নেসনেল হায়ৱে চাউখৎহন্নবগী প্রোজেক্ত খুদিংমক পি.এম. গতিশক্তি নেসনেল মাস্তর প্লান (এন.এম.পি.)গী কাংলোনগা চুন্ননা পায়খৎখি

মন্ত্রালয় অসিনা মপুং ওইনা নেসনেল হায়ৱেশিং (এন.ঐচ.শিং)গী চাউখৎনবা অমসুং য়েংশিন্নবগী থৌদাং লৌরি। মন্ত্রালয় অসিগী এন.ঐচ.শিংগী চাউখৎনবগী প্রোজেক্ত খুদিংমক পি.এম. গতিশক্তি নেসনেল মাস্তর প্লান (এন.এম.পি.)গী কাংলোনগা চুন্ননা পায়খৎখি।

ঝার্খন্দ, বিহার, মহারাস্ত্রা, অম্মু অমসুং কাশ্মির, মধ্য প্রদেশ অমসুং হরিয়ানা রাজ্য/য়ুনিয়ন তেরিতোরী (য়ু.তি.শিং)গী এন.ঐচ. প্রোজেক্তশিংগী অকুপ্পা মরোলশিং মমাং চহিদা অমসুং চৎলিবা চহিসিগী ওইনা লানখৎখিবশিং মখাদা পীরিঃ-

মন্ত্রালয় অসিনা পি.এম. গতিশক্তি এন.এম.পি.গী মখাদা প্রোজেক্তশিংগী ওইবা তোখাইবা শেন্থং কাইথদে। মন্ত্রালয় অসিনা প্রোজেক্ত-প্রোজেক্তকী ওইবা মওংদা শেন্থং কাইথদে।

ঝার্খন্দ, বিহার, মহারাস্ত্রা, জম্মু অমসুং কাশ্মির, মধ্য প্রদেশ অমসুং হরিয়ানা রাজ্য/য়ু.তি.গী মমাং চহি অমসুং চৎলিবা চহি অসিগী মনুংদা এন.ঐচ.শিং চাউখৎবগীদমক কাইথোকখিবা চাদিং অচঙবা/শেন্থংগী অকুপ্পা মরোলশিং মখাদা পীরিঃ-

তোঙান-তোঙানবা রাজ্য অমসুং য়ুতি.শিংদা ২০২১-২২ অমসুং ২০২২-২৩ (ফেব্রুৱারী ২০২৩ ফাওবদা)গী মনুংদা শেমগৎখিবা এন.ঐচ.শিংগী অশাংবসি মথং শিৎনা  কিলোমিতর ১০,৪৫৭ অমসুং কিলোমিতর ৮,০৬৪ ওইখি। ঝার্খন্দ, বিহার, মহারাস্ত্রা, জম্মু অমসুং কাশ্মির, মধ্য প্রদেশ অমসুং হরিয়ানা রাজ্য/য়ু.তি.গী মমাং চহি অমসুং চৎলিবা চহি অসিগী মনুংদা শেমখিবা এন.ঐচ.শিংগী অশাংবগী অকুপ্পা মরোলশিং মখাদা পীরিঃ-

রাজ্য/য়ু.তি. খুদিংমক্কী পুলিস দিপার্তমেন্তেতগী ফংবা দেতাগী মতুং ইন্না, চহি ২০১৮দগীনা ২০২১ ফাওবগী মনুংদা লৈবাক অসিগী লম্বী খুদিংমক্তা থোকখিবা লম্বীগী ওইবা এক্সিদেন্ত অমসুং মসিদা লৈখিদবা মীওইশিংগী মশীং মখাদা পীরিঃ-

রাজ্য/য়ু.তি.শিং অসিদগী ফংবা লম্বীগী এক্সিদেন্তকী দেতা নৈনবদগী ফংলে মদুদি লম্বীগী ওইবা এক্সিদেন্তশিং অসি মলতি কেজুএল ওই অমসুং মখোয়শিং অসি তোঙান-তোঙানবা মচাক কয়ানা থোকহনবা থবক ওইরি, মখোয়শিং অসি মীওইবগী তম্বা ঙমদবা অশোইবা, লম্বীগী ফিভম/অকোইবগী ফিভম অমসুং গারীগী ফিভম হায়না খায়দোকপা য়াই।

