تعلیم ، ہنرمندی کے فروغ اور صنعت کاری کے مرکزی وزیر جناب دھرمیندرپردھان نے آج سنگاپورکی ننیانگ ٹیکنولوجیکل یونیورسٹی کا دورہ کیا۔ وزیرموصوف نے وہاں زیرتعلیم بھارتی طلباء سے بات چیت کی اور اعلیٰ تعلیم ، تحقیق، جدت طرازی ، صنعت کاری کے لئے ایک نقشہ راہ کے بارے میں مفید معلومات حاصل کیں ۔

اجتماع سے خطاب کرتے ہوئے ، جناب دھرمیندرپردھان نے قومی تعلیمی پالیسی این ای پی  اورعلم ودانش سے متعلق تال میل کے لئے اس پالیسی  میں موجود  زبردست مواقع کے بارے میں  ذکرکیا۔انھوں نے کہاکہ بھارتی یونیورسٹیاں اور ننیانگ ٹیکنولوجیکل یونیورسٹی ، مصنوعی ذہانت –اے آئی ، فن ٹیک ، پائیداری ، عالمی مواقع کو بروئے کارلانے کے لئے موسمیاتی اقدامات کے شعبوں میں ساجھیداربن سکتے ہیں ۔

 جناب پردھان نے اس بات پرزوردیاکہ اکیسویں صدی بھارت کی ہونے جارہی ہے ۔

جناب پردھان نے سنگاپورکے وزیرخارجہ عزت مآب جناب ویوین بالاکرشنن سے بھی ملاقات کی ۔ ملاقات کے دوران جناب پردھان نے کہاکہ بھارت اورسنگاپورکے درمیان مشترکہ مضبوط تاریخی ، ثقافتی اورتہذیبی روابط ہیں ۔ ہماری دوستی باہمی اعتماد اور احترام پرمبنی ہے ۔

دونوں ملکوں کے درمیان موجود  کلیدی ساجھیداری اورمستحکم دوستی کے پیش نظر ، دونوں وزراء نے باہمی مفاد کے ساتھ ساتھ دنیا کے عالمی مطالبات اورچنوتیوں کو حل کرنے کی خاطر تعلیم اورہنرمندی کے فروغ میں دوطرفہ تعاون کو مزید مستحکم بنانے سے اتفاق کیا۔

جناب پردھان نے سماجی پالیسیوں کے لئے سینیئروزیر اوررابطہ کاروزیر عزت مآب جناب تھرمن شنموگاراتنم سے بھی ملاقات کی ۔ جناب تھرمن شنموگاراتنم مئی 2019سے سنگاپورمیں سینیئر وزیرہیں ۔ اس سے پہلے انھوں نے نائب وزیراعظم اور وزیرخزانہ کے طورپر کئی سال تک خدمات انجام دیں ۔

بعد میں دن میں جناب پردھان نے سنگاپورکی تعلیم کی وزارت کے تحت ایک پوسٹ –ثانوی ادارے ،  انسٹی ٹیوٹ آف ٹیکنیکل  ایجوکیشن- آئی ٹی ای  سنگاپور کا بھی دورہ کیا۔

اس موقع پر خطاب کرتے ہوئے جناب دھرمیندرپردھان نے کہاکہ عمل اورتجربات کے ذریعہ مجموعی آموزش اور تعلیم وتدریس پرتوجہ مرکوز کرنے کے سبب ، آئی ٹی ای ،  طلباء اوربالغ سیکھنے والے افراد کے لئے  ہنرمندی ، معلومات اور قابل ملازمت بننے  سے متعلق  اقدارحاصل کرنے کے مواقع پیداکررہاہے ۔صنعت سے متعلق لازمی انٹرن شپ ، کام اورمطالعہ کے درمیان موبلٹی اور صنعت اورماہرین تعلیم کے درمیان مضبوط روابط ، آئی ٹی ای کے بہت اہم پہلوہیں ۔

***********

(ش ح ۔ع م۔ ع آ)

U -5876

(Release ID: 1930208) Visitor Counter : 67