جموں یونیورسٹی نے آج جموں یونیورسٹی کے زیر اہتمام ”امن کی تعمیر اور مفاہمت: جنگ کے دور میں آغاز“ کے موضوع پر یوتھ 20 کنسلٹیشن میں شرکت کے لیے آئے تمام بین الاقوامی اور قومی مقررین اور مندوبین کے ساتھ ایک اہم سیشن کا اہتمام کیا۔ سیشن کا مقصد مقررین، مندوبین اور منتظمین کے درمیان غیر رسمی بات چیت کرنا تھا۔ پروفیسر امیش رائے، وائس چانسلر، جموں یونیورسٹی نے تمام مقررین اور مندوبین کے ساتھ بات چیت کی۔ جموں یونیورسٹی ان 15 اکیڈمک پارٹنرز میں سے ایک ہے جن کا انتخاب ہندوستان میں Y20 میٹنگز کی میزبانی کے لیے کیا گیا ہے۔ اس اجلاس میں جنوبی کوریا، افغانستان، ملاوی، ایران، گھانا، مڈغاسکر، انڈونیشیا، جنوبی افریقہ، نائیجیریا اور روس کی نمائندگی کرنے والے دس سے زائد ممالک کے بین الاقوامی مندوبین شرکت کر رہے ہیں۔ مزید یہ کہ ملک کے 15 سے زائد تعلیمی اداروں کے قومی مندوبین بھی شرکت کر رہے ہیں۔ اس میٹنگ میں شرکت کرنے والے بین الاقوامی مقررین میں امریکہ سے سنندا وششت اور سہانا سنگھ، برطانیہ سے منو کھجوریا سنگھ اور بنیت سنگھ اور سعودی عرب سے زہاک تنویر شامل ہیں۔ سوشل میڈیا پر بھر پور موجودگی رکھنے والے قومی مقررین میں ڈاکٹر آنند رنگ ناتھن، جناب ایم کے سنہا، آئی پی ایس اے ڈی جی پی جے کے پی، جناب ویبھو سنگھ، پروفیسر دیپانکر سین گپتا، جناب آدتیہ راج کول، جناب تشار گپتا، جناب پردیپ دتہ، جناب روہت پٹھانیا، جناب جسویر سنگھ، محترمہ اپراجیتا آچاریہ اور جناب ارون پربھات بھی اس میٹنگ میں شرکت کر رہے ہیں۔ جناب اشون سنگھی، ایک مشہور اور نامور مصنف اور تقریب کے کلیدی اسپیکر نے بھی اس اہم سیشن میں شرکت کی۔ جموں یونیورسٹی نے مہمانوں کو مقامی فن اور ثقافت سے متعارف کروانے کے لیے جموں و کشمیر اکیڈمی آف آرٹ، کلچر اینڈ لینگویجز کے زیر اہتمام ایک ثقافتی شام کا بھی اہتمام کیا۔ قبل ازیں پروفیسر دیپانکر سین گپتا، کنوینر جی 20 کمیٹی اور پروفیسر وشو رکشا، چیئر پرسن کیمپس کلچرل کمیٹی نے اس اہم سیشن کی شروعات کی اور اس کا انعقاد کیا۔

 

 

ونشیکا جرال، جموں یونیورسٹی کے سابق طالب علم اور ڈوگری فوک کے زمرے میں اے آئی آر کی اے-گریڈ پرفارمر نے ثقافتی تقریب کا آغاز کیا۔ انھوں نے موسیقی کے متعدد مقابلے جیتے ہیں، جن میں سنگیت ملن اور سنگنگ اسٹار آف دی ڈگرز شامل ہیں، اور وہ وزارت ثقافت سے اسکالرشپ کی وصول کنندہ بھی ہیں۔ انہوں نے اپنی سریلی آواز سے سامعین کو مسحور کر دیا۔ اے آئی آر اور دور درشن سے منظور شدہ اے-گریڈ گلوکار دھرمیش نرگوترا نے اپنی دلکش غزلوں سے اسٹیج پر طوفان برپا کر دیا۔ انہوں نے کئی پلیٹ فارموں پر جموں و کشمیر کی نمائندگی کی ہے۔

اس موقع پر موجود دیگر نمایاں افراد میں پروفیسر نیلو روہمیترا، ڈائرکٹر، ڈائریکٹوریٹ آف ڈسٹنس اینڈ آن لائن لرننگ، پروفیسر اروند جسروٹیا، رجسٹرار، پروفیسر پرکاش سی انتاہل، ڈین اسٹوڈنٹس ویلفیئر، فیکلٹی ممبران، افسران، عملہ، اسکالرز اور یونیورسٹی کے طلبہ شامل تھے۔

*************

ش ح۔ ف ش ع- ک ا

U: 4293

(Release ID: 1918085) Visitor Counter : 138