অসামিজ লোন্দা ‘বোরথেকারা; হায়না খঙনবা, মহৌশাদা হিংনবা চানদবা, হিদাক ওইনা শীজিন্নবা পাম্বী গারসিনিয়া পেদুনকুলাতা(হৈবুং)দা থম্মোয়গী লায়নাশিং ঙাকথোকপা ঙম্বগী মগুন য়াওবা থেংনরে। পাম্বী অসিগী অমুনবা উহৈগী অকংবা মকুপ অদু শীজিন্নবদা কার্দিক হায়পরত্রোফি অমসুং ওকজিদেতিপ স্ত্রেস হন্থহনবা অমসুং হার্ত ইনফ্লাম্মেসন হন্থনবা ঙম্মী হায়না আই.এস.ওনা পুথোক্লে।

হৈবুং অসি পানা শোইরগা নুংশাদা কংহল্লবা মতুংদা হিদাক ওইনা অমসুং ইন্সাং মথেল অমা ওইনা শীজিন্নবা য়াই অমসুং মসি এন্তি-ইনফ্লাম্মেতোরি, এন্থেলমিন্তিক, এন্তিবেক্তেরিএল, এন্তিফঙ্গেল, এন্তিদাইবেতিক, হায়পোলিপিদেমিক, নিফ্রোপ্রোতেকতিপ অমসুং নিউরোপ্রোতেকতিপ ওইনা শীজিন্না য়াই হায়বা খঙলে। হায়রিবশিং অসিগী খুদম চাংদম পুথোক্নবা সাইন্তিফিক ওইনা থিজিনবদা, হৈবুংদা এন্তিওক্সিদেন্তশিং মরাং কাইনা য়াওবা থেংনরে। অদুবু, থম্মোয়গী লায়নাশিং ঙাকথোকপা ঙম্বগী শক্তি অসি মমাঙদা খঙলমদে।

ভারত সরকারগী সাইন্স অমসুং তেক্নোলোজি দিপার্তমেন্তগী ওতোনোমস ইন্সতিতুৎ অমা ওইরিবা, ইন্সতিতুৎ ওফ এদভান্স স্তদি ইন সাইন্স এন্দ তেক্নোলোজি(আই এ এস এস তি)গী সাইন্তিস্তশিংনা থিজিনবদা হৈবুংনা থম্মোয়গী লায়নাশিং মাংজৌন্না ঙাকথোকপা ঙম্মী হায়না পুথোরকপনি। উহৈ অসিগী বাইওএক্তিব ক্লোরোফোর্ম ফ্রেক্সন(জি সি) দোজ অনি পুং ২৪ কান্নরগা ৱিস্তার রেতশিংদা(হকচাংগী অরুম্বগী ৮৫ এমজি/কেজি) নুমিৎ ২৮ পীজখি।

লায়না ঙাকথোকপা ঙম্বগী শক্তি য়েংশিন্নবা, আইসোপ্রোতেরেনোল-ইন্দুজ মাইয়োকার্দিয়েল ইনফ্রাক্সন মোদেলগী মতুংদা আইসোপ্রোতেরেনোল কাপশিনখি। উচি খুদিংমক নৈনখি, মদুদা এস.তি ৱেব হেনগৎপা, মাইয়োকার্দিয়েল ইনফ্রাক্সন, কার্দিয়াক হায়পরত্রোফি, কার্দিয়াক ত্রোপোনিন ১, তিসু লিপিদ পেরোজিদাইসন অমসুং সেরম ইনফ্লাম্মেতোরি মার্করশিং শিংথাবা য়ানা হেনগৎলকখি অমসুং জি.সি প্রিত্রিতেদ তৌরবা কাংবুদা নোর্মেল লেভেলদা লৈবা উখি। জি.সি প্রিত্রিতেদ তৌরবা কাংবুদা এন্তিওক্সিদেন্তশিং ৱাংখৎলকপা উখি।

আইসোপ্রোতেরেনোল-ইন্দুজ ইঞ্জুরিদগী থম্মোয় ঙাকথোক্নবা জি.সিগী এন্তি ওক্সিদেন্ত অমসুং এন্তি-ইনফ্লাম্মোতোরিগী শক্তি অদু দোক্তর রাজলাক্সমী দেবীগী লমজিং মখাদা শ্বারনালি ভত্তাচার্জি, এস.আর.এফনা পুথোকপনি।

ক্লোরোফোর্ম ফ্রেক্সনগী কেমিকেলশিং নৈনবদা এক্তিব ফাইতোকম্পাউন্দশিং হায়বদি হায়দ্রোজিসাইত্রিক এসিদ, হায়দ্রোজিসাইত্রিক এসিদ লেকতোন, পার্ভিফোলিকুইননগা লোয়ন্না কম্পাউন্দশিং হায়বদি জ.বি-১এ, কার্সিনোনে এ, ৯-হায়দ্রোজিকালাবাজান্থোনে, ক্লোরোজেনিক এসিদ অমসুং গারসিনোল য়াওবা থেংনখি। হায়রিবা কম্পাউন্দশিং অসি য়াওবদগী থিজিনবদা লায়না ঙাকথোকপা ঙম্বগী শক্তিশিং ফংবা ঙমখিবনি। হায়রিবা ফলশিং অসিদগী ভারতকী অৱাং-নোংপোক্তা মরাং কাইনা ফংলিবা হৈবুংনা থম্মোয়গী লায়নাশিং ঙাকথোকপা ঙম্বগী মগুন অদু খঙবা ঙমখিবনি।

Link to study: doi 10.3389/fphar.2022.1009023

Mail ID: rajlakshmi@iasst.gov.in

*****

(Release ID: 1902196) Visitor Counter : 105