মন্ত্রালয় অসিনা এজুকেসন, ইঞ্জিনীয়রিং (লম্বী অমসুং গারী অনিমক্কী), এনফোর্সমেন্ত অমসুং এমর্জেন্সী কেয়রদা য়ুম্ফম ওইদুনা লম্বীদা অশোই অঙাম থোকহন্দনবা মায়কৈ কয়াদা পাম্বৈ কয়া শেমখ্রে।

এন.ঐচ.এ.আই.না দিল্লী-মুম্বাই, মুম্বাই-চেন্নৈ, চেন্নৈ-কোলকাতা অমসুং কোলকাতা-দিল্লীগী গোল্দন ক্বাদ্রিলেতরেল লম্বীগী মশা মরি অসিদা হোস্পিতালাইজেসন ইন্সুরেন কভর পীদুনা লম্বীগী এক্সিদেন্ত মাইয়োক্নরিবা মীওইশিং (দ্রাইবর, পেসেঞ্জর, খোংনা চৎপা/সাইকল থৌবা মীওইশিং য়াওনা)দা কেসলেস ওইবা মওংদা লাইয়েং চত্থনবা থৌরাং তৌরি। হায়রিবা স্কিম অসিনা লাইয়েং শঙদা পুখৎলকপা মীকুপতগী পুং ৪৮গী মনুংদা খুদক্কী ওইবা লাইয়েং চত্থনবা নৎত্রগা লুপা ৩০,০০০/- ফাওবগী অনা লাইয়েংগী তঙাইফদবশিং পীনবা হোৎনরি।

মন্ত্রালয় অসিনা লৌখৎখিবা লম্বীগী অশোই অঙাম থোক্নবা থৌরাংশিংগী তোঙান-তোঙানবা অকুপ্পা মরোলশিং এনেক্স তৌরি।

এনেক্সর

পি.এম. গতি শক্তি এন.এম.পি.গী মখাদা লম্বীগী প্রোজেক্তশিংগী এনেক্সর

মন্ত্রালয় অসিনা লৌখৎখিবা লম্বীগী অশোই অঙাম থোক্নবা থৌরাংশিংগী তোঙান-তোঙানবা অকুপ্পা মরোলশিং:-

(১) এজুকেসনঃ

1. মীয়াম্বু লম্বীগী ওইবা সেফতীগী মতাংদা ভাপ তাহন্নবগীদমক, মন্ত্রালয় অসিনা মীয়াম খঙহন্নবা তোঙান তোঙানবা থৌরাংশিং অমসুং সোসিএল মীদিয়া, ইলেক্ত্রোনিক মীদিয়া অমসুং প্রিন্ত মীদিয়াগী থোঙদা ভাপ তাহন্নবা থবক পায়খৎখি। মখা তানা, মন্ত্রালয় অসিনা তোঙান তোঙানবা এজেন্সীশিংদা রোদ সেফতী এদভোকেসী পীনবগীদমক শেলগী তেংবাং পীথখি।
2. রোদ সেফতীগী মতাংদা হেন্না ভাপ তাহন্নবা অমসুং মপাঙ্গল কনখৎনবগীদমক চহি খুদিংগী নেসনেল রোদ সেফতী থা/চয়োল হায়দুনা পাঙথোক্লি।

• III. মন্ত্রালয় অসিগী মখাদা লৈবা লম্বীগী থবক পায়রিবা এজেন্সীশিংগী তেক্নিকেল ওফিসরশিং, সুপরিন্তেন্দেন্ত ইঞ্জিনীয়র নৎত্রগা মান্নবা থাক ফাওবদা রোদ সেফতী ওদিতরগী সর্তিফিকেসন কোর্স অমা তঙাইফদনা পায়হল্লি।
• IV. গারী থৌবগী ত্রেনিং পীনবগীদমক, মন্ত্রালয় অসিনা ইন্সতিত্যুত ওব দ্রাইভিং ত্রেনিং অমসুং রিসর্স (আই.দি.তি.আর.শিং), রিজনেল দ্রাইভিং ত্রেনিং সেন্তর (আর.দি.তি.সি.) অমসুং দ্রাইভিং ত্রেইং সেন্তর (দি.তি.সি.)শিং রাজ্য/জিলাগী থাক্তা লৈবাক শীনবা থুং লিংখৎনবগী থৌশিল অমা পায়খৎলি।

(২) ইঞ্জিনীয়রিং (লম্বী অমসুং গারী অনিমক)

