آئی این ایس ترشول  اپنی آپریشنل تعیناتی کے حصہ کے طور پر سیشلز کی ایک بندرگاہ پر پہنچا، جو کہ ہندوستان کے اپنے سمندری پڑوسیوں کے ساتھ دوستانہ تعلقات کو ظاہر کرتا ہے۔ وہاں کے سفر کے دوران، کمانڈنگ آفیسر نے سیشلز کے وزیر خارجہ عزت مآب جناب سلویسٹر راڈے گونڈے اور وہاں کی مسلح افواج کے سینئر دفاعی عہدیداروں سے ایک خیر سگالی ملاقات کی۔ انہوں نے سیشلز میں ہندوستان کے ہائی کمشنر جناب کارتک پانڈے سے بھی ملاقات کی۔

بندرگاہ میں داخل ہونے سے پہلے آئی این ایس ترشول نے مشترکہ ای ای زیڈ نگرانی کی۔ سیشلز کے وزیر خارجہ عزت مآب جناب سلویسٹر راڈے گونڈے نے ہندوستانی بحریہ کے ساتھ مشترکہ ای ای زیڈ نگرانی کا استقبال کیا، جس سے دونوں ممالک کے درمیان موجودہ سمندری تعاون کو فروغ دینے میں بہت مدد ملی ہے۔

بات چیت کے دوران، سیشلز سیکورٹی فورسز کے سی ڈی ایف بریگیڈیئر مائیکل روسیٹ نے ہندوستان اور سیشلز کے درمیان مضبوط تعلقات پر روشنی ڈالی۔ سیشلز سیکورٹی فورسز کے چیف آف اسٹاف، کرنل جین اتالا اور سیشلز سیکورٹی فورسز کے دفاعی صلاح کار، کرنل کنال شرما بھی اس موقع پر موجود تھے۔

یہ جہاز 29 جون، 2023 کو سیشلز کے قومی دن کی تقریب میں حصہ لینے والا ہے۔

*****

ش ح – ق ت – ت ع

U: 6609

(Release ID: 1936284) Visitor Counter : 105