کل 265 مرد اور خواتین ٹائیکوونڈو ایتھلیٹس کل ہند انٹر ایس اے آئی ٹائیکوونڈو چیمپئن شپ 2023 میں مقابلے کے لیے تیار ہیں،جس کا آغاز جمعہ کو اندرا گاندھی اسپورٹس کمپلیکس میں ایک شاندار افتتاحی پروگرام سے ہوا۔ یہ کھلاڑی لکھنؤ، بنگلور، گوہاٹی اور تریویندرم میں اسپورٹس اتھارٹی آف انڈیا کے 4 نیشنل سینٹرز آف ایکسیلنس کے ساتھ ساتھ اسپورٹس اتھارٹی آف انڈیا کے 17 تربیتی مراکز کا حصہ ہیں۔

26 فروری تک منعقد ہونے والے اس ٹورنامنٹ کا انعقاد ہندوستان اور کوریا کے سفارتی تعلقات کے 50 ویں سال مکمل ہونے کی یاد میں کیا جا رہا ہے۔ جمعہ کو شاندار افتتاحی تقریب میں کھیلوں کی سکریٹری محترمہ سجاتا چترویدی،اسپورٹس اتھارٹی آف انڈیا کے ڈائریکٹر جنرل جناب سندیپ پردھان،کوریا نیشنل اسپورٹس یونیورسٹی کے چانسلر جناب یونگ گیو آہن،بھارت میں کوریا کے سفیر جناب چانگ جے بوک اورکوریا کی وزارت خارجہ کی عوامی سفارت کاری کے نائب وزیر اورسفیر جناب سانگ۔وا لی کے ساتھ ساتھ دیگر معززین موجود تھے۔

شرکاءاور میڈیا سے خطاب کرتے ہوئے کھیلوں کی سکریٹری محترمہ سجاتا چترویدی نے تمام شرکاء کے لیے نیک خواہشات کا اظہارکیا اور کہا کہ کھیل کود ملکوں کے درمیان دوستی اور تعاون کو مضبوط کرنے کے لیے ایک وسیلہ کا کام کرتے ہیں۔

تین روزہ ٹائیکوونڈو چیمپئن شپ میں مقابلے کیڈٹ ( 14 سال سے کم عمر)،جونیئر (17 سال سے کم عمر)اورسینئر عمر گروپس میں ہوں گے۔ مقابلہ کو دو حصوں میں تقسیم کیا گیا ہے: پومسے اور اسپرنگ کو کیوروگی کہا جاتا ہے۔ لڑائی، کیوروگی ڈویژن کو عالمی ٹائیکوونڈو فیڈریشن کے مقابلے کے قوانین کے مطابق کھلاڑیوں کی عمر اور وزن میں تقسیم کیا گیا ہے اور پومسے ڈویژن کو صرف مردوں اور خواتین کے ڈویژنوں میں تقسیم کیا جائے گا۔ 10 کیوروگی اور 2 پومسے کے فاتح، جو ہر زمرے میں گولڈ میڈل جیتیں گے، وہ کوریا کی حکومت کے تعاون سے کوریا نیشنل اسپورٹس یونیورسٹی کا دورہ کریں گے اور انعام کے طور پر بہترین پروفیسرز سے تقریباً 3 ہفتوں کا تعلیمی اور تربیتی پروگرام حاصل کریں گے۔

افتتاحی تقریب شروع سے آخر تک ولولہ انگیز تھی۔ کوریا نیشنل اسپورٹس یونیورسٹی کے طلباء، جس نے اب تک مجموعی طور پر 126 اولمپک تمغے حاصل کیے ہیں، نے اعلیٰ ایڈرینالین مارشل آرٹ کے کارنامے، مثلاً لکڑی کے ڈمیوں کو توڑنے کے ساتھ ساتھ جنگجو کٹاس انجام دیے۔ طلباء کی طرف سےکے-پوپ سے متاثر رقص کی پرفارمنس بھی تھی اور بھارتی روایتی فنون ملاکھمب اور روایتی رقص کی شکلیں بھی نمائش میں تھیں۔

اجتماع سے خطاب کرتے ہوئے جناب یونگ گیو آہن، جو کہ مہمان اعزازی بھی تھے، نے کہا کہ "یہ تقریب اسپورٹس اتھارٹی آف انڈیا اور کورین کلچر سینٹر انڈیا کے ساتھ ساتھ جمہوریہ کوریا کے سفارت خانے کی مدد کے بغیر ممکن نہیں تھی۔ یہ تقریب بھارت میں ٹائیکوونڈو کی ترقی کے ساتھ ساتھ کوریا اور بھارت کے ثقافتی تبادلے میں اہم کردار ادا کرے گی۔ مستقبل قریب میں ایک ہندوستانی ٹائیکوونڈو ایتھلیٹ کو اولمپک کھیلوں میں گولڈ میڈل حاصل کرتے دیکھنا بہت اچھا ہوگا اور مجھے امید ہے کہ یہ پروگرام ٹائیکوونڈو کے لیے ایک سنگِ میل ثابت ہوگا جس کو ہندوستان کے لوگوں کے ذریعے ایک مارشل آرٹ کھیل کے طور پر پسند کیا جائے گا اور میں ٹائیکوونڈو میں ہندوستان کی ترقی کے لیے اپنی طرف سے بہترین کوشش کروں گا۔

************

ش ح۔ع م۔ ع ن

(U: 2053)

(Release ID: 1902167)