রিজন অসিগী অপুনবা চাউখৎ-থৌরাংগীদমক অসাম য়াওনা নোর্থ ইস্তর্ন রিজন (এন.ই.আর.)দা সেন্ত্রেল সেক্তর অসুং সেন্ত্রেল্লী স্পোন্সর্দ স্কিমশিংগীদমক মখোয়গী গ্রোস বজেতরী সপ্পোর্ত (জি.বি.এস.)কী য়ামদ্রবা ১০% নন-একজেম্পতেদ কেন্দ্রগী মন্ত্রালয়/বিভাগ য়াংখৈ মঙানা শুকশোই শোইদনা চাদিং তৌগদবনি। জি.বি.এস. ১০%গী মখাদা শেনবা চহি ২০১৪-১৫দগী হৌদুনা কেন্দ্রগী মন্ত্রালয়শিং/বিভাগশিংনা লুপা করোর লাখ ৩.৮৪ চাদিং তৌখি। শেনবা চহি ২০১৪-১৫দগী হৌদুনা জি.বি.এস. ১০%গী মখাদা বজেৎ এস্তিমেৎশিং, রিভাইস এস্তিমেৎশিং, অমসুং একচুএল এক্সপেন্দরচরগী চহি-চহিগী ওইবা অকুপ্পা ৱারোলশিং মখাগী তেবল ১দা পীরি:

নোর্থ ইস্তর্ন রিজন (এন.ই.আর.)দা লৈরিবা মরী লৈনবা কেন্দ্র মন্ত্রালয়শিং অমসুং বিভাগশিং তোঙান-তোঙানবা ইনফ্রাস্ত্রকচর দিবেলপমেন্ত প্রোজেক্তশিং অদুদা পীরিবশিং অসি য়াওরি:

রোদ কন্নেক্তিবিতী: এন.ই.আর.দা হৌজিক চত্থরিবা মরু ওইবা কেপিতেল রোদ কন্নেক্তিবিতী প্রোজেক্তশিংদা নাগালেন্দদা দিমাপুর-কোহিমা রোদ লেন ৪ ওনবা (কিমি ৬২.৯); অরুনাচল প্রদেশতা নাগাও বাইপাসতগী হোলোঙ্গি লেন ৪ ওনবা (কিমি ১৬৭); সিক্কিমদা বাগ্রাকোতেদগী পাকয়োং ফাওবগী অলতর্নেৎ তু-লেন হায়ৱে (এন.ঐচ.-৭১৭এ) (কিমি ১৫২); মিজোরামদা আইজোল-তুইপাং এন.ঐচ.-৫৪ (কিমি ৩৫১)গী লেন ২ ওনবা; মনিপুরদা এন.ঐচ -৩৯গী ইম্ফাল-মোরেহ সেক্সন লেন ৪ ওনবা (কিমি ২০) অমসুং কিমি ৭৫.৪গী লেন ২ ওনবা য়াওরি। হৌখিবা চহি ৭তা (দিসেম্বর ২০২২ ফাওবদা) এন.ই.আর.দা রোদ ত্রান্সপোর্ত অমসুং হায়ৱে মন্ত্রালয়না পুন্না কিমি ৪১২১গী রোদ প্রোজেক্তশিং লোইশিনবা ঙমখি। কিমি ৭৫৪৫ শংবা লুপা করোর ১,০৫,৫১৮গী শেনফম ওইবা প্রোজেক্তশিং হৌজি পাইখৎলি।

এয়র কন্নেক্তিবিতী: নোর্থ ইস্তর্ন রিজন্দা এয়রপোর্ত ১৭ ওপরেস্নেল ওইহনখ্রে। হন্দক্তা দোনয়ি পোলো এয়রপোর্ত (হান্না হোলোঙ্গি এয়রপোর্ত কৌরম্বা) অসি অরুনাচল প্রদেশতা শঙ্গাখি। অরুনাচল প্রদেশকী তেজুদা অনৌবা গ্রীনফিল্দ এয়রপোর্তশিং; অসামদা দিব্রুগর, গুৱাহাতি অমসুং সিলচর এয়রপোর্তশিং; মনিপুরদা ইম্ফাল এয়রপোর্ত; মেঘালয়দা বারাপানি এয়রপোর্ত; অমসুং ত্রিপুরাদা অগরতলা এয়রপোর্ত শেমগৎপগী থবক চত্থরি।

রেল কন্নেক্তিবিতী: ২০১৪-১৫দগী হৌজিক ফাওবদা এন.ই.আর.দা লুপা করোর ১৯৮৫৫ ওইবা কিমি ৮৬৪.৭ শাংবা অনৌবা প্রোজেক্তশিং সেঙ্কসন তৌখি। হৌজিক ফাওবদা অনৌবা লাইনশিং লোয়ননা দবলিংগীদমক কিমি ২,০১১ শাংবা লুপা করোর ৭৪,৪৮৫ ওইবা প্রোজেক্ত ২০ প্লান্নিং/এপ্রুবেল/একজিক্যুসনগী তোঙান-তোঙানবা থাকশিংদা লৈদুনা নোর্থ ইস্তর্ন রিজন্দা পাইখৎলি। মসিগী মনুংদা কিমি ৩২১ শাংবা অসি কম্মিসন তৌখ্রে অমসুং লুপা করোর ২৬,৮৭৪ চাদিং তৌখ্রে।

