صحت اور خاندانی بہبود کی مرکزی وزیر مملکت ڈاکٹر بھارتی پروین پوار نے آج لوک سبھا میں ایک تحریری جواب میں بتایا کہ  حکومت مانع مائیکروبائل مزاحمت سے پیدا ہونے والے اُن چیلنجوں سے بخوبی واقف ہے، جو مانع بائیوٹکس کے زیادہ استعمال سے پیدا ہوتے ہیں۔ صحت اور خاندانی بہبود کی وزارت (ایم او ایچ ایف ڈبلیو) نے مانع مائیکروبائلز کے منصفانہ استعمال کو فروغ دینے کے لیے درج ذیل اقدامات کیے ہیں:

ایم او ایچ ایف ڈبلیو  نے  مانع مائیکرو بائلس مزاحمت پر ریڈ لائن بیداری مہم کا آغاز کیا ہے اور  لوگوں پر زور دیا کہ وہ سرخ عمودی لائن سے نشان زدہ ادویات بشمول اینٹی بائیوٹکس، ڈاکٹر کی تشخیص کے بغیر استعمال نہ کریں۔ انڈین کونسل آف میڈیکل ریسرچ (آئی سی ایم آر) نے عام علامات میں اینٹی مائکروبائل استعمال کے  تعلق سے علاج کے رہنما خطوط جاری کیے ہیں، جن میں وائرل برونکائٹس یعنی دمہ اور کم درجے کے بخار کے لیے اینٹی بائیوٹکس کے استعمال کے لیے رہنما خطوط بھی شامل ہیں۔

اینٹی بائیوٹکس کو منشیات کے ضابطے ، 1945 کے شیڈول ایچ اور ایچ 1 میں شامل کیا گیا ہے۔ ان دوائیوں پر احتیاطی لیبلنگ کے مخصوص تقاضے درج  ہوتے ہیں اور یہ صرف رجسٹرڈ میڈیکل پریکٹیشنر یعنی ڈگری  یافتہ  ڈاکٹر کے نسخے کے تحت فروخت کی جاتی ہیں۔ شیڈول ایچ 1 میں بتائی گئی دوا کی سپلائی، سپلائی کے وقت ایک الگ علیحدہ رجسٹر میں درج کی جاتی ہے اور اس طرح کے ریکارڈ کو تین سال تک برقرار رکھا جاتا ہے اور یہ معائنے  کے لیے بھی  دستیاب رہتا ہے۔ سنٹرل ڈرگ اسٹینڈرڈ کنٹرول آرگنائزیشن (سی ڈی ایس سی او) نے نوٹیفکیشن جاری کرکے شیڈول ایچ 1 کے تحت 24 ہائی اینڈ کے حامل  مانع  مائیکروبائلز  کو شا مل  کیا ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح- ش  م- ق ر)

U-1996

(Release ID: 1901653) Visitor Counter : 138