قبائلی امور کے مرکزی وزیر جناب ارجن منڈا کو وزیر اعظم جناب نریندر مودی جی کے  انتہائی مقبول ماہانہ ریڈیو پروگرام من کی بات کی 100ویں قسط سن کر خوشی ہوئی۔ اس میں جزائر کے پی وی ٹی جی یعنی اونگی، گریٹ  انڈامانیز اور دیگر قبائلی گروپ ان کے ساتھ شامل ہوئے۔

اس وسیلہ سے وزیر اعظم ہمارے ملک کے شہریوں کے ساتھ ان موضوعات اور مسائل پر بات چیت کرتے ہیں جو قوم کے لیے اہم ہیں اور مختلف معاملات پر اپنے خیالات کا اظہار کرتے ہیں۔

من کی بات پروگرام  جو ہر مہینے کے آخری اتوار کو نشر ہوتا ہے ،اکتوبر 2014 کو وجے دشمی پر شروع ہوا تھا۔

وزیراعظم  مودی کے ذہن  کی اختراع، ’ من کی بات‘03.10.2014 کو ایک مونولوگ کے طور پر شروع ہوئی۔ یہ  پروگرام بات چیت،ایک مکالمہ، ملک کے مختلف ڈیڈیکیٹڈاور حوصلہ مند شہریوں کے ذریعے مختلف شعبوں میں کیے گئے اہم کام کو مشترک کرنے کا ایک ذریعہ بن گیا ہے۔ اس طرح یہ عام لوگوں کی زندگیوں کی مثبت کہانیوں کو مشترک کرنے  کا ایک بڑا ذریعہ بن گیا ہے جو ملک کی بہتری کے لیے کچھ غیر معمولی کام کر رہے ہیں۔

اس پلیٹ فارم کے لیے ایک عالمگیر رسائی کی ضرورت ہے جس کی رسائی معاشرے کے سب سے نچلے عام  طبقے  تک ہو۔ یہیں پر ریڈیو کا کردار اہم ہو جاتا ہے کیونکہ ریڈیو سب سے سستا ذریعہ ہے جہاں غریب سے غریب تر کو اس  بات چیت  کے عمل میں شامل کیا جا سکتا ہے۔

وزیر اعظم نے آج اپنے 100ویں ایپی سوڈ میں بہت سے متاثر کن موضوعات اور کہانیوں کا ذکر کیا جو پچھلی قسطوں کا حصہ تھے - بیٹی کے ساتھ سیلفی، کمل  فائبر کا کاروباری استعمال، بیٹی بچاؤ بیٹی پڑھاؤ، سوچھ بھارت تحریک، کھادی سے محبت، فطرت، آزادی کا امرت مہوتسو، امرت سروور اور بہت کچھ ۔

  وزیر اعظم نے ملک کے لوگوں کے ہزاروں پیغامات پڑھنے اور ہر ماہ ہم وطنوں کے ایک یا دوسرے شاندار مظہر کو دیکھنے کے تجربے کو یاد کیا۔ انہوں نے اس پروگرام کو عقیدے، عبادت یا ورت کی علامت کے طور پر، جنتا جناردن کی شکل میں بھگوان کے قدموں میں پرساد  کی تھال قرار دیا ہے۔

مرکزی وزیر نے من کی بات سنی اور ان کے ساتھ پی وی ٹی جی جیسے اونگی، گریٹ انڈمان نکوبارکی قبائلی کمیونٹی، انڈمان اور نکوبار  مرکز کے زیر انتظام علاقے کی انتظامیہ کے افسران اور پورٹ بلیئر میں انڈمان نکوبار جزائر کے مقامی باشندے بھی تھے۔ ان کے ساتھ  قبائلی امور کی وزارت  کے  سکریٹری  جناب انل کمار جھا، قبائلی امور کی وزارت کی ایڈیشنل سکریٹری محترمہ آر جیا ،قبائلی امور کی وزارت کے جوائنٹ سکریٹری  جناب نول جیت کپور ، وزارت اور مرکز کے زیر انتظام علاقے انڈمان اور نکوبار  انتظامیہ کے سینئر افسران بھی تھے۔

اس سے پہلے، جناب ارجن منڈا نے آج پورٹ بلیئر میں راج نواس میں لیفٹیننٹ گورنر ایڈمرل ڈی کے جوشی سے ملاقات کی، جس میں  آرزومندانہ  پی ایم – پی وی ٹی جی مشن  کے ایک حصے کے طور پر پروگرام تیار کرنے کے اقدامات ، محفوظ ہاؤسنگ جیسی بنیادی سہولیات ، پینے کا صاف پانی اور پی وی ٹی جی  خاندانوں کے لئے صفائی ستھرائی  شامل ہیں۔ آئندہ تین برسوں میں اس مشن کے لئے  15,000 کروڑ روپے مختص کئے گئے ہیں۔ یاد رہے کہ وزیرموصوف 27.04.2023 سےاس  جزیرے کے چار روزہ دورے پر ہیں۔

************

ش ح ۔ ف ا  ۔  م  ص

 (U: 4672)

(Release ID: 1921009) Visitor Counter : 106