মিজোরমগী আইজোলদা চৎথরকপা অৱাং-নোংপোক ভারতকী নুমিৎ হুম্নিগী বি-২০ কনফরেন্স ঙসি মার্চ ৩,২০২৩দা লোইনশিনখ্রে। মীফম অসি জি-২০ দাইলোগ ফোরমগী শরুক অমা ওইনা অৱাং-নোংপোক্তা পাংথোক্কদবা বি-২০ কনফরেন্স মরীগী মনুংদা অনিশুবা কনফরেন্সনি।

কনফরেন্স অদুদা মপান লৈবাক ১৭গী দেলিগেদ ৩৮ অমসুং ভারতকী দেলিগেদ ১২৪ শরুক য়াখি। থৌরম অদুদা য়ু.এস.এ, চাইনা, কনাদা, ফ্রান্স, জর্মনি, জপান, রুসিয়া, আর্জেন্তিনা, খা অফ্রিকা, বাংলাদেস, নেপাল, ভুতান, শ্রী লঙ্কা, ঘনা, জিমবাবৱে, কোত দি আইভোরে, কোস্তা রিকাগী দেলিগেদশিং শরুক য়াখি।

আইজোলগী অসাম রাইফলস গ্রাউন্দদা পাংথোকখিবা চাপচার কুত কুহ্মৈদা উৎখিবা মিজোরমগী কলচর হেরিতেচনা দেলিগেদশিংগী পুক্নিং শুমহৎখি। মিজোগী কুত পুম্নমক্কী মনুংদা চাপচার কুত অসিনা খ্বাইদগী চাউবা কুতনি অমসুং মসি অহলশিংগী কুহ্মৈ হায়নশু খঙনৈ। মসি লমতা থা মনুংদা পাম্লৌ উনবা উ য়ানবা অমসুং লান্মৈ থাবা অনিগী মরক্তা পাংথোকপা য়েংনিংথাগী কুহ্মৈ অমনি। মসি হরাওবা, নুংশিনবা অমসুং চানবগী কুহ্মৈ অমনি। মসি মীওই খুদিংমক নুংশিন্না লৈমিন্নবা অমসুং শান্তিগী মতম অমনি।

দেলিগেদশিংনা ৱাগী জগোয়, সেলবুং য়ৈবা, পদ্ম শ্রী কে.সি রুনরেমসাঙ্গিগী জগোয় অমসুং অমসুং অতোপ্পা জগোয় কয়া য়েংখি।

নুমিৎ হুম্নিগী মীফম অদুদা ৱা, নর্সিং অমসুং পেরামেদিক্স, হেন্দলুম অমসুং হেন্দিক্রাফ, স্তার্দ-অপস, আর্তফিসিএল ইন্তিলিজেন্স, অঙ্গুর থাবা অমসুং শেম-শাবা অমসুং স্কিল দিবলপমেন্তগী মতাংদা মালেমগী তোঙান-তোঙানবা লৈবাকশিংগা ললোন-ইতিক পাংথোক্নবগী খুদোংচাবশিংগী মতাংদা খন্নখি।

ভারতনা জি-২০গী প্রসিদেন্দ ওইরিঙৈদা পাংথোকপা অহানবা জি-২০ মীফম ফেব্রুৱারি ১৭-১৯দা মনিপুরগী ইম্ফালদা পাংথোকখ্রে অমসুং মিজোরমগী আইজোলদা পাংথোক্লিবা থৌরম অসিনা অনিশুবনি। মথংগী অহুমশুবা মীফম সিক্কিমগী কোনুং গেঙতোক্তা মার্চ ১৫দগী মার্চ ১৭ ফাওবা পাংথোক্কনি অমসুং মরিশুবা মীফম্না নাগালেন্দগী কোহিমাদা এপ্রিল ৪দগী এপ্রিল ৬ ফাওবা পাংথোক্কনি।

স্তোল ৩০ রোমদা মিজোরমগী তোঙান-তোঙানবা ফরবা হেন্দলুম অমসুং হেন্দিক্রাফকী পোৎথোকশিং অমসুং ইন্সাং মথেলশিং উৎখি।

*****

(Release ID: 1903954) Visitor Counter : 120