ભારતીય શહેરોમાં ઝડપી શહેરીકરણ અને વધતી જતી વસ્તી ગીચતાએ અસંખ્ય પડકારો રજૂ કર્યા છે, જેમ કે નોંધપાત્ર ટ્રાફિક ભીડ અને પર્યાવરણીય પ્રદૂષણ. જો કે, મેટ્રો રેલ પ્રણાલી અસંખ્ય શહેરી રહેવાસીઓ માટે આશાસ્પદ ઉકેલ તરીકે ઉભરી આવી છે, જે તેમને મુસાફરીના ભરોસાપાત્ર, કાર્યક્ષમ અને પર્યાવરણ પ્રત્યે સભાન માધ્યમ પ્રદાન કરે છે. 2014 પહેલા, ભારતમાં માત્ર પાંચ શહેરો જ 229 કિલોમીટરના મેટ્રો રેલ નેટવર્કનું ગૌરવ ધરાવતા હતા. એપ્રિલ 2023 સુધીમાં, 20 શહેરોમાં 860 કિલોમીટર લાંબી મેટ્રો લાઇન કાર્યરત છે. વધુમાં, પ્રગતિની ગતિ વધી છે, કારણ કે દેશમાં મે 2014 પહેલા શરૂ કરાયેલ મેટ્રો લાઇનની માસિક સરેરાશ 0.68 કિલોમીટરથી પ્રભાવશાળી 5.6 કિલોમીટર પ્રતિ મહિને (એપ્રિલ 2023 મુજબ) નોંધપાત્ર ફેરફાર જોવા મળ્યો હતો.

સમગ્ર ભારતમાં વ્યાપક મેટ્રો નેટવર્કની આવશ્યકતાને સંબોધવા માટે, મેટ્રો રેલ નીતિની સ્થાપના 2017 માં કરવામાં આવી હતી, જે મેટ્રો નેટવર્કના રાષ્ટ્રવ્યાપી વિસ્તરણ અને આધુનિકીકરણ માટે બ્લુ પ્રિન્ટ તરીકે સેવા આપે છે. "મેક ઈન ઈન્ડિયા" પહેલ હેઠળ મેટ્રો કોચના સ્થાનિક ઉત્પાદન પરના ભારથી પણ અનેકગણો ફાયદો થયો છે. તેણે માત્ર સ્થાનિક ઉત્પાદન ક્ષેત્રને જ પ્રોત્સાહન આપ્યું નથી, પરંતુ તેણે આત્મનિર્ભરતાને પ્રોત્સાહન આપ્યું છે અને વિદેશી આયાત પરની દેશની નિર્ભરતાને ઓછી કરી છે.

વધુ વાંચન:

• મેટ્રો રેલ - સ્વચ્છ શહેરી ગતિશીલતા માટે ભારતનો ઉકેલ

• મેટ્રો રેલ ક્ષેત્ર

YP/GP/JD

(Release ID: 1926382) Visitor Counter : 115