কেন্দ্রগী ইনফোর্মেশন অমসুং ব্রোদকাস্তিং, ফিসরিজ, ভেতনরী অমসুং দেরিয়িংগী রাজ্য মন্ত্রী এল. মুরুগন্না নগালেন্দগী ফেক জিলাগী ইন্দো-ম্যানমার ঙমখৈদা লৈরিবা ভারতকী অহনবা খুঙ্গংদা চৎপা অহানবা কেন্দ্রগী মন্ত্রী ওইরে। কেন্দ্রগী মন্ত্রীনা অয়ুক্তা চোপ্পর অমদা ফেক হেদ ক্বাতরদগী মনুং হুঞ্জিনবা খুঙ্গং অসিদা পাইশিনখি, মফম অদুদা মহাকপু খুঙ্গংগী প্রজাশিং, লুচিংবশিং অমসুং নুপী কাংলুপনা  মথুম মরাংনা থল্লবা ত্রেদিস্নেল ওইবা মওংদা তরাম্না ওকখি।

 

অবাংখুগী ইন্তরনেস্নেল ত্রেদ সেন্তরদা পাংথোকপা মীয়ামগা উনবগী থৌরমদা ৱা ঙাংলদুনা দা. এল. মুরুগন্না রিজন অসিগী ঙমখৈ লমদম য়াওনা অৱাং নোংপোক্কী চাউখৎ থৌরাংগী মায়কৈদা মোদী সরকারগী থবক থৌরমশিং নৌহৌনা নিংশিংখি। অরোইবা খুঙ্গং অসি ভারতকী অহানবা খুঙ্গংনি হায়বা প্রধান মন্ত্রী নরেন্দ্র মোদীগী মীৎয়েং অদু মহাক্না অমুক হন্না ফোংদোকখি।

এক্ত ইস্ত পোলিসীগী মায়কৈদা ভারতনা লুম্না লৌরিবা অদু ফোংদোক্লদুনা কেন্দ্রগী রাজ্য মন্ত্রীনা লাউথোকখি মদুদি অবাংখু ঙমখৈ ফাওবা লেন অনিগী লম্বী হান্ননা সেঙ্কসন তৌখ্রে অমদি অথুবা মতমদা থবক হৌরগনি। মসিনা ঙমখৈ লমদমশিংগী চাউখৎ থৌরাংগীদমক লম্বী অমা শেমলগনি হায়না মহাক্না ফোংদোকখি। মহাক্না থাজবা ফোংদোকখি মদুদি অবাংখুদা লৈরিবা ইন্তরনেস্নেল ত্রেদ সেন্তরদসু ত্রেদ ভোল্যুম হেনগৎপা অমসুং হেন্না ফবা কনেক্তিবিতীনা মরম ওইদুনা বিজিনেস এক্তিবিতীশিং হেনগৎলগনি।

রাজ্য অসিদা পিগরী দিবলপমেন্তদা ৱা ঙাংলদুনা দা. মুরুগন্না হায়খি মদুদি নেস্নেল লাইবস্তোক মিসন (এন.এল.এম.)না রাজ্যগী ওন্ত্রেপ্রিন্যুরশিং তেংবাংলি অমদি ফার্ম ইনফ্রাস্ত্রকচর অমসুং তেক্নোলোজী মপাঙ্গল কনখৎহল্লি। মহাক্না খংহনখি মদুদি হৌখিবা চহি মাপলদা পিগরী সেক্তরদা এন.এল.এম.গী মখাদা তেংবাং ওইনা রাজ্য সরকারদা চাউরাক্না লুপা লাখ ১,৭৭০ ফংহনখ্রে।

কেন্দ্রগী মন্ত্রীনা অতোপ্পা ওফিসিএলশিংগা লোয়ননা ইন্দিয়া-ম্যানমার ঙমখৈদসু চৎখি অমসুং মফম অদুগী ওইরিবা ফিভম য়েংশিনখি। ঙমখৈগী খুঙ্গং অবাংখুগী খুঙ্গংগী প্রজাশিংগা লোয়ননা ৱারী শনখিবা মতমদা মহাক্না হায়খি মদুদি অৱাং নোংপোক লমদমদা পায়খৎলিবা দিবলপমন্ত এক্তিবিতীশিং উবদা মখোয় য়াম্না হরাওবা ফাওই।

 

মহাক্কী নুমিৎ হুমনিগী খোংচৎ মনুংদা মহাক্না অনিশুবা মালেমগী লাঞ্জাও মনুংদা নেতাজী সুভাস চন্দ্র বোসনা কেম্প তৌখিবা খুঙ্গংনি হায়নরিবা ফেক জিলাগী চেসেজু খুঙ্গংদসু চৎখি। হায়রিবা খুঙ্গং অসিদা লৈরিঙৈ মতম মনুংদা নেতাজীগা লোয়নখিবা ভেজো স্বুরোগসু মন্ত্রীনা উনখি।

তুংদা খুঙ্গংগী প্রজাশিংগা লোয়ননা ৱারী শানবগী থৌরমদা ৱা ঙাংলদুনা দা. মুরুগন্না হায়খি মদুদি নেতাজী অমসুং আই.এন.এ.দা ইকায় খু্ম্নবা উৎনবা অমসুং মখোয়না কত্থোকখিবা অদু খংহন্নবগীদমক মোদী সরকারগী খোংথাংগী শরুক ওইনা রিপব্লিক দে থৌরম মনুংদা অহানবা ওইনা আই.এন.এ. ভেতরানশিংগী মীহুৎশিংনা পেরেদতা মার্চ তৌখি। অন্দমান অমসুং নিকোবার ইথৎকী ইথৎ অহুমগী মমিংসু নেতাজীবু ইকায় খুম্নদুনা থোনখ্রে। নিংতম্বগী চহি ৭৫গী মতুংদা সুভাস চন্দ্র বোসকী মীতম নই দিল্লীগী কর্তব্য পথতা খিনখ্রে।  

ঐখোয়গী সরকারনা আজাদী কা অমৃত মহোত্সবকী থৌরমগী মখাদা চহি অমা চুপ্না নেতাজীগী ১২৫শুবা মপোক কুমওনসু পাংথোক্লি। মহাক্না মসিমসু লাউথোকখি মদুদি জিলা অসিদা অঙাংশিংগী ফিল্ম একজিবিসনগীদমক ফেক জিলাদা লুপা লাখ ১৪.৯৯গী গ্রান্ত অমা এলোকেত তৌরে।

তুংদা মহাক্না দি.আই.পি.আর., ফিসরিজ, এনিমেল হজবেন্দরী অমসুং দেরিয়িং অমদি কোহিমাদা বেজ তৌবা ইনফোর্মেসন অমসুং ব্রোদকাস্তিং মন্ত্রালয়গী য়ুনিৎশিংগী ওফিসিএলশিংগা লোয়ননা ৱারী শানখি।

*****

(Release ID: 1920653) Visitor Counter : 28