گوا میں اسٹارٹ اپ -20 انگیجمنٹ گروپ کی میٹنگ کے دوسرے دن اہم بات چیت اور میٹنگیں ہوئیں جن کا مقصد تعاون اور کوششوں کو فروغ دینا اور عالمی سطح پر سٹارٹ اپس کی حمایت کرنا تھا۔

تقریب کا آغاز قومی اور بین الاقوامی وفود اور سٹارٹ اپ 20 کے صدر ڈاکٹر چنتن ویشنو کے درمیان بند کمرے کی ملاقاتوں سے ہوا، جس میں کلیدی ایجنڈے اور اسٹریٹجک شراکت داری پر توجہ مرکوز کی گئی۔

دن میں بعد میں منعقدہ پریس کانفرنس کے دوران ڈاکٹر چنتن ویشنو نے میڈیا سے خطاب کرتے ہوئے آگے بڑھ کر پالیسی کمیونیک کی اہمیت کو اجاگر کیا۔ انہوں نے کمیونیک پر تمام اسٹیک ہولڈرز کے ذریعے طے پانے والے معاہدے پر اپنے اعتماد کا اظہار کیا، جس نے جی20 ممالک کے دنیا بھر میں اسٹارٹ اپ ایکو سسٹم کو فروغ دینے کے سفر میں ایک اہم لمحہ سے تعبیر کیا۔ ڈاکٹر ویشنو نے اس نازک موڑ تک پہنچنے کے لیے جی 20 ممالک کے ساتھ اجتماعی کوششوں اور وسیع مشاورت پر زور دیا۔

اپنے بیان میں، ڈاکٹر چنتن ویشنو نے کمیونیک میں بیان کردہ مخصوص کارروائی کے نکات کی اہمیت پر زور دیا۔ اہم ایکشن پوائنٹس (کارروائی کے نکات)میں اسٹارٹ اپس کے لیے تعریف کے فریم ورک کی تخلیق اور اسے اپنانا، جی 20 میں اسٹارٹ اپس اور ایکو سسٹم کے اسٹیک ہولڈرز کی مدد کے لیے ایک نیٹ ورک ادارہ بنانا، سرمائے تک رسائی کو بڑھانا اور متنوع بنانا، اسٹارٹ اپس کے لیے مارکیٹ کے ضوابط میں نرمی، اور اس کے اندر کم نمائندگی والی کمیونٹیز کو شامل کرنے کو ترجیح دینا، اسٹارٹ اپ ایکو سسٹم کے ساتھ ساتھ عالمی دلچسپی کے اسٹارٹ اپ کو بڑھانا شامل ہیں۔ ان اقدامات کا مقصد ایک سازگار ماحول کو فروغ دینا ہے جو سٹارٹ اپس کو اختراع کرنے، ترقی کرنے اور عالمی چیلنجوں سے مؤثر طریقے سے نمٹنے کے لیے بااختیار بناتا ہے۔

ڈاکٹر ویشنو نے ایک کارروائی کے لئے ایک اہم اپیل بھی کی، انہوں نے 20 ممالک پر زور دیا کہ وہ اسٹارٹ اپ ایکو سسٹم کے لیے اپنی وابستگی اور عزم میں متحد رہیں۔ انہوں نے 2030 تک اسٹارٹ اپ ایکو سسٹم کے لیے ایک ٹریلین ڈالر کی کافی رقم مختص کرنے کی تجویز بھی پیش کی۔

پروگرام کا اختتام مثبت انداز میں ہوا، مندوبین نے پالیسی ریلیز میں بیان کردہ اہداف کو حاصل کرنے کے لیے اپنے جوش و خروش اور عزم کا اظہار کیا۔ یہ معاہدہ اسٹارٹ اپ 20 کمیونٹی کے عالمی سطح پر اسٹارٹ اپس کو دریافت کرنے، باہمی تعاون کے ساتھ ان کی مالی امداد، سیاق و سباق کے مطابق ان کی رہنمائی کرنے اور بین الاقوامی سطح پر ان کی پیمائش کرنے کے یقین کی عکاسی کرتا ہے۔

جی 20 ممالک نے اسٹارٹ اپس کی پرورش اور مدد کے اپنے مشن میں ایک اہم پیش رفت کی ہے، جس سے ایک متحرک اور فروغ پزیر عالمی اسٹارٹ اپ ایکو سسٹم کی منزلیں طے کی گئی ہیں۔

جی۔ 20 کا اسٹارٹ اپ۔20 انگیجمنٹ گروپ یہاں گوا سنکلپنا میں کامیابی کے ساتھ، غیر متزلزل توانائی اور عزم کے ماحول کے ساتھ اختتام پذیر ہوا۔

عالمی اسٹارٹ اپ ایکو سسٹم کی ترقی اور اختراع کو آگے بڑھانے کے بارے میں ہونے والی بات چیت کے درمیان، تمام مندوبین نے اوڈیشہ میں پیش آنے والے ٹرین حادثے کے لیے اپنے دلی تعزیت اور گہرے رنج کااظہار کیا۔ انہوں نے متاثرہ خاندانوں اور پوری قوم کے ساتھ اپنی گہری ہمدردی اور یکجہتی کا اظہار کیا۔ مشکل وقت میں معاشروں کی مدد اور ترقی کی اہمیت کو تسلیم کرتے ہوئے، مندوبین نے زندگی کے تمام پہلوؤں بشمول نقل و حمل کے بنیادی ڈھانچے میں حفاظت اور سلامتی کو یقینی بنانے کے لیے اجتماعی کوششوں کی ضرورت پر زور دیا۔

اسٹارٹ اپ-20 انگیجمنٹ گروپ کی سربراہ کانفرنس 3 اور 4 جولائی کو گروگرام میں منعقد ہوگی۔

**********

ش ح۔   ش ت۔ج

Uno-5811

(Release ID: 1929811) Visitor Counter : 113