কেন্দ্রগী বজেত ২০২২-২৩দা অনৌবা কেন্দ্রগী স্কিম অমা ওইনা প্রাইম মিনিস্তরস দিবলপমেন্ত ইনিসিএতিপ ফোর নোর্থ ইস্ত রিজন(পি এম-দিভাইন)স্কিম লাউথোক্লে। মন্ত্রীমন্দলনা ওক্তোবর ১২,২০২২ দা পি.এম-দিভাইন স্কিম অয়াবা পীখ্রে। কেন্দ্রনা চাদা ১০০ পুথোকপা স্কিম অসিগীদমক চহি ৪ গী মনুং হায়বদি ২০২২-২৩দগী ২০২৫-২৬গী ওইনা (১৫শুবা ফাইনান্স কম্মিসনগী লেমহৌরিবা চহিশিং)লুপা করোর ৬,৬০০গী অপুনবা শেনফম অমা খাক্তুনা থম্লগনি।

পি.এম-দিভাইন স্কিমগী পান্দমদি: (১) পি.এম গাতিশক্তিগী ৱাখল্লোন্দা ফন্দ ইনফ্রাস্ত্রকচর পুনশিনবা;(২) অৱাং-নোংপোক লমদমগী দরকার ওইবশিংদা য়ুম্ফম ওইরগা খুন্নাই চাউখৎনবা প্রোজেকশিং মতেং পাংবা;(৩) নহারোলশিং অমসুং নুপীশিংদা হিংনবা লম্বী পীবা; অমসুং(৪) তোঙান-তোঙানবা হিরমশিংদা চাউখৎ-থৌরাংগী অৱাৎপা লৈরিবশিং মেনশিনবা। পি.এম-দিভাইন স্কিম অসি হৌজিক পায়খৎলিবা কেন্দ্র অমসুং রাজ্যগী স্কিমশিংগী মহুৎ অমা নত্তে। মসিনা নহারোলশিং অমসুং নুপীশিংগী হিংনবা লম্বী শেম্বা, ইনফ্রাস্ত্রকচর শেমগৎপা, উদোগ মতেং পাংবা অমসুং খুন্নাই চাউখৎনবা প্রোজেকশিং পায়খৎপদা মাংজিল থাদুনা শেন্থোক লৈহনবা অমসুং থবক পীনবা হোৎনগনি।

 

নোর্থ ইস্তর্ন কাউন্সিল নত্ত্রগা সেন্ত্রেল মিনিস্ত্রিশিং/এজেন্সিশিং নত্ত্রগা রাজ্য সরকারগী এজেন্সিশিংগী খুৎথাংদা দোনর মিনিস্ত্রিনা পি.এম-দিভাইন স্কিম থবক ওইনা পায়খৎকনি। মতম য়াম্না চঙবা অমসুং শেন চঙবা হেনগৎলকপা ঙাকথোক্নবা, প্রোজেকশিং ইঞ্জিনিয়ারিং-প্রোকিউয়রমেন্ত-কন্সত্রক্সন(ইপিসি)দা য়ুম্ফম ওইরগা প্রোজেকশিং পায়খৎকনি। পি.এম-দিভাইন প্রোজেকশিং মতম কুইনা চৎনবা  থবকশিং ওপরেসন এন্দ মেন্তেনেন্স(ও এন্দ এম)গী মতিক চাবা থৌরাং পায়খৎকনি। মসিনা দোনর মিনিস্ত্রিগী অতোপ্পা স্কিমশিং নত্ত্রগা অতোপ্পা মিনিস্ত্রিশিং/দিপার্তমেন্তশিংগী স্কিমশিংগা চপ মান্ননা পায়খৎমিন্নবা লৈহল্লোই।

 

বজেত ২০২২-২৩দা লাউথোকখিবা প্রোজেক ৬ অদু য়াওনা, শেনবা চহি ২০২২-২৩গী প্রোজেক ১১(অকুপ্পা মরোলশিং এন্নেক্সর-১) সেঙ্কসন তৌনবা খল্লে।

