঐখোয়গী লৈবাক্তা লৈরিবা গনতন্ত্রগী কন্সতিত্যুস্নেল মেকানিজম অসিগুম্বা অমত্তা মালেমদা লৈতে হায়না ঐহাক্না অদোমগী মফমদা চাউথোকচনা হায়বা ঙম্মি। ঐখোয়গী সংবিধান্না খুঙ্গং, পঞ্চায়ত, জিলা পরিশদ, পঞ্চায়ত সমিতী অমসুং রাজ্য থাক্কী লেজিলস্লেচরদা গনতন্ত্রগী পথাপ অমা লৈহল্লি। লোয়ন-লোয়ননা, কেন্দ্রগী থাক ওইরিবা পার্লিয়ামেন্ততসু গনতন্ত্রগী পথাপ লৈহল্লিবনি।

সংবিধান্না লৈহনবা কোওপরেতিব মেকানিজমগী গনতন্ত্রগী পথাপ অমসু ঐখোয়গী নাক্তা লৈরি। মসিগুম্বা থৌওং অসি মালেমগী অতোপ্পা লৈবাক অমত্তদা লৈবা নত্তে।

গনতন্ত্রগী পঙ্গল অসি শক্তি য়েন্থোকপগী পথাপ্তা লৈ। ঐখোয়গী লৈবাক্তা শক্তি য়েন্থোকপগী থৌওং অসি পাম্বী অমখক্কী খুত্থাংদা পাংথোকই, হায়বদি, মীখলগী খুত্থাংদা; বেল্লোতকী শক্তি হায়বসি মসিমক্নি। ঐখোয়গী লৈবাক্তা লৈরিবা এদল্ত ফ্রাঞ্চাইস অসিমক হৌবদগী হৌনা লৈরকই হায়না লৈবাক অমত্তনা হায়বা ঙম্লোই। মরম অদুনা, ঐখোয় অসিদি য়াম্না তোপ তোপ্পা লৈবাক অমনি। অদোম্না মীরমদা চৎপা মতমদা চহি 300, 400 অমসুং 1000গী পুৱারী লৈবা লৈবাক কয়া থেংনগনি, অদুবু ঐখোয়গী সিভিলাইজেসনগী শাফু অসিদি চহি 5000গী মমাংদগী লৈদুনা লাক্লবনি।

অদোম্না খোঙমী লান্মী অমগুম্না লৈবাক্কী ব্রান্দ এম্বেসেদর ওইনা লৈগনি হায়না ঐহাক্না থাজবা থম্মি। ঐহাক্না হায়রিবসি অদোমগী মফমদনি। অদোম্না অথোইবা লৈবাক অসিগী ব্রান্দ এম্বেসেদর ওইগদৌরিবনি।

মরুপশিং, অদোম্না মমাংদা অমুক্তা খল্লুদ্রিবা অমসুং মমাংদা অমুক্তা থোকখিদ্রিবা থৌদোক কয়াগা লোয়ননা মালেম অসিদা অচৌবা অহোংবা অমা লাক্লে। লাক্লিবা অহোংবা অসিদা ভারতনা মালেমগী থাক্তা অচৌবা শাফু অমসু ওইরক্লি। মসিদা য়েৎনবগী মথৌ তাদ্রে। ভারতনা শাংলবা মতমদগী ফংফম থোকপা ফম অদু হৌজিক কন্দুনা লৈরবনি।

মালেমগী ফম্বাক্তা ভারতনা কল্লিবা ফম অসিগী শাফু য়ানা চাওই। ভারতকী প্রধান মন্ত্রীনা হায়বা ৱা তানবা মালেম্না ঙাইদুনা লৈবা মতম অমদা ঐখোয়না হিংলি। ফিভম অসিমক ঐখোয়গী চাউথোকচনীংঙাইনি।

