વેસ્ટર્ન રેલવેના વડોદરા ડિવિઝનના ડિવિઝનલ રેલ્વે મેનેજર શ્રી જિતેન્દ્ર સિંહે ડિવિઝનના આઠ રેલ્વે કર્મચારીઓને સુરક્ષિત ટ્રેનની કામગીરીમાં શ્રેષ્ઠ કામગીરી બદલ સન્માનિત કર્યા હતા. ફરજ દરમિયાન તેમની સતર્કતા અને તકેદારીના કારણે, આ રેલ્વે કર્મચારીઓને અનિચ્છનીય બનાવ અટકાવવામાં તેમના યોગદાન બદલ પ્રમાણપત્રો અને મેડલથી સન્માનિત કરવામાં આવ્યા હતા.

વડોદરા ડિવિઝનના સિનિયર ડિવિઝનલ સેફ્ટી ઓફિસર શ્રી રાજકુમાર અંબીગરે જણાવ્યું હતું કે લોકો પાઇલટ શ્રી સૈયદ ઇમ્તિયાઝ અહેમદ અને શ્રી જીજ્ઞેશ કુમાર, પોઈન્ટ્સમેન શ્રી વિષ્ણુ કે વાઘેલા અને શ્રી આર.કે. આર. શ્રી ભાવસાર, ટ્રેન મેનેજર શ્રી કેતન કુમાર,  ટ્રેકમેન શ્રી દિલીપ કુમાર, સિનિયર સેક્શન એન્જિનિયર શ્રી પ્રવીણ કુમાર બિંદ, ટેકનિશિયન શ્રી હિતેશ એનું મેરિટ પ્રમાણપત્રો અને મેડલ થી સન્માન કરવામાં આવ્યું હતું. તમામ આદરણીય કર્મચારીઓ એ રેલ્વે સુરક્ષામાં ખામી શોધીને તાત્કાલિક યોગ્ય પગલાં લઈને અણધાર્યા બનાવ અને સંભવિત નુકસાનથી પોતાને બચાવ્યા છે.

ડિવિઝનલ રેલ્વે મેનેજર શ્રી જિતેન્દ્ર સિંહે આ જાગ્રત રેલ્વે સુરક્ષા રક્ષકોને પ્રોત્સાહિત કર્યા. શ્રી સિંહે કહ્યું કે મુસાફરોની સલામતી એ અમારી સર્વોચ્ચ પ્રાથમિકતા છે અને જ્યારે રેલવેકર્મીઓ તેમની ફરજ દરમિયાન સતર્કતા અને તકેદારી સાથે કામ કરે છે, ત્યારે તે અમને સુરક્ષિત ટ્રેનના કામમાં મદદ કરે છે. અમને આ રેલવે કર્મચારીઓ પર ગર્વ છે.

YP/GP/JD

(Release ID: 1937619) Visitor Counter : 104