২.১ লম্বীগী ইঞ্জিনীয়রিং

1. থৌরাং তৌবগী তাংকক্তগী হৌদুনা লম্বীগী দিজাইন্দা রোদ সেফতী হায়বসি মরুওইবা শরুক অমা ওইরে। হায়ৱে প্রোজেক্ত খুদিংমক্কী রোদ সেফতী ওদিত (আর.এস.এ.) অসি তাংকক খুদিংদা তঙাইফদবা ওইরে।
2. হায়ৱে প্রোজেক্ত খুদিংমক্কী রোদ সেফতী ওদিত (আর.এস.এ.) অসি তাংকক খুদিংমক্তা হায়বদি দিজাইন, শেমগৎপা, মথৌ তৌহনবা অমসুং য়েংশিনবা অসিনচিংবশিংদা অহুমশুবা কাংবু ওদিতর/এক্সপর্তশিংগী থোঙদা তঙাইফদবা ওইহল্লে।

• III. এন.ঐচ.শিংদা লৈবা ব্লেক স্পোত/এক্সিদেন্ত স্পোতশিং খঙদোকপা অমসুং শেমদোকপদা মরুওইবা থম্লে।
• IV. মন্ত্রালয় অসিগী মখাদা লৈরিবা লম্বীগী থবক পায়রিবশিংগী রিজনেল ওফিস খুদিংদা রোদ সেফতী ওফিসর (আর.এস.ও.) থমদুনা আর.এস.এ., ব্লেকস্পোত শেমদোকপা অমসুং অতোপ্পা রোদ সেফতীগা মরী লৈনবা থবকশিং য়েংশিনগনি।

5. এক্সিদেন্ত/ব্লেকস্পোত মশীং য়াম্না লৈবা এন.ঐচ. মঙাবু মোদেল সেফ রোদশিং ওইনা মন্ত্রালয় অসিগী লম্বী পায়রিবা এজেন্সীশিংগী রিজনেল ওফিসকী মখাদা শেমগৎলি।

• VI. হৌজিক পায়খৎলিবা প্রোজেক্ত মঙাদি মন্ত্রালয় অসিগী লম্বী পায়রিবা এজেন্সীশিংগী রিজনেল ওফিসকী মখাদা মোদেল সেফ কনস্ত্রক্সন জোনশিং ওইনা শেমগৎলি।

7. ইলেক্ত্রোনিক দিতেল্দ এক্সিদেন্ত রিপোর্ত (ই-দার) প্রোজেক্তসু লৈবাক পুম্বদা থোক্লিবা লম্বীগী এক্সিদেন্তকী দেতাগী রিপোর্তিং, মেনেজমেন্ত অমসুং নৈনবগী মপুং ওইবা রিপোজিতরী অমা ওইনা শেমগৎখ্রে।
8. মন্ত্রালয় অমসুং ইন্দিয়ন রোদস কংগ্রেস (আই.আর.সি.)না মতম মতমগী ওইনা এন.ঐচ.শিংদা এক্সিদেন্ত থোকপা হন্থনবগীদমক তোঙান তোঙানবা কোদ অমসুং গাইদলাইনশিং পীরি।

২.২ ভেহিকল ইঞ্জিনীয়রিং:

1. মন্ত্রালয় অসিনা দ্রাইবরগী নাকন্দা ফম্লিবা মমাংগী পেসেঞ্জরগী এয়রবেগ অমা গারীশিংদা তঙাইফদনা হাপ্নবগীদমক খঙহনখ্রে।
2. মন্ত্রালয় অসিনা ফেব্রুৱারী ১৫, ২০২২দা থোকখিবা নোতিফিকেসন অমগী মতুং ইন্না, চহি মরিগী মখাদা লৈবা থৌরিবা নৎত্রগা মোতোর সাইকলদা পুরিবা অঙাংশিংগা মরী লৈননা সেফতীগী খোঙথাংগী কাংলোনশিং ফোংখ্রে। মখা তানা, মসিনা সেফতী হার্নেস, ক্রাস হেল্মেত অমসুং য়াঙবগী চাং ৪০কে.এম.পি.ঐচ.তা লিমিৎ থম্নবা খঙহল্লি।

• III. মন্ত্রালয় অসিনা মখাগী সেফতী তেক্নোলোজীশিং অসি ২০১৯ জুলাই ১দগী তঙাইফদনা হাপ্নবগীদমক খঙহনখ্রেঃ-

এম ১ কাংলুপকী গারীশিংগীদমকঃ-

ক. দ্রাইভর অমসুং কো-দ্রাইভরগী ওইনা সীত বেল্ত রিমাইন্দর (এস.বি.আর.)