ৱাতরৱে কন্নেক্তিবিতী: ১৯৮৮দা তুরেল ব্রহ্মপুত্রগী ধুব্রি (বাংলাদেশ ঙমখৈ)দগী সাদিয়া (কিমি ৮৯১) অসি নেস্নেল ৱাতরৱে-২ (এন.দবল্যু. ২) হায়না লাউথোকখি। মথৌ তাবা অরুবা অমদি অপাকপা, অয়ুক নুমিদাংগী নেবিগেসন এদশিং অমসুং তর্মিনেলশিংগী ফিয়রৱেগা লোয়ননা ৱাতরৱে অসি শেমগৎলি। চহি মঙাগী মনুংদা ফেসিলিতীশিং অসি শেম্বা অমসুং প্লান তৌবদা লুপা করোর ৪৬১ চংগনি। বরাক তুরেল অসি ২০১৬তা নেস্নেল ৱাতরৱে-১৬ (এন.দবল্যু -১৬) হায়না লাউথোকখি। মসিনা ইন্দো-বাংলাদেশ প্রোতোকোল (আই.বি.পি.) রুৎকী খুত্থাংদা হল্দিয়া অমসুং কোলকাতা পোর্তশিংগা লোয়ননা অসামগী সিলচর, করিমগঞ্জ, অমসুং কচার ভেলীগী বাদরপুরগা শম্নহল্লি। চহি মঙাগী মনুংদা ফেসিলিতীশিং অসি শেম্বা অমসুং প্লান তৌবদা লুপা করোর ১৪৫ চংগনি।

তেলিকোম কন্নেক্তিবিতী: তেলিকম্ম্যুনিকেসন্স বিভাগনা রিজন  অসিদা তেলিকোম কন্নেক্তিবিতী মপাঙ্গল কনখৎহন্নবগীদমক অৱাং নোংপোক থংবা রাজ্যশিংদা প্রোজেক্ত কয়ামরুম পাইখৎলি, মসিদা য়াওরিবশিং অদুদি (i) নেস্নেল হায়ৱেগা লোয়ননা অসাম, মনিপুর, মিজোরাম, নাগালেন্দ, ত্রিপুরা, সিক্কিম অমসুং অরুনাচল প্রদেশকী কবর তৌদ্রিবা খুঙ্গংশিংদা অপনবা লৈতনা মোবাইল সর্ভিসশিংগী কবরেজ পীনবা; (ii) মেঘালয়দা অমসুং নেস্নেল হায়ৱেশিংদা ৪জি মোবাইল কন্নেক্তিবিতী ফংহনবা; (iii) অরুনাচল প্রদেশ অমসুং অসামগী জিলা ২দা মোবাইল কন্নেক্তিবিতী ফংহনবা; (iv) নোর্থ ইস্তর্ন রিজনদা খুঙ্গংগী পঞ্চায়ৎশিংগীদমক ভারত নেৎ অমসুং ৱাই-ফাই কন্নেক্তিবিতী; অমসুং (v) কোক্স বাজরগী খুত্থাংদা বাংলাদেশকী বি.এস.সি.সি.এল.দগী অগরতলা ফাওবগী ইন্তর্নেৎ কন্নেক্তিবিতীগীদমক ১০ জি.বি.পি.এস. ইন্তর্নেস্নেল বান্দৱাইদ হায়র তৌবা। অৱাং নোংপোক্কী রাজ্যশিংদা খুঙ্গং ১,২৪৬ কোনশিন্দুনা তাৱর ১,৩৫৮ ইন্সতোল তৌদুনা সর্ভিসশিং ফংহল্লি।

