3જી TIWG મીટીંગ ગુજરાતના એકતા નગર (કેવડિયા) માં શરૂ થઈ છે. આ ત્રિ-દિવસીય બેઠક દરમિયાન, G20 સભ્ય દેશો, આમંત્રિત દેશો, પ્રાદેશિક જૂથો અને આંતરરાષ્ટ્રીય સંગઠનોના 75થી વધુ પ્રતિનિધિઓ વૈશ્વિક વેપાર અને રોકાણ સંબંધિત મુદ્દાઓ પર સર્વસંમતિ બનાવવા પર ધ્યાન કેન્દ્રીત કરશે, સાથે સાથે ભારતીય પ્રમુખપદ દ્વારા આગળ મૂકવામાં આવેલી કાર્યવાહી-લક્ષી દરખાસ્તોને પૂર્ણ કરવા પર ધ્યાન કેન્દ્રીત કરશે.

3જી TIWG ના પ્રથમ દિવસે 10મી જુલાઈના રોજ  વાણિજ્ય વિભાગના સચિવ શ્રી સુનિલ બર્થવાલે મીડિયાને સંબોધિત કરતાં જણાવ્યું કે, એક મજબૂત ડિજિટલ ઈન્ફ્રાસ્ટ્રક્ચર બનાવવાના મહત્વ વિશે અને શા માટે સૂક્ષ્મ, નાના અને મધ્યમ ઉદ્યોગોને (MSMEs) ગ્લોબલ વેલ્યુ ચેઈન્સ (GVCs) સાથે એકીકૃત કરવાની જરૂર છે. તેમણે જણાવ્યું કે “MSMEs વૈશ્વિક GDPમાં લગભગ 50% યોગદાન આપે છે, તેથી વિશ્વ માટે MSMEs ને GVCs સાથે અસરકારક રીતે જોડવા માટે સામૂહિક રીતે કાર્યક્ષમ ઇકોસિસ્ટમનું નિર્માણ કરવું આવશ્યક છે. વિશ્વ ભારતમાં રોકાણ કરવા માંગે છે, અને ભારતની G20 પ્રેસિડન્સી અહીં વેપાર કોરિડોરને મજબૂત બનાવવામાં મદદ કરશે,”એમ શ્રી બર્થવાલે ઉમેર્યું હતું. તેમણે છેલ્લા કેટલાક વર્ષોમાં ભારતે બનાવેલા ડિજિટલ ઈન્ફ્રાસ્ટ્રક્ચરના મહત્વ પર ભાર મૂક્યો હતો, જેનાથી દૂરના ખૂણેથી સમુદાયોને સક્ષમ બનાવવામાં આવ્યા હતા. દેશ વૈશ્વિક પ્લેટફોર્મ પર તેમના અનન્ય ઉત્પાદનોનું પ્રદર્શન કરે છે અને બદલામાં મૂલ્યની પ્રશંસા પ્રાપ્ત કરે છે.

1લી અને 2જી TIWG મીટિંગ દરમિયાન, G20 સભ્ય/આમંત્રિત દેશો વચ્ચે વિકાસ અને સમૃદ્ધિ માટે વેપાર, સ્થિતિસ્થાપક વેપાર અને GVCs, વિશ્વ વેપારમાં MSME ને એકીકૃત કરવા, વેપાર માટે લોજિસ્ટિક્સ અને WTO સુધારા જેવા પાંચ પ્રાથમિકતા મુદ્દાઓ (PIs) પર વિસ્તૃત ચર્ચા કરવામાં આવી હતી. વધુમાં, નોલેજ પાર્ટનર્સે આ મીટિંગો દરમિયાન પ્રસ્તુતિઓ કરી, દરેક વિષયો અને તેમાંથી ઉદ્ભવતા પરિણામોની રૂપરેખા આપી. આ ચર્ચાઓમાં G20 સભ્ય/આમંત્રિત દેશો દ્વારા વ્યક્ત કરાયેલા મંતવ્યો/સૂચનોના આધારે, ભારતીય પ્રેસિડેન્સીએ દરેક પ્રાથમિકતાના મુદ્દાઓ પર કાર્યલક્ષી નક્કર દરખાસ્તો ઘડી છે. આ દરખાસ્તો વેપાર દસ્તાવેજોના ડિજિટલાઇઝેશન માટે ઉચ્ચ-સ્તરના સિદ્ધાંતો વિકસાવવા, MSME માટે મેટા ઇન્ફર્મેશન ઇન્ટરફેસ બનાવવા માટેનો એક્શન પ્લાન, GVC માટે સામાન્ય મેપિંગ ફ્રેમવર્ક, G20 રેગ્યુલેટરી ડાયલોગ અને મ્યુચ્યુઅલ રેકગ્નિશન એગ્રીમેન્ટ્સ (MRAs) માટે શ્રેષ્ઠ પ્રથાઓ પર કમ્પેન્ડિયમ તૈયાર કરવા સંબંધિત છે. આ પૃષ્ઠભૂમિમાં, 3જી બેઠક દરમિયાન, પ્રેસિડેન્સી હવે આ દરખાસ્તોને આખરી ઓપ આપવા માટે G20 સભ્ય દેશો વચ્ચે સર્વસંમતિ બનાવવાનો પ્રયાસ કરી રહી છે.

આજે અને 12મી જુલાઈના રોજ, ટેકનિકલ સત્રો યોજવામાં આવશે જે દરમિયાન G20 સભ્ય/આમંત્રિત દેશોના ચોક્કસ ઇનપુટ્સ/ટિપ્પણીઓ પ્રમુખની દરખાસ્તો પર માંગવામાં આવશે. 24મી અને 25મી ઓગસ્ટ, 2023ના રોજ જયપુરમાં આયોજિત G20 TIWG મીટિંગ દરમિયાન અપનાવવામાં આવનાર મિનિસ્ટ્રીયલ કોમ્યુનિકનો મુસદ્દો તૈયાર કરતી વખતે આ ઇનપુટ્સને યોગ્ય રીતે સામેલ કરવામાં આવશે.

3જી TIWG મીટિંગના પરિણામો વૈશ્વિક વેપાર અને રોકાણને વેગ આપવા માટે વિશ્વ દ્વારા સામનો કરવામાં આવી રહેલા પડકારોને સમજવા અને વિશ્વસનીય સહયોગ બનાવવાનો માર્ગ મોકળો કરશે. તે એવા સાધનો વિકસાવવામાં પણ મદદ કરશે કે જે ભારતીય પ્રેસિડેન્સીની G20 થીમ-વસુધૈવકુટુમ્બકમ સાથે પડઘો પાડતા વિકાસને સમાવિષ્ટ અને પારદર્શક બનાવવા માટે હાલની તકોનો લાભ લઈ શકે.

 

YP/GP/NP

 

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

 

(Release ID: 1938584) Visitor Counter : 138