حکومت ہند (جی او آئی) نے درج ذیل کے فروخت (دوبارہ جاری) کا اعلان کیا ہے

(i)  یکساں قیمت کے طریقہ کار کا استعمال کرتے ہوئے قیمتوں پر مبنی نیلامی کے ذریعہ 7,000 کروڑ روپے (برائے نام) کی اعلان کردہ رقم کے لیے ’7.17 فیصد گورنمنٹ سیکورٹی، 2030‘، (ii)  یکساں قیمت کے طریقہ کار کا استعمال کرتے ہوئے قیمتوں پر مبنی نیلامی کے ذریعہ 12,000 کروڑ روپے (برائے نام) کی اعلان کردہ رقم کے لیے ’نئی گورنمنٹ سیکورٹی، 2037‘ اور (iii)  ایک سے زیادہ قیمت کے طریقہ کار کا استعمال کرتے ہوئے  قیمتوں پر مبنی نیلامی کے ذریعہ 12,000 کروڑ روپے (برائے نام) کی اعلان کردہ رقم کے لیے ’7.25 فیصد گورنمنٹ سیکورٹی، 2063‘۔ حکومت ہند کو مذکورہ بالا ہر ایک سیکورٹی کے مقابلے میں 2,000 کروڑ روپے تک کی اضافی خریداری برقرار رکھنے کا اختیار ہوگا۔ یہ نیلامی 21 جولائی، 2023 (جمعہ) کو ریزرو بینک آف انڈیا، ممبئی آفس، فورٹ، ممبئی کے ذریعہ منعقد کی جائے گی۔

گورنمنٹ سیکورٹیز کی نیلامی میں غیر مسابقتی طور پر قیمت لگانے کی سہولت کے لیے اسکیم کے مطابق سیکورٹیز کی فروخت کی اطلاع شدہ رقم کا 5 فیصد تک اہل افراد اور اداروں کے لیے مختص کیا جائے گا۔

نیلامی کے لیے مسابقتی اور غیر مسابقتی دونوں قسم کی بولیاں 21 جولائی 2023 کو ریزرو بینک آف انڈیا کور بینکنگ سلوشن (ای- کبیر) سسٹم پر الیکٹرانک شکل میں جمع کی جائیں گی۔ غیر مسابقتی بولیوں کو صبح 10.30 بجے اور صبح 11.00 بجے کے درمیان اور مسابقتی بولیوں کو صبح 10.30 بجے اور 11.30 بجے کے درمیان جمع کیا جانا چاہیے۔

نیلامی کے نتائج کا اعلان 21  جولائی 2023 (جمعہ) کو کیا جائے گا اور کامیاب بولی لگانے والوں کے ذریعہ ادائیگی 24  جولائی، 2023 (پیر) کو ہوگی۔

**************

ش ح۔ ف ش ع- م ف

U: 7127

(Release ID: 1940343) Visitor Counter : 93