পাৱর কন্নেক্তিবিতী: অৱাং নোংপোক্কী রাজ্যশিংদা ২০১৪দগী হৌদুনা পাৱর জেনরেসন (হাইদ্রো/থরমেল) প্রোজেক্তশিং পাইখৎখি। মখা তানা অৱাং নোংপোক্কী রাজ্যশিংদা ত্রান্সমিসন অমসুং দিস্ত্রিব্যুসন নেৎৱারশিং মপাঙ্গল কনখৎহনখি। অৱাং নোংপোক্কী রাজ্যশিংদা পুন্না এম.দবল্যু. ৭৪০ ওইবা হাইদ্রো ইলেক্ত্রিক প্রোজেক্ত ০১ (এম.দবল্যু. ২৫গী মথক) পাইখৎলি। ১৪.০২.২০১৮দা এম/এস. অসাম পাৱর জেনরেসন কোর্পোরেসন লিমিতেদনা এম.দবল্যু ৬৯.৭৫৫কী কেপাসিতীগী লাখৱা রিপ্লেসমেন্ত পাৱর প্রোজেক্ত কৌবা অসামদা গ্যাস বেজ পাৱর প্রোজেক্ত অমা কম্মিসন তৌখি। মখা তানা ভারত সরকারনা অৱাং নোংপোক্কী রাজ্যশিং য়াওনা রাজ্যশিংদা তোঙান-তোঙানবা স্কিমশিং হৌদোকখি। অৱাং নোংপোক লমদমদা ত্রান্সমিসন নেৎৱার্ক মপাঙ্গল কনখৎহন্নবা, ইন্তর-স্তেৎ ত্রান্সমিসন প্রোজেক্তশিং পাইখৎলি মসিদা অনৌবা ত্রান্সমিসন লাইনশিং, হান্না লৈবা সবস্তেসনশিং এক্সতেন্সন/অপগ্রেদেসন তৌবা, ত্রান্সফোর্মেসন কেপাসিতী চাউখৎহনবা, ত্রান্সমিসন লাইনশিং রিকন্দক্তরিং তৌবা অসিনচিংবা য়াওরি। পাৱর গ্রিদ কোর্পোরেসন ওফ ইন্দিয়া লিমিতেদনা মরু ওইবা ইন্ত্রা স্তেৎ পাৱর ত্রান্সমিসন অমসুং দিস্ত্রিব্যুসন স্কিম অনি পাইখৎলি, মখোয় অদুদি  (i) লুপা করোর ৬,৭০০ ওইবা ইন্ত্রা স্তেৎ ত্রান্সমিসন এন্দ দিস্ত্রিব্যূসন সিস্তেম মপাঙ্গল কনখৎহন্নবা রাজ্য তরুক (অসাম. মনিপুর, মেঘালয়, মিজোরাম, ত্রিপুরা অমসুং নাগালেন্দ) গী নোর্থ ইস্তর্ন রিজন পাৱর সিস্তেম ইমপ্রুমেন্ত প্রোজেক্ত (ii) লুপা করোর ৯,১২৯.৩২গী অরুনাচল প্রদেশ অমসুং সিক্কিমগী কমপ্রিহেন্সিব স্কিম ফোর স্ত্রেন্থনিং ওফ ত্রান্সমিসন এন্দ দিস্ত্রিব্যুসন সিস্তেম।

মরী লৈনবা কেন্দ্রগী মন্ত্রালয়শিং/বিভাগশিংগী চৎনরিবা স্কিম গাইদলাইনশিংগী মতুং ইন্না অয়াবা লৌরবা মতুংদা ইনফ্রাস্ত্রকচর দিবেলপমেন্ত প্রোজেক্তশিং সেঙ্কসন তৌখি। প্রোজেক্তশিং অসিগি লোইশিন্নবগী থারিবা মতম অসি প্রোজেক্তকী সাইজ, লোকেসন, সেক্তরগী মখা পোল্লি। মসিগী মথক্তা এম.দোনর অসুং এন.ই.সি.গী স্কিমশিংগী মখাদা তোঙান-তোঙানবা ইনফ্রাস্ত্রকচর প্রোজেক্তশিং অসি অসাম য়াওনা অৱাং নোংপোক্কী রাজ্যশিংদা ইমপ্লিমেন্ত তৌরি। হৌখিবা চহি নিপাল (২০১৪-১৫ অমসুং ২০২১-২০২২)গী মনুংদা অসাম য়াওনা এন.ই.আর. রাজ্যশিংদা এমদোনর অমসুং এন.ই.সি.গী স্কিমশিংগী মখাদা লুপা করোর ১৫,৩৭৫ রোম ওইবা প্রোজেক্ত ১,১৯৫ সেঙ্কসন তৌখি।

এন.ই. রাজ্যশিংনা পীখৎলকখিবা প্রোজেক্ত প্রপোজেলশিং অসি পীরিবা স্কিম গাইদলাইনশিংগী মতুং ইন্না এম.দোনর/এন.ই.সি.গী স্কিমশিংগী মখাদা নফন্দিং তৌনবা খন্নখি। প্রপোজেলশিং অসি চৎনবা য়াবা মতমগী মনুংদা নীংথিনা শেমদোক্লবা প্রোসেস অমগী মখাদা মন্ত্রালয়/এন.ই.সি.না ফংলবা মতমদা অয়াবা পীগনি। মহৌশানা এমদোনর অমসুং এন.ই.সি.না ইমপ্লিমেন্ত তৌখিবা তোঙান তোঙানবা স্কিমশিংগী মখাদা প্রোজেক্তশিং লোইশিনবগী তার্গেৎ থমখিবা তাং অসি সেঙ্কসন তৌখিবগী তাংদগী চহি ২-৩ ওইরি।

ই-পাউ অসি অৱাং নোংপোক লমদমগী চাউখৎ থৌরাং মন্ত্রী, শ্রী জি কিশন রেদ্দীনা ঙসি লোক সভাদা অইবা পাউখুম পীখিবনি।

*****