মরুপশিং, শিংনবা খুদিংগী খুদোংচাবা লৈ। অদোম্না তোঙানবা কলচর, লোল, চাকচা-য়ুথক লৈবা মফম কয়াদা চৎকদৌরিবনি, অদোম্না মদুগা হৈনহনবা তাবনি, অদুবু ভারতকুম্বা লৈবাক্তগী লাক্লবদি মদুদা থোইদোক্না অৱাবা ওইরোই। কা অসিদা লৈরিবা হ্যুমেন রিসোর্সশিং অসিদি মীহুৎ শিনবা, এজুকেসনগী লমদা দাইবর্স ওইবা ঙাক্তনি অমসুং মসিদা জেন্দর বেলেন্স অমসু লৈরি। অদোম্না চাউরবা ইন্দিয়ন দাইস্পোরাগসু উন্নবা ফংগনি। মালেম অসিদা ঐখোয়গী দাইস্পোরা মিলিয়ন 32 হেন্না লৈ হায়বসি অদোম লাম্বা ঙম্বরা? ঐখোয়না ইন্দিয়ন দাইস্পোরাগীদমক্তা চাউথোকচৈ, মখোয়সি ঐখোয়গী চাউথোকচনীংঙাই অমনি।

ঐখোয়গী প্রধান মন্ত্রী শ্রী নরেন্দ্র মোদীজীনা মখোয়বু অনৌবা দাইমেন্সন অমা পীরবনি; মখোয়বু অচৌবা শক্তি অমদা ওন্থোক্লবনি। ঐখোয়গী দাইস্পোরাশিংনা মখোয়না হৌজিক লৈরিবা লৈবাকশিংদা কনবা মফম্না মরম ওইরগা মমিং চৎনরি, অমসুং মখোয়না ঐখোয়গী ভারতকী য়াইফ য়ুম্বালগী থবক কয়া অমসু পাংথোক্লি। অদোম্না মখোয়গা মরী শাগৎপা অমসুং চাউখৎ থৌরাংগীদমক্তা মখোয়গী মপাঙ্গল শিজিন্নবা অসি য়াম্না চাউবা থবক অমদি ওইগনি, অদুবু অদোম্না মদুমক মায় পাক্না পাংথোপা ঙমগনি ঐহাক্না করিসু নাচুংদে।

অদোমগী থবক্কী মতৌগী মখা পোন্না ফিভম খুদিংগা চুশিন্নবা হোৎনবা তাবনি, অমসুং ৱারোইশিন পুরকপগী খোঙজেল য়ানঙশিনহনবা তাবনি। ঐখোয়গী লৈবাক্কী লৈঙাকপগী থৌওং, অইং-অশা অমসুং হৈনবী মান্নদবা লৈবাক কয়াগা অদোমগা থেংনবা তারক্কনি। মসিগুম্বা ফিভম অসিদা অদোম্না পি.এম.না হায়রম্বা “ইন্নোভেতিব ওইসি, বোক্সতগী ৱাংমা লান্না খনসি, লৈবাক্কী অপাম্বনা খ্বাইদগী অৱাংবদা থমসি” হায়বসি থবক্তা ওন্থোক্কদবনি।

অদোম্না ভারতকী অফবশিংগী মীহুৎ শিন্নবা থোকপা মতমদা অদোম্না ভারতকী হ্যুমেন কেপাসিতীদগী মীহুৎ শিনগনি। অদোম্না মালেমসিদা য়েংবা তমদা, অদোম্না খনবা য়াবা কেরিয়র মখল কয়া অয়মা লৈগনি, শেল থুমগী কান্নবা কয়া অমসু মখোয়না পীবা ঙমগনি, অদুবু, লৈবাক্কী সেবা তৌবগী খুদোংচাবদি ফংদবা য়াই। ঐখোয়গী সিভিলাইজেসনগী ৱাখল্লোন অমসুং G20গী থীমসু ওইরিবা, “মালেম অসি অমত্তনি” হায়রিবা অসিনা মরম ওইরগা অদোমগী তৌবা ঙম্বগী মতিকশিং অসি মীওইবা খুন্নাইগী তেংবাংনবা চেনেলাইজ তৌরবনি। ঐখোয়না ৱাখল্লোন অসিগা লোয়ননা কোবিদ-19গা মায় পাক্না থেংনখিবগী মতৌদা য়েংসি। ঐখোয়গী মীয়ামশিংনা তেংবাংনখিবা মতৌদগী ভেক্সিন মাইত্রী থোকখি। ঐখোয়না অতোপ্পগী তেংবাংবদা মনিং হনখিদে অমসুং অতোপ্পা লৈবাক কয়াগী তেংবাংখি।

