કેન્દ્રીય ગૃહ અને સહકારિતા મંત્રી શ્રી અમિત શાહ આજે નવી દિલ્હીમાં શ્રી દિલ્હી ગુજરાતી સમાજના 125 વર્ષ પૂર્ણ થવાના પ્રસંગે આયોજિત કાર્યક્રમમાં મુખ્ય અતિથિ તરીકે હાજરી આપી હતી.

કેન્દ્રીય ગૃહ અને સહકારિતા મંત્રી શ્રી અમિત શાહ આજે નવી દિલ્હીમાં શ્રી દિલ્હી ગુજરાતી સમાજના 125 વર્ષ પૂર્ણ થવાના પ્રસંગે આયોજિત કાર્યક્રમમાં મુખ્ય અતિથિ તરીકે હાજરી આપી હતી. શ્રી અમિત શાહે સરદાર વલ્લભભાઈ પટેલ અને ડૉ. વિક્રમ સારાભાઈની પ્રતિમાઓનું પણ અનાવરણ કર્યું હતું.

શ્રી અમિત શાહે તેમના સંબોધનમાં કહ્યું કે જો કોઈ સંસ્થા કોઈ પણ અપેક્ષા વગર અને ઘણા લોકોને તેની સાથે જોડીને તેની સ્થાપનાના 125 વર્ષ પૂર્ણ કરે છે, તો ચોક્કસપણે તે સમાજ અને સંગઠનની તાકાત જાણી શકાય છે. તેમણે કહ્યું કે, દેશ કે વિદેશમાં એવું કોઈ સ્થાન નહીં હોય જ્યાં ગુજરાતીઓ ન હોય અને જ્યાં પણ ગુજરાતી સમાજ ગયો ત્યાં દૂધમાં સાકર ભેળવીને સેવાનું કાર્ય પણ કર્યું. તેમણે કહ્યું કે આ સંસ્થાએ દિલ્હીમાં વસતા ગુજરાતીઓને તેમની સંસ્કૃતિ અને સભ્યતા સાથે જોડાયેલા રાખવાની સાથે સાથે દેશ અને સમાજની સેવા કરવા માટે પ્રેરિત કરવાનું કામ કર્યું છે. આ સંસ્થા સાથે જોડાયેલા તમામ લોકોને 125 વર્ષ પૂર્ણ કરવા બદલ અભિનંદન પાઠવું છું.

કેન્દ્રીય ગૃહ અને સહકારિતા મંત્રીએ જણાવ્યું કે, ગુજરાતી સમાજે પોતાની સ્વીકૃતિ મેળવી છે અને દિલ્હીમાં રહીને ગુજરાતી હોવા છતાં ગુજરાતીપણું જાળવવા, તેની સંસ્કૃતિના સંવર્ધન અને જાળવણી અને તેને આગળ લઈ જવાનું કામ કર્યું છે. તેમણે કહ્યું કે દિલ્હીમાં દરેક સમુદાયના લોકો વસે છે અને ગુજરાતી સમુદાય પણ અહીં સહેલાઈથી સાથે રહે છે.

શ્રી અમિત શાહે જણાવ્યું હતું કે આજે પ્રધાનમંત્રી શ્રી નરેન્દ્ર મોદીના કારણે ભારતની ખ્યાતિ સમગ્ર વિશ્વમાં ફેલાયેલી છે. તેમણે કહ્યું કે ગાંધીજી, સરદાર વલ્લભભાઈ પટેલ, મોરારજી દેસાઈ અને મોદીજી, આ ચાર ગુજરાતીઓએ ભારતના આધુનિક ઈતિહાસમાં મહત્વપૂર્ણ યોગદાન આપ્યું છે. શ્રી શાહે કહ્યું કે, ગાંધીજીના કારણે દેશને આઝાદી મળી, સરદાર સાહેબના કારણે દેશ એક થયો, મોરારજી દેસાઈના કારણે દેશમાં લોકતંત્ર પુનઃજીવિત થયું અને નરેન્દ્ર મોદીના કારણે ભારતનું નામ દુનિયામાં રોશન થયું. તેમણે કહ્યું કે આ ચાર ગુજરાતી સેલિબ્રિટીઓએ મહાન કાર્યો કર્યા છે અને તેઓ સમગ્ર દેશનું ગૌરવ છે.

કેન્દ્રીય ગૃહમંત્રીએ કહ્યું કે, પ્રધાનમંત્રી શ્રી નરેન્દ્ર મોદીના 9 વર્ષના શાસનમાં દેશે ઘણી સિદ્ધિઓ હાંસલ કરી છે. તેમણે કહ્યું કે 2014માં જ્યારે મોદી પ્રધાનમંત્રી બન્યા ત્યારે ભારતની અર્થવ્યવસ્થા વિશ્વમાં 11મા સ્થાને હતી અને આજે 9 વર્ષ બાદ ભારતીય અર્થવ્યવસ્થા વિશ્વની 5મી સૌથી મોટી અર્થવ્યવસ્થા બની ગઈ છે. શ્રી શાહે કહ્યું કે આજે IMF સહિતની ઘણી એજન્સીઓ ભારતની અર્થવ્યવસ્થાને એક તેજસ્વી સ્થાન તરીકે જુએ છે. તેમણે કહ્યું કે મોદીજીના નિર્ણાયક નેતૃત્વમાં સર્જિકલ અને એર સ્ટ્રાઈક કરીને ભારતે વિશ્વને સંદેશ આપ્યો છે કે ભારતની સરહદો સાથે કોઈ ચેડા કરી શકે નહીં. શ્રી શાહે કહ્યું કે 130 કરોડ લોકો ધરાવતા ભારત જેવા વિશાળ દેશમાં કોવિડ રસીકરણ અભિયાન આટલી સારી રીતે પૂર્ણ થયું છે.

શ્રી અમિત શાહે કહ્યું કે, પ્રધાનમંત્રી મોદીના નેતૃત્વમાં ભારત વિશ્વનો સૌથી મોટો મોબાઈલ ઉત્પાદક દેશ બન્યો છે, ભારત સ્ટાર્ટઅપના ક્ષેત્રમાં ત્રીજા ક્રમે છે, નવીનીકરણીય ઉર્જા ઉત્પાદનના સંદર્ભમાં ચોથા ક્રમે છે. તેમણે કહ્યું કે મોદીજીએ કોઈપણ હિંસા વિના જમ્મુ-કાશ્મીરમાંથી કલમ 370 નાબૂદ કરવાનું કામ કર્યું, આતંકવાદ સામે ઝીરો ટોલરન્સની નીતિ બનાવી, જેના પરિણામે 9 વર્ષમાં એક પણ મોટી આતંકવાદી ઘટના નથી બની. શ્રી શાહે કહ્યું કે, પ્રધાનમંત્રી શ્રી નરેન્દ્ર મોદીએ દેશની આંતરિક અને સરહદોની સુરક્ષાને વધુ મજબૂત કરવા માટે અનેક પગલાં લીધા છે. તેમણે કહ્યું કે મોદીજી બધાના છે અને દરેક તેમના છે અને આ આપણા બધા માટે ગર્વની વાત છે.

YP/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com