ಕರ್ನಾಟಕದ ಸಹಕಾರ ಸಂಘಗಳ ನೋಂದಾವಣೆ (ನೋಂದಣಿ) ಅಧಿಕಾರಿಗಳಿಂದ ಪಡೆದ ಮಾಹಿತಿಯ ಪ್ರಕಾರ, ಕರ್ನಾಟಕ ರಾಜ್ಯದಲ್ಲಿ‌ರುವ 6,040 ಪ್ರಾಥಮಿಕ ಕೃಷಿ ಸಾಲ ಸಂಘಗಳು (ಪಿ.ಎ.ಸಿ.ಎಸ್.) ಸೇರಿದಂತೆ ವಿವಿಧ ವಲಯಗಳಲ್ಲಿ ಸುಮಾರು ಒಟ್ಟು 45,926 ಸಹಕಾರ ಸಂಘಗಳಿವೆ. ಪಿ.ಎ.ಸಿ.ಎಸ್. ಸೇರಿದಂತೆ ಸಹಕಾರ ಸಂಘಗಳ ಜಿಲ್ಲಾವಾರು ಪಟ್ಟಿಯನ್ನು ಅನುಬಂಧದಲ್ಲಿ ಲಗತ್ತಿಸಲಾಗಿದೆ.

ಕರ್ನಾಟಕ ರಾಜ್ಯ ಸೇರಿದಂತೆ ದೇಶದಾದ್ಯಂತ ಕ್ರಿಯಾತ್ಮಕ ಚಟುವಟಿಕೆಗಳಲ್ಲಿರುವ ಪ್ರಾಥಮಿಕ ಕೃಷಿ ಸಾಲ ಸಂಘಗಳು (ಪಿ.ಎ.ಸಿ.ಎಸ್.)/ ಬೃಹತ್‌  ಪ್ರದೇಶದ ಬಹುಪಯೋಗಿ ಸಂಘ(ಎಲ್.ಎ.ಎಂ.ಪಿ.ಎಸ್.‌)ಗಳ ಗಣಕೀಕರಣಕ್ಕಾಗಿ ಒಟ್ಟು ರೂ. 2,516 ಕೋಟಿ ಮೊತ್ತದ ಕೇಂದ್ರ ಪ್ರಾಯೋಜಿತ ಯೋಜನೆಯು ಅನುಷ್ಠಾನ ಹಂತದಲ್ಲಿದೆ. ಕೇಂದ್ರ ಮತ್ತು ರಾಜ್ಯ ಮಟ್ಟದಲ್ಲಿ ಪ್ರಾಜೆಕ್ಟ್ ಮಾನಿಟರಿಂಗ್ ಯುನಿಟ್‌ಗಳನ್ನು (ಪಿ.ಎಂ.ಯು.) ಸ್ಥಾಪಿಸಲಾಗಿದೆ ಮತ್ತು ನಬಾರ್ಡ್‌ನಿಂದ ಸಾಫ್ಟ್‌ವೇರ್ ಅಭಿವೃದ್ಧಿಯನ್ನು ಸಹ ಪ್ರಾರಂಭಿಸಲಾಗಿದೆ. ಯೋಜನೆಯ ಮಾರ್ಗಸೂಚಿಗಳ ಪ್ರಕಾರ, 63,000 ಪಿ.ಎ.ಸಿ.ಎಸ್. ಗಳ ಗಣಕೀಕರಣವನ್ನು ಪೂರ್ಣಗೊಳಿಸುವ ಗುರಿಯು 31.3.2025 ಆಗಿದೆ ಮತ್ತು ಯೋಜನೆಯ ಮಾಹಿತಿ ತುಂಬಿ ತಾಂತ್ರಿಕ ಸಹಾಯ(ಹ್ಯಾಂಡ್‌ ಹೋಲ್ಡಿಂಗ್) ಬೆಂಬಲಕ್ಕಾಗಿ ದಿನಾಂಕ 31.3.2027 ಆಗಿದೆ.

ಕರ್ನಾಟಕ ರಾಜ್ಯದಲ್ಲಿ 5,491 ಪಿ.ಎ.ಸಿ.ಎಸ್. ಗಳ ಗಣಕೀಕರಣದ ಪ್ರಸ್ತಾವನೆಯನ್ನು ನಬಾರ್ಡ್ ಶಿಫಾರಸು ಮಾಡಿದೆ ಮತ್ತು ಹಾರ್ಡ್‌ವೇರ್ ಖರೀದಿ, ಬೆಂಬಲ ವ್ಯವಸ್ಥೆ ಸ್ಥಾಪನೆ ಇತ್ಯಾದಿಗಳಿಗಾಗಿ ಕರ್ನಾಟಕ ರಾಜ್ಯಕ್ಕೆ ಕೇಂದ್ರ ಸರ್ಕಾರದ ಪಾಲಿನ ಮೊದಲನೇ ಕಂತಾಗಿ ರೂ. 25.45 ಕೋಟಿ ಬಿಡುಗಡೆ ಮಾಡಲಾಗಿದೆ.