খ. সেন্ত্রেল লোকিং সিস্তেমগী মেন্যুল ওভররাইদ

গ. ওভর স্পীদ ৱার্নিং সিস্তেম

এম অমসুং এন কাংলুপকী গারীশিংগীদমকঃ-

ক. রিভর্স পার্কিং এলর্ত সিস্তেম।

• IV. মন্ত্রালয় অসিনা এল [চাকা মরিদগীদি তাবা অমসুং ক্বাদ্রিসাইকলদি য়াওনা], এম [মী পুথোক পুশিনগীদমক শীজিন্নবা চাকা মরি পানবা গারী] অমসুং এন [পোৎচৈ পুনবা, পোৎচৈগী মথক্তা মী পুনবা, বি.আই.এস. স্তেন্দার্দকী মতুং ইন্না লৈবা চাকা মরি পানবা গারী]গী কাংলুপশিংগী অখন্নবা ক্লাস খরদা এন্তি লোক ব্রেকিং সিস্তেম (এ.বি.এস.) হাপ্পা তঙাইফদে হায়না লাউথোকখি।

5. মন্ত্রালয় অসিনা ওফসেত ফ্রন্তেল কোলিজন থোকপা মতমদা ফম্লিবশিং ঙাকথোক্নবা, হেদ ওন কোলিজনগী মতমদা স্তীয়রিং মেকানিজম পীবা, লেতরেল কোলিজনগী মতমদা ফম্লিবশিং ঙাকথোক্নবা অমসুং খোঙনা চৎলিবশিং অমসুং অতোপ্পা লম্বী শীজিন্নরিবশিংবু মোতোর ভেহিকলগা থেংগাইনবদা ঙাকথোক্নবগী মতাংদা গারীশিংনা ঙাকথোক্নবা তঙাইফদবা অয়াবা পীবা।

• VI. মন্ত্রালয় অসিনা চাকা অনি পানবা, অহুম পানবা, ক্বাদ্রিসাইকল, ফাইয়র তেন্দর, এম্বুলেন্স অমসুং পুলিসকী গারী নত্তনা ত্রান্সপোর্ত ভেহিকল খুদিংমক্তা স্পীদ লিমিতিং ফংসন/স্পীদ লিমিতিং দিভাইস হাপ্পা তঙাইফদবা ওইহনখি।

7. মন্ত্রালয় অসিনা ২০১৯এপ্রিল ১দা নৎত্রগা মসিগী মতুংদা মপুং ফানা শারবা বস (দ্রাইভর থাদনা পেসেঞ্জর ২২ নত্ত্রগা মথক ফাওবা ফম্বা য়াবা)শিংদা মৈপোক লাংহৌ খঙবা ঙম্বা, এলার্ম, সপ্রেসন সিস্তেম হাপ্পদা তঙাইফদবা থমখি। মখা তানা, জনুৱারী ২৬, ২০২৩ অমসুং মসিগী মতুংগী এম৩গী তাইপ III বসশিং অমসুং স্কুল বসশিংদা ওকুপেন্ত কম্পার্ত্মেন্ততা ফাইয়র এলার্ম অমসুং প্রোতেক্সন সিস্তেম হাপ্পা তঙাইফদবা থমখি।
8. মন্ত্রালয় অসিনা গারী শারিবশিংদা মোতোর ভেহিকল রেজিস্তর তৌবদা রোদ ৱর্দিনেস সর্তিফিকেসন পীনবা ফোর্মেত অমসু থোকখ্রে।

• IX. মোদেল ইন্সপেক্সন অমসুং সর্তিফিকেসন সেন্তর অমা রাজ্য/য়ু.তি.দা গারীশিং ওতোমেতেদ ওইবা পথাপদা তেস্ত তৌনবা কেন্দ্রগী মতেংগা লোইননা লিংখৎপা।

10. মন্ত্রালয় অসিনা সেপ্তেম্বর ২৩, ২০২১দা থোকপা চেরোল অমগী মতুং ইন্না, ওতোমেতেদ তেস্তিং স্তেসনশিংগী রিকগনিসন, রিগুলেসন অমসুং কন্ত্রোলগী কাংলোনশিং ফোংখ্রে।

