حکومت ہند زراعت اور کسانوں کی زندگیوں پر موسمیاتی تبدیلی کے اثرات سے آگاہ ہے۔ ملک کے مختلف حصوں میں واقع نیٹ ورک مراکز کے ذریعہ زراعت میں وسیع فیلڈ اور نقلی مطالعہ کئے گئے۔ 2050 اور 2080 کی متوقع آب و ہوا کو شامل کرتے ہوئے کراپ سمولیشن ماڈلز کا استعمال کرتے ہوئے موسمیاتی تبدیلی کے اثرات کا جائزہ لیا گیا۔ موافقت کے اقدامات کو اپنانے کی غیر موجودگی میں، ہندوستان میں بارش سے چلنے والی چاول کی پیداوار 2050 میں 20٪ اور 2080 کے منظر ناموں میں 47٪ تک کم ہونے کا امکان ہے۔ جبکہ سیراب شدہ چاول کی پیداوار میں 2050 میں 3.5% اور 2080 کے منظرناموں میں 5% کی کمی متوقع ہے۔ موسمیاتی تبدیلیوں سے 2050 میں گندم کی پیداوار میں 19.3 فیصد اور 2080 میں 40 فیصد تک اس صدی کے آخر تک نمایاں مقامی اور وقتی تغیرات کے ساتھ پیداوار میں کمی کا امکان ہے۔ موسمیاتی تبدیلی سے 2050 اور 2080 کے منظرناموں میں خریف مکئی کی پیداوار میں بالترتیب 18 اور 23 فیصد کمی متوقع ہے۔ موسمیاتی تبدیلی فصلوں کی پیداوار کو کم کرتی ہے اور پیداوار کی کم غذائیت کا معیار بھی اسی وجہ سے  متاثر ہوتاہے۔ خشک سالی جیسے انتہائی واقعات خوراک اور غذائی اجزاء کی کھپت کو متاثر کرتے ہیں، اور اس کے اثرات کسانوں پر پڑتے ہیں۔

حکومت ہند نے زراعت کو موسمیاتی تبدیلیوں کے لیے مزید لچکدار بنانے کے لیے اسکیمیں/منصوبے بنائے ہیں۔ قومی مشن برائے پائیدار زراعت (این ایم ایس اے) موسمیاتی تبدیلی پر قومی ایکشن پلان (این اے پی سی سی) کے اندر ایک مشن ہے۔ اس مشن کا مقصد بدلتی ہوئی آب و ہوا کے لیے ہندوستانی زراعت کو زیادہ لچکدار بنانے کے لیے حکمت عملیوں کو تیار کرنا اور نافذ کرنا ہے۔

بدلتی ہوئی آب و ہوا کے پیش نظر گھریلو خوراک کی پیداوار کو برقرار رکھنے کے چیلنجوں سے نمٹنے کے لیے، انڈین کونسل آف ایگریکلچرل ریسرچ (آئی سی اے آر)، زراعت اور کسانوں کی بہبود کی وزارت، حکومت ہند نے ایک فلیگ شپ نیٹ ورک ریسرچ پروجیکٹ 'نیشنل انوویشنز ان کلائمیٹ ریسیلینٹ ایگریکلچر'(این آئی سی آر اے)2011 میں  شروع کیا۔ اس منصوبے کا مقصد زراعت میں موسمیاتی لچکدار ٹیکنالوجیز کو تیار کرنا اور فروغ دینا ہے، جو ملک کے کمزور علاقوں میں موسمیاتی تبدیلی کے مطابق حل کرتی ہے اور اس منصوبے کے نتائج خشک سالی، سیلاب، ٹھنڈ، شدید گرمی وغیرہ جیسے انتہائی واقعات سے نمٹنے کے لیے شدید موسمی حالات کے شکار اضلاع اور خطوں کی مدد کرتے ہیں۔ قومی نقطہ نظر کے ساتھ قلیل مدتی اور طویل مدتی تحقیقی پروگرام شروع کیے گئے ہیں جن میں فصلوں، باغبانی، مویشیوں، ماہی پروری اور پولٹری کے لیے موافقت اور تخفیف شامل ہے۔ بنیادی اہمیت کے حامل علاقوں کا احاطہ کیا گیا ہے؛

(i) سب سے زیادہ کمزور اضلاع/علاقوں کی نشاندہی کرنا،

(ii) موافقت اور تخفیف کے لیے فصل کی اقسام اور انتظامی طریقوں کو تیار کرنا،

(iii) مویشیوں، ماہی گیری اور پولٹری پر موسمیاتی تبدیلی کے اثرات کا اندازہ لگانا اور موافقت کی حکمت عملیوں کی نشاندہی کرنا۔ 2014 کے بعد سے، 1888 آب و ہوا کی لچکدار اقسام تیار کی گئی ہیں، اس کےعلاوہ 68 جگہ مخصوص آب و ہوا کی لچکدار ٹیکنالوجیز تیار کی گئی ہیں اور کاشتکار برادریوں میں وسیع پیمانے پر اپنانے کے لیے ان کا مظاہرہ کیا گیا ہے۔

یہ معلومات زراعت اور کسانوں کی بہبود کے مرکزی وزیر جناب نریندر سنگھ تومر نے آج لوک سبھا میں ایک تحریری جواب میں دی۔

 

*********************

 

(ش ح ۔  ا م)

U.No. 3118

(Release ID: 1909476) Visitor Counter : 267