ಕರ್ನಾಟಕ ರಾಜ್ಯದಲ್ಲಿ ಗಣಕೀಕರಣಕ್ಕಾಗಿ ಶಿಫಾರಸು ಮಾಡಲಾದ ಪಿ.ಎ.ಸಿ.ಎಸ್. ಗಳ ಜಿಲ್ಲಾವಾರು ಸಂಖ್ಯೆಯನ್ನು ಸಹ ಕೆಳಗಿನ ಅನುಬಂಧದಲ್ಲಿ ಲಗತ್ತಿಸಲಾಗಿದೆ.

ಸಂಬಂಧಿತ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳು ಮತ್ತು ಇತರ ಮಧ್ಯಸ್ಥಗಾರರೊಂದಿಗೆ ಸಮಾಲೋಚಿಸಿ ಸಹಕಾರ ಸಚಿವಾಲಯವು ಪಿ.ಎ.ಸಿ.ಎಸ್. ಅನ್ನು ವಿವಿಧೋದ್ದೇಶ ಸಹಕಾರಿ ಸಂಘಗಳಾಗಿ ಪರಿವರ್ತಿಸಲು ಅನುಕೂಲವಾಗುವಂತೆ ತಮ್ಮ ಚಟುವಟಿಕೆಗಳನ್ನು ವೈವಿಧ್ಯಗೊಳಿಸಲು ಮಾದರಿ ಉಪ-ಕಾನೂನುಗಳನ್ನು ಸಿದ್ಧಪಡಿಸಿದೆ. ಕರ್ನಾಟಕ ರಾಜ್ಯ ಸೇರಿದಂತೆ ಎಲ್ಲಾ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳು ತಮ್ಮ ರಾಜ್ಯ ಸಹಕಾರ ಸಂಘಗಳ ಕಾಯಿದೆಗಳಿಗೆ ಒಳಪಟ್ಟು ಮಾದರಿ ಬೈಲಾಗಳನ್ನು 05.01.2023 ರಂದು ಪಿ.ಎ.ಸಿ.ಎಸ್. ಮೂಲಕ ಅಳವಡಿಸಿಕೊಳ್ಳಲಾಗಿದೆ. ಡೈರಿ, ಮೀನುಗಾರಿಕೆ, ಆಹಾರ ಧಾನ್ಯ ಸಂಗ್ರಹಣೆ, ಎಲ್‌ಪಿಜಿ /ಸಿಎನ್‌ಜಿ/ ಪೆಟ್ರೋಲ್/ ಡೀಸೆಲ್ ವಿತರಕತ್ವ, ಸಾಮಾನ್ಯ ಸೇವಾ ಕೇಂದ್ರಗಳು, ನ್ಯಾಯಬೆಲೆ ಅಂಗಡಿಗಳು (ಎಫ್‌.ಪಿ.ಎಸ್.) ಮುಂತಾದ 25 ಕ್ಕೂ ಹೆಚ್ಚು ವ್ಯಾಪಾರ- ವ್ಯವಹಾರಿಕ ಚಟುವಟಿಕೆಗಳನ್ನು ಕೈಗೊಳ್ಳಲು ಮಾದರಿ ಉಪ-ಕಾನೂನುಗಳು ಅಳವಡಿಸಿ ಪಿ.ಎ.ಸಿ.ಎಸ್. ಅನ್ನು ಇನ್ನೂ ಸಕ್ರಿಯಗೊಳಿಸುತ್ತದೆ.

