ہاؤسنگ اور شہری امور کے وزیر مملکت جناب کوشل کشور نے آج لوک سبھا میں ایک تحریری جواب میں بتایا کہ

'زمین اور نوآبادیات' ریاست کا موضوع ہے۔ تاہم، گھر خریداروں کے مفادات کے تحفظ اور رئیل اسٹیٹ سیکٹر میں شفافیت اور جوابدہی کو یقینی بنانے کے لیے، پارلیمنٹ نے رئیل اسٹیٹ (ریگولیشن اینڈ ڈیولپمنٹ) ایکٹ، 2016 (آر ای آر اے) نافذ کیا ہے۔ ایکٹ کے تحت قائم کردہ ریگولیٹری اتھارٹیز کو عوام کو دیکھنے کے لیے ایک ویب پورٹل شائع کرنے اور اسے برقرار رکھنے کی ضرورت ہے، جس میں تمام رئیل اسٹیٹ پروجیکٹس کی متعلقہ تفصیلات ہوں جن کے لیے رجسٹریشن دی گئی ہے۔

وزارت کے پاس دستیاب تازہ ترین معلومات کے مطابق (13 مارچ 2023 تک)، تمام ریاستوں/ مرکز کے زیر انتظام علاقوں نے ریاست ناگالینڈ کے علاوہ آر ای آر اے کے تحت قواعد کو نوٹیفائی  کیا ہے۔ 32 ریاستوں/ مرکز کے زیر انتظام علاقوں نے ریئل اسٹیٹ ریگولیٹری اتھارٹی قائم کی ہے اور 28 ریاستوں/ مرکز کے زیر انتظام علاقوں نے ریئل اسٹیٹ اپیلیٹ ٹریبونل قائم کیا ہے۔ آر ای آر اے کی دفعات کے تحت 1,01,304 رئیل اسٹیٹ پروجیکٹس اور 72,012 ریئل اسٹیٹ ایجنٹس کو رجسٹر کیا گیا ہے اور ملک بھر میں رئیل اسٹیٹ ریگولیٹری اتھارٹیز کے ذریعہ 1,06,657 شکایات کو کامیابی سے نمٹا دیا گیا ہے۔ آر ای آر اے کے ریاست وار نفاذ کی تفصیلات (13 مارچ 2023 تک) منسلک ہیں۔

 

*************

 ( ش ح ۔ ا ک۔ رب(

U. No.6537

(Release ID: 1935565) Visitor Counter : 86