মালেমগী পুৱারী শেম্লিবা মতমসিদা অদোম্না হৌজিক হিংলিবা অসিনা অদোম্না অতোপ্পা থবক কয়াসু নীংথিনা খঙগদবনি। মসিগী অচৌবা অহোংবা অসিদা থৌদাং য়াবা ঙম্বা ফমদা ভারতনা ঙসি লৈরিবনি।

ঐহাক স্তেতিস্তিক্স খরা শেয়র তৌজগে। সেপ্তেম্বর 2022দা ভারতনা মালেমগী খ্বাইদগী মঙাশুবা চাউবা শেন্মিৎলোন ওইখি, মসিদা ঐখোয়না কনাবু মনিং থম্লম্মি খঙবরা? ঐখোয়বু লোইলম লৈঙাক্লম্বশিং। দিকেদ অসিগী ওরৈবদা ঐখোয়না মালেমগী খ্বাইদগী অহুমশুবা চাউবা শেন্মিৎলোন শোইদনা ওইরগনি। অদোমগী হোৎনজমনশিংনা মরম ওইরগা, ভারতনা 2047  য়ৌবা মতমদা, ভারত@2047না খ্বাইদগী মকোক্তা লৈরগনি, মসিদা চীংননীংঙাই অমত্তা লৈতে।

ভারতনা হৌজিক লৈরিবা থাক অসি চহি খরগী মমাংদদি ৱাখলনা লাম্বা ফংলম্বা নত্তে। ঐহাকপু মীয়াম্না পার্লিয়ামেন্ততা 1989দা থাবীবা মতমগী ৱারী খরা নিংশিংলকই। মতম অদুদা, ঐহাক্না কেন্দ্র সরকারগী মন্ত্রী ওইবগী খুদোংচাবা ফংখি। ঐহাক্না মীরম খোঙচৎ কয়া মন্ত্রী ওইনা চৎখি, হৌজিক্না ঐহাক্না উপ রাস্ত্রপতি ওইনা মীরম খোঙচত্তা চৎলি। খেন্নবা অসি করিনো হায়বা ঐহাক হৌজিক খঙলে, মরুপশিং। য়াম্না চাউনা খেন্নরে। ঐখোয়গী পাস্পোর্তকী মগুন য়াম্না লৈরে। ভারত সরকারগী ৱাফম খুদিংমক খ্বাইদগী মপাঙ্গল লৈবা লৈবাক ফাওবনা য়াম্না লুনা লৌরে।

খ্বাইদগী পাঙ্গল লৈবা গনতন্ত্র, USকী হন্দক্কী খোঙচত্তা প্রধান মন্ত্রীনা পুৱারী ওইরবা ৱাফম থমখি, মহাকপু তরাম্না ওকখিবগী মতৌদি পুৱারী ওইরবনি। অদোম্না মদু শোইদনা উরমগনি খল্লি। মদুদি, মশক থোকপা থৌওংনি, ভারতনা হৌজিক্তি মালেমগী ফম্বাক্তা ফম্লবনি।

মালেমগী মীওইবা খুন্নাইগী শরুক তরুক থোকপগী অমবু মালেমগী ৱারেপ লৌবা বোদীদগী লাপ্না থম্লম্বা অদুবু তোকহনবগী ইকোসীস্তেম অমা শেম্বগী থৌদাং অদোমগী মাঙদা লৈরে। ভারতনা সেক্যুরিতী কাউন্সিলগী পর্মানেন্ত মেম্বর ওইদবগী মতম শাংলক্লে, মদু ঐখোয়না হোংহনবা তারে। অদোম্না অহোংবা কয়া পুরক্তুনা থবক কয়া পাংথোকপা তাবনি।