অৱাং-নোংপোক লমদমগী চাউখৎ-থৌরাংগী থবকশিংগী মতাংদা মার্চ ১৬,২০২৩দা রাজ্য সভাদা হংলকপা অনস্তার ক্বেসন নম্বর ১৭৭৯গী পাউখুমগী এন্নেক্সর-১দগী পার্ত(এ দগী সি)
সেরিএল নম্বর	প্রোজেক মমিং	অয়াবা পীরবা শেনফম (লুপা করোর)
১	অৱাং-নোংপোক ভারত্তা অঙাং অমসুং অহলগী হেমাতোলিমফোইদ কেন্সরশিং লায়য়েংনবা গুৱাহাতিগী দোক্তর বি.বরুৱা কেন্সর ইন্সতিতুৎ(বি সি সি আই)দা অখন্নবা খুদোংচাবশিং ফংহনবা	১২৯.০০
২	নেক্তার লাইফলিহুদ ইমপ্রুভমেন্ত প্রোজেক(মল্তি-স্তেৎ): কান্নবা পোৎলমশিং পুথোক্নবা লফু শীজিন্ননবা ভেলু চেন শেম্বা	৬৭.০০
৩	লৌমীশিং ত্রেনিং পীদুনা সর্তিফিগেদ পীনবা খুদোংচাবা পীদুনা অফবা লৌউ পথাপ অমসুং দিজিতেল দেতা মেনেজমেন্ত শীজিন্নদুনা অৱাং-নোংপোক লমদমদা সাইন্তিফিক ওইনা ওর্গনিক লৌউ মখল য়োকখৎপা	৪৫.০০
৪	মিজোরমদা নোংচুপ থংবা শরুক্তা আইজোল বাই-পাস শেমগৎপা	৫০০.০০
৫	মিজোরমদা লুপা করোর ৩৩.৫৮ চঙনা তুইরিএল এয়রফিল্দদগী নোর্থ চাললাং(কিমি ১৮)ফাওবা; লুপা করোর ৬৬.৪২ চঙনা লেংপুইদগী সাইফাল বেম্বু প্লান্তেসন(কিমি ৪১)ফাওবা বেম্বু লিঙ্ক রোদ শেমগৎপা অমসুং ফগৎহনবা	১০০.০০
৬	ৱেস্ত সিক্কিমদা পেল্লিংদগী শঙ্গা-চোইলিং ফাওবা পেসেঞ্জর রোপৱে সিস্তেমগী অৱাৎপা শেনফম পীবা	৬৪.০০
৭	সাউথ সিক্কিমদা ধাপ্পারদগী ভালেদুঙ্গা ফাওবা পেসেঞ্জর রোপৱে সিস্তেমগী অৱাৎপা শেনফম পীবা	৫৮.০০
৮	অসামগী কামরুপ জিলাদা অসাম সরকারগী পি.দব্লিউ.দিনা স্কুল ২০ সেন্তর ওফ এক্সলেন্স ওন্থোকপা	১৩২.৮৬
৯	মেঘালয় সরকারগী অর্বান এফেয়ার্স দাইরেক্তোরেতনা নিউ শিল্লোং তাউন্সিপতা অনৌবা লেন-৪গী লম্বী শেমগৎপা অমসুং হৌজিক লৈরিবা লেন-২গী লম্বী সাইকল লম্বী, য়ুতিলিতি দকশিং অমসুং খোঙলম্বীশিং য়াওনা লেন-৪দা শেমগৎপা	১৪৬.৭৯
১০	নাগালেন্দ সরকারগী অন্দর দিবলপ এরিয়াস দিপার্তমেন্তনা হিংনবা লম্বীগা মরী লৈনবা প্রোজেকশিং নোংপোক থংবা নাগালেন্দদা পায়খৎপা	১৮০.০০
১১	ত্রিপুরাগী মনুং হুঞ্জিনবা মফমশিংদা মৈ পীনবা ত্রিপুরা সরকারগী পৱার দিপার্তমেন্তনা সোলার মাইক্রো গ্রিদ লিংখৎপা	৮০.৭৯
	অপুনবা	১৫০৩.৪৪

 

ৱাফম অসি ঙসি রাজ্য সভাদা অইবা ওইনা পীবা পাউখুম অমদা দিবলপমেন্ত ওফ নোর্থ ইস্তর্ন রিজন মিনিস্ত্রিগী মিনিস্তর শ্রী জি.কিসন রেদ্দিনা ফোঙদোকখিবনি।

*****

(Release ID: 1907824) Visitor Counter : 113