اعداد وشمار اور  پروگرام کے  نفاذ   کے مرکزی وزیر مملکت آزادانہ  چارج   اور  کارپوریٹ امور کی وزارت کے علاوہ  منصوبہ بندی کی وزارت میں وزیر مملکت جناب  راؤ  اندر جیت  سنگھ  نے  آج  راجیہ سبھا  میں ایک تحریری جواب  میں بتایا  کہ حکومت  مجموعی  گھریلو  پیدا  وار  (جی ڈی پی)  کے سلسلے   کے بنیادی  سال  میں ہی فی کس  نیٹ  ویلیو  ایڈڈ (این وی اے)  کے  اعتبار سے دیہی  اور شہری  علاقوں  میں  آمدنی  کے  تخمینہ  اکٹھا کرتی  ہے ،  جو  فی الحال  سال    12-2011  کا ہے۔  دیہی  اور شہری  علاقے  کے لئے نیٹ  ویلیو  ایڈڈ   (این وی اے)  سال   12-2011  میں بالترتیب 40925   روپے   اور 98435  روپے تھا۔

حکومت ملک میں مردوں  اور خواتین ، ایس سیز اور ایس ٹیز میں  اوسط  فی کس  آمدنی کے  تخمینے   اکٹھا نہیں کرتی ہے۔

  انہوں نے بتایا کہ حکومت  کا بنیادی پالیسی مقصد  آبادی کے تمام  زمروں کی ترقی  ہے۔ اس کی سب  کی شمولیت والی ترقی پر توجہ ، سب کا ساتھ  سب کا وکاس   کے  تئیں  عزم  میں جھلکتی ہے۔  تاکہ  غربت  اور عدم مساوات  کم کی جاسکے،  سماجی  سلامتی  فراہم  کی جاسکے  اور آمدنی بڑھائی جاسکے  اور  ذریعہ معاش کے متبادل فراہم کئے جاسکیں۔   اس کے  علاوہ ملک میں   آبادی کے کمزور ترین  طبقوں کی طرز  زندگی  کو بہتر بنایا جاسکے۔

  اس سلسلے میں  حکومت بہت سے  نشان  بند  پروگرام نافذ  کر رہی ہے، جن میں پردھان منتری   آواس  یوجنا  (پی ایم اے  وائی)،  مہا  تما گاندھی نیشنل  دیہی  روز  گارنٹی  قانون ( ایم  جی نریگا) ،  دین دیال  اپادھیائے یو جنا -  نیشنل  دیہی  روزی  روٹی مشن (  ڈی  اے وائی  -  این آر ایل ایم) ، نیشنل سوشل  اسسٹنٹس پروگرام (این ایس اے پی)، پردھان منتری  جن دھن یوجنا (پی جے ڈی وائی) ،  دین دیال اپادھیائے  گرامین  کوشلیہ  یوجنا (  ڈی ڈی یو – جی کے وائی)  پردھان منتری  سرکشا بیمہ  یوجنا (پی ایم ایس ڈی وائی) ،  پردھان منتری جیون جیوتی  بیمہ  یوجنا ،  اٹل پنشن  یوجنا،  پردھان منتری مدرا یوجنا ،  اسٹینڈ اپ انڈیا  اسکیم ، اقلیتی اور دیگر کمزور  ترین گروپوں کی ترقی  کے لئے  سرپرست پرو گرام، راشٹریہ کرشی  وکاس یوجنا، پی ایم -  کسان کے تحت  فنڈ  کی منتقلی، پی ایم فصل بیمہ یوجنا، کلیم پیمنٹ  ، کھادوں کی سبسڈیز ، ڈیری کوآپریٹو  کے لئے  سود  میں رعایت  اور  فارم گیٹ بنیادی ڈھانچے کے لئے  زرعی  بنیادی ڈھانچے کا فنڈ  وغیرہ  شامل ہیں۔

حکومت نے  2018  سے  آرزو مند  اضلاع  پروگرام  (اے ڈی پی) بھی نافذ  کیا ہے، جس کا  مقصد 6  شعبوں،(1)  صحت اور تغذیہ ، (2)  تعلیم ، (3)  زراعت  اور آبی وسائل ، (4)  مالی شمولیت ، (5)  ہنر مندی کا فروغ  اور  (6)  اصل  بنیادی  ڈھانچے  میں مختلف ریاستوں  اور مرکز کے زیر انتظام علاقوں  کے نشان زد  اضلاع  کی  جامع ترقی  ہے۔ اس  پہل  کومزید  مستحکم کرنےکی غرض  سے حکومت نے  حال ہی  میں  آرزو  مند بلاکس پروگرام کا  آغاز  کیا ہے، جس میں  صحت ، تغذیہ ، تعلیم،  زراعت، آبی وسائل ، مالی شمولیت ، ہنرمندی کا فروغ  اور  اصل بنیادی  ڈھانچے جیسے  کثیر مقصدی  شعبوں میں حکومت کی لازمی خدمات پر سو فیصد عمل  درآمدکے لئے 500  بلاکوں کااحاطہ کیا گیا ہے۔

رواں  قیمتوں  پر   15-2014  اور 23-2022  کے لئے  آل انڈیا  سالانہ  فی کس نیٹ قومی آمدنی بالترتیب  86647  روپے  اور  172000 روپے ہے۔ اس سلسلے میں  اس حصولیابی کو اجاگر کیا گیا ہے۔

**********

ش ح۔ ح ا ۔ ق ر

U. No.3733

(Release ID: 1913811) Visitor Counter : 205