অখন্নবা ফিভম খরদা ঐখোয়না মিৎকুপ নাহুম শিংনা লৈগদবনি হায়না ঐহাক হায়জনীংই। ঐখোয়গী সংবিধানগী গনতন্ত্রবু মিংচৎ থীহন্নবা অমসুং অকায়বা থোকহন্নবা ফত্তবা শাফু খরা লৈ। অদোম্না ই-পাউ নীংথিনা শন্দোকপগী থবক চত্থবা তাই, অদোম্না গ্রাউন্দ রিএলিতী খঙলবা অমসুং লৈবাক্কী পুৱারী, চৎনবীগা শাগোন্নবা মতমদা মসিগুম্বা শাফুশিং অসিগী মাইয়োক্তা মায় পাকপা ঙমগনি। Warriors@2047না মসিমক পাংথোক্কনি, পাংথোকপগী মতিকসু লৈ হায়না ঐহাক্না থাজৈ।

ঐখোয়গী মতমদা ৱাখল্লোন অমা লৈরম্মি, ভারতপু করিসু নত্তবা অমগুম্বা থওইবীদবদু য়েংবদা থৱাই য়াম্না নুংঙাইরমদে। ঐখোয় অসি ফ্রেজাইল ফাইবকী শরুক অমনি। মতমদুদা অদোম পোক্লমখিরোই, নত্ত্রগা অঙাং নৱা ওইরমখিগনি। অদুবু হৌজিক্তি য়াম্না নুংঙাইরে। ঐহাক্না কতারদা চৎপা তমদা ভারতনা মালেমগী শেন্মিৎলোনগী অরংবা মনি ওইবা ঐহাক উরে। ভারত অসি খুদোংচাবা অমসুং ইনভেস্তমেন্তকী পাম্নরবা পন্থুংফম অমা ওইরবনি।

ঐখোয়গী ইনফ্রাস্ত্রকচর, তেক্নোলোজী, লম্বী শোরোক, রেল, এয়রদা মশক থোকপা গ্রোথ লৈরে, হৌজিক্তি ভারত অসি মালেমগী থাজবা থম্ফম্নি, মালেম্না ঐখোয়গী মাইকৈদা খৌরাংনা য়েংনরি।

ইকায় খুম্ননীংঙাই ওইরবা প্রধান মন্ত্রীগী মতিক লৈবা লুচিং মখাদা পুম্নমক অসি পাংথোক্লিবনি। হৌজিক্তি, ভারতনা গ্লোবেল সাউথকী খ্বাইদগী মরু ওইবা খোঞ্জেল অমা ওইরবনি। হীরম খুদিংদা ঐখোয়দা পাউতাক পীরম্বা মতম লোইরে, হৌজিক্তি ঐখোয়গী পাউতাক ঙাইনরবা মতম্নি।

দিজিতেল ত্রান্সফরগী অচম্বা খুদম অমা পীজগে। মীওই বিলিয়ন 1.3 লৈবা লৈবাক অমদা মসি য়াম্না লুবা থবক ওই, অদোমগী নাক্তা তেক্নোলোজী, মদুবু শিজিন্নবগী মতিক লৈরম্বা য়াই, অদুবু মদুবু শিজিন্নবীনবা মীওইসু মথৌ তাই। ইং 2022গী ফিগর অসি কয়ানো? দিজিতেল ত্রান্সফর চাউরাকপা 46% ঐখোয়গী লৈবাক্তগীনি। মসিনা USD ত্রিলিয়ন 1.5কী চাংদা শেল-থুমগী ফিভমদা শাফু পীরি, চহিসিগী ঐখোয়গী ত্রাঞ্জেক্সন্না US, UK, ফ্রান্স, জর্মনীগী অপুনবদগী হেনখি, অমসুং অপুনবগী শরুক মরি ওইখি। লৌমী মিলিয়ন 110না পি.এম. কিসান সম্মান নিধীগী মখাদা শেলগী তেংবাং হকথেংননা ফংবসি ঐখোয়না খল্লুদে, অদুবু মসি চহিদা অহুম্লক পাংথোক্লে। মসি হান্নদি ওইথোক্লম্বা নত্তে। ভারতকী মসিগুম্বা মায় পাকপা অসিদা মালেম্না ঙক্নরি। মসিনা ভারতপু জিও-পোলিতিক্সকী লমদা মপাঙ্গল য়াম্না লৈহল্লে, ঐখোয়গী ৱা তারে।

