وزیر اعظم جناب نریندر مودی کے ’سہکار سے سمردھی‘ کے وژن کو پورا کرنے کے لیے، مرکزی وزیر داخلہ اور وزیر تعاون جناب امت شاہ کی رہنمائی میں، تعاون کی وزارت، کوآپریٹو سیکٹر سے منسلک اسٹیک ہولڈروں کی فلاح و بہبود کے لیے ہر ممکن کوشش کر رہی ہے۔ اس سلسلے میں مرکزی وزیر داخلہ اور وزیر تعاون جناب امت شاہ نے نئی دہلی میں پٹرولیم اور قدرتی گیس کے مرکزی وزیر جناب ہردیپ سنگھ پوری کے ساتھ میٹنگ کی۔ پٹرولیم اور قدرتی گیس کی وزارت نے موجودہ تھوک کنزیومر لائسنس یافتہ پرائمری ایگریکلچرل کریڈٹ سوسائٹیز (پی اے سی ایس) کو ریٹیل آؤٹ لیٹس میں تبدیل کرنے پر اتفاق کیا۔ اس کے تحت، موجودہ پی اے سی ایس کو اپنے تھوک صارفین کے پمپوں کو ریٹیل آؤٹ لیٹس میں تبدیل کرنے کا ایک بار کا اختیار دیا جائے گا، بشرطیکہ وہ دیہی علاقوں میں ریٹیل آؤٹ لیٹس کے قیام کے لیے تمام تقاضوں کو پورا کرتے ہوں۔

تعاون کی وزارت کی پہل پر، پٹرولیم اور قدرتی گیس کی وزارت نے ملک میں پی اے سی ایس اور کوآپریٹو شوگر ملوں کو مضبوط کرنے کے لیے کئی اقدامات کیے ہیں، جیسے کہ:-

• نئی پیٹرول/ ڈیزل ڈیلرشپ کی الاٹمنٹ میں پی اے سی ایس کو ترجیح دی جائے گی – اس سے تعاون پر مبنی تحریک کو تقویت ملے گی
• ایل پی جی ڈسٹری بیوٹر شپ کے لیے پی اے سی ایس کی منظوری – پی اے سی ایس دیہی ترقی کا اقتصادی مرکز بن جائے گا
• موجودہ تھوک صارف لائسنس یافتہ پی اے سی ایس کو ریٹیل آؤٹ لیٹ میں تبدیل کرنے کا اختیار - پی اے سی ایس ایک مضبوط با اختیار ادارہ بن جائے گا
• کوآپریٹو شوگر ملوں کے ذریعہ تیار کردہ ایتھانول کی خریداری کو ترجیح دی جائے گی
• اب پی اے سی ایس بھی ریٹیل آؤٹ لیٹس قائم کرنے اور چلانے کے قابل ہو جائے گا

مندرجہ بالا کے علاوہ، پی اے سی ایس کو ایل پی جی ڈسٹری بیوٹر شپ کے لیے اہل بنانے کے لیے وزارت پیٹرولیم کی جانب سے قواعد میں تبدیلی بھی کی جائے گی۔ یہ بھی فیصلہ کیا گیا ہے کہ نئی پیٹرول/ ڈیزل ڈیلرشپ کی الاٹمنٹ میں پی اے سی ایس کو مشترکہ زمرہ -2 (سی سی 2) کے ساتھ ساتھ مجاہد آزادی اور کھیلوں کے کوٹہ کے تحت غور کیا جائے گا۔ ایتھانول بلینڈنگ پروگرام کے تحت، وزارت پٹرولیم اس بات کو یقینی بنائے گی کہ کوآپریٹو شوگر ملوں کو دیگر نجی کمپنیوں کے برابر ایتھانول کی خریداری کے لیے ترجیح دی جائے۔

ملک میں کوآپریٹو تحریک کو مضبوط بنانے کے لیے، مرکزی وزیر داخلہ اور تعاون کے وزیر، جناب امت شاہ کی رہنمائی میں، تعاون کی وزارت نے پرائمری ایگریکلچرل کریڈٹ سوسائٹیز (پی اے سی ایس) کو مضبوط کرنے کے لیے کئی دوسرے اہم اقدامات بھی کیے ہیں، جیسے پی اے سی ایس کے لیے ماڈل بائی لاز۔ ان ماڈل بائی لاز کو قبول کرنے سے، ملک بھر میں تقریباً 1 لاکھ پی اے سی ایس دیہی اقتصادی ترقی کا محور بن جائیں گے اور کثیر جہتی اکائیوں کے طور پر کام کر سکیں گے۔ وہ 25 سے زیادہ سرگرمیوں کے ذریعے ملک کے 13 کروڑ سے زیادہ کسانوں کی آمدنی بڑھانے میں مدد کریں گے۔

پی اے سی ایس کو با اختیار بنانے کی سمت میں، وزارت تعاون کے مرکزی طور پر اسپانسر شدہ پروجیکٹ کے تحت، فی الحال پی اے سی ایس کا کمپیوٹرائزیشن جاری ہے، جو پی اے سی ایس کو قومی سافٹ ویئر کے ذریعے نابارڈ (NABARD) کے ساتھ منسلک کرنے کے قابل بنائے گا۔ اس کے ساتھ ساتھ تعاون کی وزارت نے الیکٹرانکس اور انفارمیشن ٹیکنالوجی کی وزارت، نابارڈ اور سی ایس سی ای گورننس سروسز انڈیا لمیٹڈ کے ساتھ مفاہمت کی ایک یادداشت پر بھی دستخط کیے ہیں، جس کے تحت سی ایس سی کی 300 سے زیادہ ای-سروسز پی اے سی ایس کے ذریعے دیہی علاقوں کے لوگوں کو دستیاب کرائی جائیں گی۔ اس کے علاوہ، تعاون کی وزارت نے اگلے پانچ سالوں میں تمام پنچایتوں/ دیہاتوں کا احاطہ کرنے والی 2 لاکھ کثیر مقاصد پی اے سی ایس اور بنیادی ڈیری/ ماہی گیری کوآپریٹو سوسائٹیز قائم کرنے کا ہدف بھی مقرر کیا ہے۔ کوآپریٹو سوسائٹیوں کو بھی خریداروں کے طور پر شامل کیا گیا ہے اور حکومت ہند کی مختلف اسکیموں کو بھی پی اے سی ایس کے ذریعے دیہی علاقوں کی سطح پر غیر مرکزی بنایا جا رہا ہے۔

وزیر اعظم جناب نریندر مودی کی قیادت میں، تعاون کی وزارت کی طرف سے اٹھائے جانے والے اقدامات سے پی اے سی ایس کو مضبوط بنانے کے ساتھ ساتھ انہیں کثیر مقاصد اقتصادی اکائیوں میں تبدیل کرنے میں مدد ملے گی، جس سے ملک کے کروڑوں کسانوں کو آمدنی کے باقاعدہ ذرائع مہیا ہوں گے۔ جناب امت شاہ نے کوآپریٹو سیکٹر کی کوریج کو وسعت دینے اور اسے مضبوط بنانے میں مسلسل تعاون کے لیے وزیر اعظم جناب نریندر مودی کا شکریہ ادا کیا۔

**************

ش ح۔ ف ش ع- ک ا

U: 4043