ہاؤسنگ اور شہری امور کی وزارت (ایم او ایچ یو اے) 25.06.2015 سے پردھان منتری آواس یوجنا - شہری (پی ایم اے وائی-یو) کو نافذ کر رہی ہے تاکہ ملک بھر کے تمام اہل شہری مستفیدین کو بنیادی سہولیات کے ساتھ پکے مکان فراہم کیے جا سکیں۔ پی ایم اے وائی-یو مطالبہ پر مبنی نقطہ نظر کو اپناتا ہے جس میں ریاستوں/ مرکز زیر انتظام علاقوں (یو ٹی) کو اہلیت کے معیار پر مبنی مطالبہ سروے کے ذریعے ان کے ذریعہ شناخت شدہ مستفیدین کے لیے ایم او ایچ یو اے کو منصوبوں کی سفارش کرنے کا اختیار دیا گیا ہے۔ اس اسکیم کو چار شکلوں کے ذریعے لاگو کیا جا رہا ہے، یعنی بینیفشری لیڈ کنسٹرکشن (بی ایل سی)، پارٹنرشپ میں سستی رہائش (اے ایچ پی)، ان سیتو سلم ری ڈیولپمنٹ (آئی ایس ایس آر) اور کریڈٹ لنکڈ سبسڈی اسکیم (سی ایل ایس ایس)۔

حکومت ہند ریاستوں/ مرکز زیر انتظام علاقوں کی نفاذی ایجنسیوں کے ذریعہ تیار کردہ پروجیکٹ لاگت کے ساتھ تفصیلی پروجیکٹ رپورٹس (ڈی پی آر) پر مبنی تجاویز کو منظوری دے رہی ہے۔

حکومت ہند آئی ایس ایس آر کے تحت 1.0 لاکھ روپے کی مرکزی امداد کے طور پر اپنا مقررہ حصہ فراہم کر رہی ہے، 1.5 لاکھ اے ایچ پی اور پی ایم اے وائی-یو کی بی ایل سی شکلوں کے لیے۔ پی ایم اے وائی-یو کے سی ایل ایل ایس ایس کے تحت، اقتصادی طور پر کمزور طبقوں (ای ڈبلیو ایس) اور کم آمدنی والے گروپ (ایل آئی جی) زمرے کے مستفیدین کے لیے 6.5 فیصد کی شرح سے سود کی سبسڈی جو فی گھر 2.67 لاکھ روپے تک ہوتی ہے۔ ڈی پی آر کے مطابق مکان کی بقیہ قیمت ریاستوں/ مرکز زیر انتظام علاقوں/ شہری مقامی اداروں/ مستفیدین کے ذریعے بانٹی جاتی ہے۔

اسکیم کے رہنما خطوط کے مطابق، مختلف حصوں کے تحت مرکزی امداد ریاستوں/یو ٹی/مرکزی نوڈل ایجنسیوں کو ان کی طرف سے جمع کردہ تعمیل کی بنیاد پر جاری کی جاتی ہے۔ مزید برآں، ریاستوں/یو ٹی/عمل درآمد کرنے والی ایجنسیوں کے ذریعے بی ایل سی/اے ایچ پی/آئی ایس ایس آر کے تحت فائدہ اٹھانے والوں کو سبسڈی کی تقسیم (بشمول مرکزی اور ریاستی اجزا) منصوبوں/مکانوں کی طبعی اور مالیاتی پیش رفت پر منحصر ہے۔

ای ڈبلیو ایس/ایل آئی جی کے لیے سی ایل ایس ایس 31.03.2022 تک کام کر رہا تھا اور بنیادی قرض دینے والے اداروں (پی ایل آئی) کو 31.03.2022 تک تمام اہل دعوے اپ لوڈ کرنے تھے۔ سی این اے سے موصول ہونے والی درخواست کے بعد، سی این اے پورٹل پر دعووں کو اپ لوڈ کرنے کی آخری تاریخ 30.06.2022 تک بڑھا دی گئی تاکہ کسی بھی اہل مستفید کو سود کی سبسڈی سے انکار نہ کیا جائے۔ اس کے مطابق، سی این اے کو ای ڈبلیو ایس/ایل آئی جی کے لیے سی ایل ایس ایس کے تحت سی این اے پورٹل پر اپ لوڈ کیے گئے زیر التوا دعووں کو ختم کرنے کے لیے موجودہ مالی سال کے دوران مانگ کے مطابق فنڈز جاری کیے گئے ہیں۔

ہاؤسنگ اور شہری امور کے وزیر مملکت جناب کوشل کشور نے آج لوک سبھا میں ایک تحریری جواب میں یہ معلومات فراہم کی۔

**************

ش ح۔ ف ش ع-م ف

U: 2841

(Release ID: 1907778) Visitor Counter : 370