Ato Kilonser Narendra Modi-e Cacü za 12 nhie Gujarat nu votuo. Khise keba 10:30 ki puo-e Gandhinaga nunu Akhil Bhartiya Shiksha Sangh Adhiveshan-ü kecü rü nu batuo. Süshie puo-e mharhümhatho raka crore 4,400 ma mese la Gandhinaga nunu sedecie dzesütuo. Thehiesie keba 3:00 mese ki Ato Kilonser GIFT city nu votuo.                

Gandhinagar nu Ato Kilonser Modi-e raka crore 2,450 kezie ma la mhathosede kecieu dzesütuo. Mharhümhatho hako liro Urban Development Department, Water Supply Department, Road and Transport Department mu Mines and Minerals Department ko la khasüzie

Mharhümhatho sedemhatho chüshüketuo kropuo liro  Banaskantha district nu pherüna ko nu dzükrie kezashüketuo mhatho, Ahmedabad nu kerümho pe chükeshüko, Naroda GIDC nu dzücha chükeshüko, Mehsana mu Ahmedabad nu dzükerhuko kengulie di se mhachülaketuo la mhatho chükebako mu Dahegam nu auditorium. Sedemhatho la Cieseshüketuoko liro Junagadh district nu pipeline dzeketuo mhatho, Gandhinagar district nu dzükrie kezhashüketuo mhatho, chamhope chüketuo, dzükriekeguketuo mhatho, chadou chüketuo mu hakemhei kekra.

Ato Kilonser PMAY mharhü-u khro nu mhatho kropuo la rei sedemhao cieseu chüshütuo, siro hau khro nu ki 19,000 chükeshüko kezhashüketuo mhatho, Gruh Pravesh nu rei mhathochieko chüshütuo. Mhathochie hau nu Eno Modi-e ki chabi khapie themiako chüshükelie chütuo. Sorkari-e ki hako chüpie puothemiako chükeshü la raka crore 1950 pepawate.

Ato Kilonser-e puo tei hau nu Gandhinagar nu keba, ‘Gujarat International Finance Tec- City’ (GIFT City) kemeho mhatho rei chütuo. GIFT IFSC nu thepiekepfüko se kese di uko mhatho ko mehoshü mu nounyüdie rei kerüchütuo. City hau mhatho chükeba, bahurei kejükhro nu cha chükeba-u mu mhakerhuko chükedipie mhakevichüliekeba ko rei mehotuo.

Ato Kilonser-e All India Primary Teachers' Federation 29th Biennial kehou la rüshie chükeba Akhil Bhartiya Shiksha Sangh Adhiveshan nu rei kehoutuo. Ciethie kehou hau diebuo, ' leshümhasi chükehieketuo-e Kepethamia zo' kechü ze di kehouba

(Release ID: 1923516)