ভারতকী পি.এম.না মমাংগী চহি অনিদা পুৱারী ওইরবা ৱাফম অনি থমখি হায়বসি অদোম্না ফোরেন ওফিসর ওইনা খঙফম থোকই। অহানবদা, “ঐখোয়না এক্সপান্সনগী য়ুগতা হিংদে”, মসিগী ৱাহন্থোক্তি পুম্নমক্তগী হেন্না অদোম্না খঙগনি। এক্সপান্সন হায়বদি লৈবাক অমনা অতোপ্পা লৈবাক অমগী মনিং তম্বা মুন্নবা ৱারেপ লৌবা হায়বনি। মহাক্কী পাউজেলদি মসিনি, মালেম্না মসিবু য়াখি। অনিশুবা, “লান্না শিংনবা অমত্তগী ৱারোইশিন ওইদে”, দাইলোগ অমসুং দিপ্লোমেসীগী খুত্থাংদা ৱারোইশিন পুরক্কদবনি। দিপ্লোমেসী অসিনা অদোমগী খুৎলায় ওইগদবনি।

মরুপশিং, ভারতকী হৈ-শিংবশিংগী মতাংদা লাকপা মতমদা, ঐখোয় অসিদি এক্লাব্যানি, তাকপী তম্বীনবা য়াওদ্রবসু, ঐখোয়দি য়াম্না থুনা হৈবা, খঙবা ঙম্মি হায়না ঐহাক্না মীয়ামদা হায়দুনা লাক্লি। মসিদি খুঙ্গং নত্ত্রগা সেমি-অর্বান মফমশিংদা লৈবশিংগী মতাংদনা হেন্না চুম্মি। মসিনা মরম ওইরগা, ঐখোয়না স্মার্তফোন ইন্তর্নেত কন্নেক্সন মিলিয়ন 850 লৈরিবনি, অদুবু পর কেপিতা দেতা কঞ্জম্পসনদদি US অমসুং চাইনা অনি পুবদগীসু হেল্লিবনি। মসিদি ঐখোয়গী ৱাখল্লোন্দা ইকায় খুম্নবনি।

ঐখোয়গী রাজ্যদা “সোনে পে সুহাগা” হায়বা হায়নবী অমা লৈ, ত্রেনিং ফংদবা অমনা অসুক য়াম্না থুনা খঙবা ঙম্লবদি, অদোমগুম্বা ত্রেন তৌরবশিংনা পাংথোকপা থবকতি জিওমিত্রিকেল ওইগনি। অদুগা অদোমগী জিওমিত্রিকেল ওইবা মহৈনা লৈবাক অসিবু তেংবাংগদৌরিবনি।

শেন্মিৎলোনগী লমদা ভারতনা খ্বাইদগী মকোক থোংবা মতম অমা লৈরম্মি, মালেমগী ইন্সতিত্যুসন ওইরিবা নলান্দা অমসুং তক্সিলা অসি ঐখোয়গী লৈবাক্তা লৈরম্মি, মসিনা ঐখোয়বু চাউথোকহল্লিবনি। ভারতনা 2047দা নিংতম্বগী চহি চাম্মা মপুং ফাবা মতমদা মতমদুগী থাক অদুদা অমুক্কা হন্না য়ৌহনবদা অদোম্না তেংবাংগদবনি।