ಈ ಮೇಲಿನವುಗಳ ಜೊತೆಗೆ, ಮುಂದಿನ ಐದು ವರ್ಷಗಳಲ್ಲಿ ಕರ್ನಾಟಕ ರಾಜ್ಯ ಸೇರಿದಂತೆ ದೇಶಾದ್ಯಂತ ಪ್ರತಿ ಪಂಚಾಯತ್/ ಗ್ರಾಮವನ್ನು ಒಳಗೊಂಡಂತೆ ಅಸ್ತಿತ್ವದಲ್ಲಿರುವ ವಿವಿಧ ಯೋಜನೆಗಳ ಎಲ್ಲಾ ಪ್ರಯೋಜನಗಳನ್ನು ಪಡೆಯುವ ಮೂಲಕ, ಎರಡು ಲಕ್ಷ ಹೊಸ ಬಹುಪಯೋಗಿ ಪಿ.ಎ.ಸಿ.ಎಸ್. ಅಥವಾ ಪ್ರಾಥಮಿಕ ಡೈರಿ ಅಥವಾ ಮೀನುಗಾರಿಕೆ ಸಹಕಾರ ಸಂಘಗಳನ್ನು ಸ್ಥಾಪಿಸಲು ಕೇಂದ್ರ ಸರ್ಕಾರದಿಂದ ಪ್ರಸ್ತಾವನೆಯನ್ನು ಅನುಮೋದಿಸಲಾಗಿದೆ.  

 ಕರ್ನಾಟಕ ರಾಜ್ಯದಲ್ಲಿರುವ ಪ್ರಾಥಮಿಕ ಕೃಷಿ ಸಾಲ ಸಂಘಗಳ (ಪಿ.ಎ.ಸಿ.ಎಸ್.) ಜಿಲ್ಲಾವಾರು ಪಟ್ಟಿ

ಕ್ರ.ಸಂ	ಜಿಲ್ಲೆಯ ಹೆಸರು	ಸಹಕಾರ ಸಂಘಗಳ ಸಂಖ್ಯೆ	ಪ್ರಾಥಮಿಕ ಕೃಷಿ ಸಾಲ ಸಂಘಗಳ (ಪಿ.ಎ.ಸಿ.ಎಸ್.) ಸಂಖ್ಯೆ	ಮೊದಲ ಹಂತದ ಗಣಕೀಕರಣ ಕಾರ್ಯದಲ್ಲಿ ಪರಿಗಣಿಸಲಾದ ಪ್ರಾಥಮಿಕ ಕೃಷಿ ಸಾಲ ಸಂಘಗಳ (ಪಿ.ಎ.ಸಿ.ಎಸ್.) ಸಂಖ್ಯೆ
1	ಬೆಂಗಳೂರು ನಗರ	2776	46	37
2	ಬೆಂಗಳೂರು ಗ್ರಾಮಾಂತರ	1127	78	69
3	ರಾಮನಗರ	1334	101	98
4	ಬಾಗಲಕೋಟೆ	1989	284	265
5	ಬೆಳಗಾವಿ	6111	1318	1156
6	ಬಳ್ಳಾರಿ	1568	197	177
7	ಬೀದರ್	1305	188	188
8	ಚಿಕ್ಕಮಗಳೂರು	616	129	128
9	ಚಿತ್ರದುರ್ಗ	1028	165	149
10	ದಾವಣಗೆರೆ	1456	181	176
11	ಹಾಸನ	1977	228	215
12	ಧಾರವಾಡ	1076	165	152
13	ಗದಗ್	1083	179	160
14	ಹಾವೇರಿ	1323	231	227
15	ಕಲಬುರಗಿ	1543	231	179
16	ಯಾದಗಿರಿ	871	108	86
17	ಕೊಡಗು	342	76	76
18	ಕೋಲಾರ	1609	104	85
19	ಚಿಕ್ಕಬಳ್ಳಾಪುರ	1575	159	116
20	ಮೈಸೂರು	2526	201	176
21	ಚಾಮರಾಜನಗರ	820	105	103
22	ಮಂಡ್ಯ	2217	235	227
23	ಉತ್ತರ ಕನ್ನಡ	941	179	156
24	ರಾಯಚೂರು	1288	140	135
25	ಕೊಪ್ಪಳ	829	125	115
26	ಶಿವಮೊಗ್ಗ	1268	176	167
27	ದಕ್ಷಿಣ ಕನ್ನಡ	871	122	121
28	ತುಮಕೂರು	681	57	56
29	ತುಮಕೂರು	2222	242	230
30	ವಿಜಯಪುರ	1554	290	266
	ಒಟ್ಟು	45926	6040	5491

 

ರಾಜ್ಯಸಭೆಯಲ್ಲಿ ಪ್ರಶ್ನೆಯೊಂದಕ್ಕೆ ಲಿಖಿತ ಉತ್ತರದಲ್ಲಿ ಕೇಂದ್ರ ಸಹಕಾರ ಸಚಿವ ಶ್ರೀ ಅಮಿತ್ ಶಾ ಅವರು ಈ ಮಾಹಿತಿಯನ್ನು ನೀಡಿದ್ದಾರೆ  

*****

 

(Release ID: 1910185) Visitor Counter : 2348