• XI. এপ্রিল ৫, ২০২২দা থোকপা চেরোল জি.এস.আর. ২৭২ (ই)না গারীশিংগী তঙাইফদবা ফিৎনেস অসি ওতোমেতেদ তেস্তিং স্তেসন খক্তনা পীগদবনি হায়রি। মসিনা হেভী গুদস ভেহিকল/হেভী পেসেঞ্জর মোতোর ভেহিকলশিংগী ফিতনেস অসি এপ্রিল ১, ২০২৩দগী হৌদুনা ওতোমেতেদ তেস্তিং স্তেসনশিংদগী খক্তমক চেক তৌগদবনি, অমসুং মীদিয়ম গুদস ভেহিকল/মীদিয়ম পেসেঞ্জর মোতোত ভেহিকলশিং অমসুং লাইত মোতোর ভেহিকল (ত্রাস্পোর্ত)না জুন ১, ২০২৪দগী হৌগনি।

12. মন্ত্রালয় অসিনা ইন্সেন্তিব/দিস-ইন্সেন্তিব অমসুং অরিবা, মশা ফত্ত্রবা পুলুতিং ওইবা গারী লৌথোকপদা য়ুম্ফম ওইদুনা ভেহিকল স্ক্রেপিং পোলিসী শেমখ্রে।

(৩) এনফোর্সমেন্তঃ

1. মোতোর ভেহিকল্স (এমেন্দমেন্ত) এক্ত, ২০১৯না ত্রাফিক রুল থুগাইবদা অকনবা চৈরাক পীনবা অহেনবা মীৎয়েং থমখ্রে অমসুং তেক্নোলোজী শীজিন্নদুনা হেন্না কনশিনহনখ্রে।
2. মন্ত্রালয় অসিনা ওগস্ত ১১, ২০২১দা ইলেক্ত্রোনিক মোনিতরিং অমসুং এনফোর্মেন্ত ওব রোদ সেফতীগী মতাংদা জি.এস.আর. ৫৭৫ (ই)গী চেরোল থোকখ্রে। কাংলোন অসিনা ইলেক্ত্রোনিক এনফোর্সমেন্ত দিভাইস (স্পীদ কেমরা, ক্লোজদ সর্কিত তেলিভিসজন কেমরা, স্পীদ গন, বোদী ৱিইয়রেবল কেমরা, দেশবোর্দ কেমরা, ওতোমেতিক নম্বর প্লেত রিকগনিসন (এএন.পি.আর.), অরুম্বা ওন্নবা মেচিন (দব্ল্যু.আই.এম.), অমসুং অতোপ্পা মসিগুম্বা রাজ্য সরকারনা লেপ্পা তেক্নোলোজীশিং থম্ফমগী মতাংদা অকুপ্পা মরোল থোকখ্রে।

(৪) এমর্জেন্সী কেয়রঃ

1. মন্ত্রালয় অসিনা গুদ সমারিতান ঙাকথোক্না ২৯.০৯.২০২০দা জি.এস.আর. ৫৯৪ (ই)গী চেরোল অমা থোকখি, মসিনা অফবা ৱাখলদা মশানা চোংথোক্তুনা মনা ফংগনি হায়বা খন্দনা খুদক্কী ওইবা হিদাক লাংথক্কী নৎত্রগা নত্তবা কেয়র পীবা নত্ত্রগা মতেং এক্সিদেন্ত থোকফম মফমদা অশোকপদা মতেং পীবা নৎত্রগা অশোকপবু হোস্পিতালদা পুখৎপীবদা ঙাকথোকপীগনি।
2. মন্ত্রালয় অসিনা ফেব্রুৱারী ২৫, ২০২২দা থোকপা চেরোল অমদা, হিত এন্দ রন মোতোর এক্সিদেন্তকী ভিক্তিমদা পীবা তেংবাং হেনগৎখ্রে ( শাথিনা শোক্লবদা লুপা ১২,৫০০তগী ৫০০,০০ ফাওবদা অমসুং লৈতবা য়াওবদনা লুপা ২৫,০০০দগীনা ৫০,০০০ ফাওবা)।

• III. এন.ঐচ.এ.আই.না নেসনেল হায়ৱেগী মপুং ফাবা কোরিদোরদা লৈরিবা তোল প্লাজাগী পেরামেদিকেল স্তাফ/এমর্জেন্সী মেদিকেল তেক্নিসিয়ান/নর্স য়াওবা এম্বুলেন্সকী প্রোভিজন শেম্লে।

ঈ পাউ অসি কেন্দ্রগী রোদ ত্রান্সপোর্ত অমসুং হায়ৱে মন্ত্রী শ্রী নিতিন গদকারিনা লোক সভাদা অইবা পাউখুম ওইনা পীখিবনি। 

***