ভারতনা ইং 2047দা লৈগদৌরিবা থাক অদুগীদমক্তা লৈবাক মীয়াম্না অদোমগী মফমদা থাজবা থম্লি। পি.এম.না অদোমগী বেৎচকা মান্নবা অমদা হায়খিবা ঐহাক নীংশিংলি, মহাক্না হায়খি, “দাইলোগ অমসুং দিপ্লোমেসীনা খ্বাইদগী মতিক লৈবা খুৎলায়নি”। অদোম্না কলচর, সিভিলাইজেসনগী ইথোস অমসুং পুৱারীগী মতেং লৌবা মতমদা, খুৎলায় অসিগী মপাঙ্গল হেন্না হাপ্পা ঙমগনি।

মরুপশিং, অদোমগী কেরিয়রগী অহৌবদা শিংনবা খরদি মাইয়োক্নগনি। অদোমগী মরুপশিংনা তোঙানবা মফম অমদা থৌদাং খরা লৌরম্বা য়াই, লোয়ননা অদোম্না অতোপ্পা হীরম অমদা চঙলম্লবদি শেল হেন্না থোকপা য়ারম্বনি হায়বা ৱাফম ফাওবা থম্লকপা য়াই। ঐহাক্না সিভিল সর্ভিসেস নুমিত্তা ইন্দিয়ন ব্যুরোক্রেসীশিংদা ৱাফম থম্বদা মখোয়দা পোইন্ত অমা হায়খি। লৈবাক্কী লাইরবা নত্ত্রগা ইনাক খুনবা ইমুংদা পোকপা মীওই কয়ানা লৈবাক্কী সিভিল সর্ভিস্তা, IAS নত্ত্রগা IFSতা চঙবগী মঙলান লৈনরিবনি, অদুবু অদোমগী মঙদি মঙফাওনরবনি। হৌজিক্তি লৈবাক মীয়াম বিলিয়ন 1.3 হেনবগী মঙলান মঙফাওনহনবগী মতম্নি, মসিমক অদোম্না পাংথোক্কনি হায়বা ঐহাক্না থাজৈ।

মরুপশিং, অহোংবা অমা পুরক্কী খল্লবদি, ইশাসু অহোংবা থবক পাংথোকপা তাবনি, মসিদি মশাদা লৈজবা গুন ওইবনি। ঐহাক্না মীরমদা চৎলুবা মতমদা নহা ওইরিবা ফোরেন সর্ভিসকী ওফিসিএল কয়ানা মশাগী মথৌ নীংথিজনা পাংথোকপা ঐহাক্না থেংনখি, ঐহাক্না মখোয়গী মশক কাওবা ঙমদ্রি। অদোম্না ফংলিবা ত্রেনিং অসিনা অদোম্না চৎলুবা মফম খুদিংদা থোইদোক হেন্দোকপা থবক পাংথোকহনবা ঙমহনগনি। ঐখোয়না লৈবাক্না খ্বাইদগী হান্না থমগদবনি। মসিদি লৈবাক অমসুং মীওইবা খুন্নাইগী কান্নবা পুরক্নবা পাম্বৈ অমনি।

ঐহাক্না অদোম পুম্নমকপু থাগৎচরি। অদোমগী ঙসিগী মায় পাকপা অসিনা অদোমগী ইমুং, মরুপ, খুন্নাইবু কয়া য়াম্না হরাওহল্লমগনি। অদোমগী মায় পাকপনা অদোমগী সর্কলদা অপুনবা ইকোসীস্তেম অমা খুদোল তম্লবনি। অদোমগী মায় পাকপনা গ্রহ অসিগী খ্বাইদগী চাউবা গনতন্ত্রগী মপাঙ্গল হাপকনি। মসিদা ঐহাক্না চিংনবা অমত্তা লৈতে।

য়াইফবা ওইয়ু, হরাও নুংঙাইনা মতম পুম্বদা লৈয়ু।

থাগৎচরি।

 

*****

(Release ID: 1940880)