جل شکتی کے وزیر مملکت جناب بشویشور ٹوڈو نے آج راجیہ سبھا میں ایک تحریری جواب میں  یہ معلومات  دی ہے کہ ان کی  وزارت تکنیکی مدد فراہم کرتی ہے اور، بعض صورتوں میں، اپنی موجودہ اسکیموں کے تحت، آبپاشی کے منصوبوں کے لیے جزوی مالی امداد فراہم کرتی ہے۔ تاہم، موجودہ آبپاشی پراجکٹس کی توسیع، تزئین و آرائش اور جدید کاری(ای آر ایم) سمیت آبپاشی کے منصوبوں کی منصوبہ بندی، عمل آوری اور فنڈنگ کا کام متعلقہ ریاستی حکومت کو اپنی ترجیحات، وسائل کی دستیابی وغیرہ کے مطابق کرنا ہے۔

اس سلسلے میں حکومت ہند کی طرف سے کئے جانے والے کچھ اقدامات ذیل میں دیئے گئے ہیں:

پردھان منتری کرشی سنچائی یوجنا(پی ایم کے ایس وائی)) حکومت ہند کی طرف سے 2016-2015  کے دوران شروع کی گئی ہے جس کا مقصد کھیتوں میں مطلوبہ مقدار میں  پانی کی فراہمی  میں اضافہ کرنا اور یقینی آبپاشی کے تحت قابل کاشت رقبہ کو بڑھانا، کھیتی کے پانی کے استعمال کی کارکردگی کو بہتر بنانا، پانی کے تحفظ کے پائیدار طریقوں کو متعارف کرانا وغیرہ ہے۔ پی ایم کے ایس وائی کے ایکسلریٹڈ ایریگیشن بینیفٹ پروگرام(اے آئی بی پی) جزو کے تحت، بڑے اور درمیانے آبپاشی کے منصوبوں کے نفاذ کے ساتھ ساتھ موجودہ بڑے اور درمیانے آبپاشی کے منصوبوں کے ای آر ایم کے لیے مالی امداد، اسکیم کے اصولوں کے مطابق فراہم کی جا رہی ہے۔ مزید برآں، موجودہ بڑے اور درمیانے آبپاشی کے منصوبوں کے ای آر ایم کو ترجیح دینے کے لیے، پی ایم کے ایس وائی۔ اے آئی بی پی کے تحت شمولیت کے لئے مطلوبہ  اہلیت کے طور پر 50فیصد حقیقی پیش رفت  کے  پیشگی مرحلے کے معیارکا  ضروری ہونا، ان منصوبوں کے لیے لاگو نہیں ہوتا ہے۔

پی ایم کے ایس وائی ۔ ہر کھیت کو پانی  کے ذیلی جزو آبی ذخائر کی مرمت، تزئین و آرائش اور بحالی کے تحت، شناخت شدہ آبی ذخائر کی مرمت، تزئین و آرائش اور بحالی کے لیے متعلقہ ریاستی حکومتوں کو مرکزی مدد فراہم کی جا رہی ہے۔ شناخت شدہ آبی ذخائر میں روایتی آبی ذخائر بھی شامل ہیں جن کے ذریعے آبپاشی کے دیسی نظام نافذ کیے گئے ہیں۔

2016 میں پی ایم کے ایس وائی کے آغاز کے ساتھ، اے آئی بی پی کے تحت مالی امداد کے لیے 99 ترجیحی پروجیکٹس کو ان کے کمانڈ ایریا کی ترقی اور پانی کے انتظام کے کاموں کے ساتھ شامل کیا گیا تھا۔ ان میں سے سات منصوبے توسیع، تزئین و آرائش اور جدید کاری(ای آر ایم) منصوبے ہیں۔ مزید، دو مزید ای آر ایم پروجیکٹس، آسام کے سکلا آبپاشی پروجیکٹ اور منی پور کی لوکتک لفٹ اریگیشن اسکیم ( فیز -I) کو بالترتیب 2022-2021  اور 2023-2022  میں پی ایم کے  ایس وائی۔ اے آئی بی پی کے تحت مالی امداد کے لیے شامل کیا گیا ہے۔ ان ای آر ایم  منصوبوں کی تفصیلات ذیل میں دی گئی ہیں۔

 

پی ایم کے  ایس وائی۔ اے آئی بی پی  کے تحت مالی امداد کے علاوہ، سرہند فیڈر اور پنجاب کے راجستھان فیڈر کی ریلائننگ کے لیے جزوی مالی امداد نومبر 2018 میں حکومت ہند کی طرف سے منظور کی گئی ہے جس کی تخمینہ لاگت  1,976.75کروڑ روپے ہے۔982کروڑ روپے کی کل مرکزی امداد  کی مد د میں  اب تک تقریباً 448.29 کروڑ روپے جاری کیے گئے ہیں اور 0.77 لاکھ ہیکٹر آبپاشی کی صلاحیت کو مستحکم کیا گیا ہے۔

مزید برآں ، 1,134 آبی ذخائر کو بحال کیا گیا ہے اور 2022- 2016  کے دوران  پی ایم کے ایس وائی  ہر کھیت کو پانی پروگرام  کے آبی اداروں کے ذیلی اجزاء کے آر آر آر کے تحت مالی امداد فراہم کیے جانے والے آبی اداروں میں 0.84 لاکھ ہیکٹر آبپاشی کی صلاحیت پیدا کی گئی ہے۔

*************

ش ح ۔س ب ۔ رض

U. No.3045

(Release ID: 1909073)