جل شکتی کے وزیر مملکت جناب پرہلاد سنگھ پٹیل نے آج راجیہ سبھا میں ایک تحریری جواب میں  بتایا کہ 2024 تک ملک کے ہر دیہی گھرانے کو نلکے کے پانی کے کنکشن کے ذریعہ پینے کے پانی کی یقین دہانی کرانے کے قابل بنانے کے لیے، حکومت ہند ریاستوں کے ساتھ مل کر جل جیون مشن (جےجے ایم) - ہر گھر جل کو اگست 2019 سے نافذ کر رہی ہے۔ پانی ریاست کا موضوع ہے۔ پانی کی فراہمی کی اسکیموں کی منصوبہ بندی، منظوری، نفاذ اور ان کو چلانے اور برقرار رکھنے کی ذمہ داری ریاستوں کی ہے۔ اگست 2019 میں جل جیون مشن کے اعلان کے وقت، 3.23 کروڑ (17 فیصد) دیہی گھرانوں میں نل کے پانی کے کنکشن ہونے کی اطلاع تھی۔ اب تک، جیسا کہ ریاستوں/ مرکز کے زیر انتظام علاقوں کی طرف سے 09.03.2023 کو اطلاع دی گئی ہے،جے جے ایم  کے تحت پچھلے ساڑھے تین سالوں میں اضافی 8.15 کروڑ دیہی گھرانوں کو نل کے پانی کے کنکشن فراہم کیے گئے ہیں۔ اس طرح، 09.03.2023 تک، ملک کے 19.42 کروڑ دیہی گھرانوں میں سے، 11.38 کروڑ (58 فیصد) سے زیادہ گھرانوں کے گھروں میں نل کے پانی کی فراہمی کی اطلاع ہے۔

پورے ملک میں جے جے ایم کے ہدف کو تیزی سے حاصل کرنے کے لیے، ریاستوں/ مرکز کے زیر انتظام علاقوں کو مشن کی مدت کے اندر کوریج کو یقینی بنانے کے لیے کئی اقدامات کیے گئے ہیں، منجملہ دیگر باتوں کے ریاستوں /مرکز کے زیرانتظام علاقوں کا مشترکہ بحث اور سالانہ ایکشن پلان (اے اے پی) کو حتمی شکل دینا۔  عمل آوری کا باقاعدہ جائزہ، صلاحیت کی تعمیر اور علم کے اشتراک کے لیے ورکشاپس/ کانفرنسیں/ ویبینار، تکنیکی مدد فراہم کرنے کے لیے کثیر الشعبہ ٹیم کے فیلڈ وزٹ وغیرہ۔ جے جے ایم  کے نفاذ کے لیے ایک تفصیلی آپریشنل گائیڈ لائن؛ دیہی گھرانوں میں پینے کے صاف پانی کی فراہمی کے لیے گرام پنچایتوں اور وی ڈبلیو ایس سیز کے لیے مارگ درشیکا اور آنگن واڑی مراکز، آشرم شالوں اور اسکولوں میں پائپ کے ذریعے پانی کی فراہمی کی خصوصی مہم کے لیے رہنما خطوط ریاستوں/ مرکز کے زیر انتظام علاقوں کے ساتھ شیئر کیے گئے ہیں تاکہ جل جیون مشن کی منصوبہ بندی اور عمل آوری میں آسانی ہو۔ آن لائن نگرانی کے لیے، جے جے ایم -انٹیگریٹڈ مینجمنٹ انفارمیشن سسٹم (آئی ایم آئی ایس) اور جے جے ایم -ڈیش بورڈ کو عمل میں لایا گیا  ہے۔ پبلک فائنانشیل مینجمنٹ سسٹم (پی ایف ایم ا یس) کے ذریعے شفاف آن لائن مالیاتی انتظام کے لیے بھی انتظام کیا گیا ہے۔ کاموں کی بروقت تکمیل کے لیے ریاستوں کو کافی فنڈز بھی فراہم کیے جا رہے ہیں۔

پانی کے دباؤ والے، خشک سالی کے شکار اور صحرائی علاقوں میں پینے کے پانی کے قابل اعتماد ذرائع کا فقدان، زمینی پانی میں جیو جینک آلودگیوں کی موجودگی، ناہموار جغرافیائی خطہ، بکھرے ہوئے دیہی رہائش گاہوں وغیرہ اور خاص طور پر کچھ ریاستوں میں مماثل ریاستی حصہ کی رہائی میں تاخیر خاص طور پر کووڈ۔ 19 وبائی امراض کے بعد، ریاستوں کو مشن کے نفاذ میں درپیش چند مسائل ہیں۔

پانی ریاست کا موضوع ہونے کے ناطے پانی کی فراہمی کی اسکیموں کی منصوبہ بندی کرنے، منظوری دینے، نافذ کرنے اور چلانے اور برقرار رکھنے کا اختیار ریاستوں کے پاس ہے۔ اس طرح، شکایات/اعتراضات وغیرہ کو متعلقہ ریاست/مرکز کے زیرانتظام علاقہ میں دور کیا جاتا ہے۔چنانچہ  موصول ہونے والی شکایات متعلقہ ریاستی حکومت کو ضروری کارروائی کے لیے بھیجی جاتی ہیں۔

**********

 

ش ح۔ ک ا۔ ف ر

U. No.2669

(Release ID: 1906692)