ભારત સરકારના યુવા કાર્યક્રમ અને ખેલ મંત્રાલય અંતર્ગતના નહેરુ યુવા કેન્દ્ર, અમદાવાદ માટે અમદાવાદ જિલ્લાના તમામ તાલુકામાં રાષ્ટ્રીય યુવા કાર્યકરની વર્ષ:2023-24 માટે પસંદગી કરવાની હોવાથી અરજીઓ મંગાવવામાં આવે છે.

તા.01/04/2023ના રોજ અરજદારની ઉંમર 18 વર્ષની તેમજ 29 વર્ષથી ઓછી હોય તેવા ધોરણ:10 પાસ યુવક/યુવતીઓ રાષ્ટ્રીય યુવા કાર્યકર માટે અરજી ઓનલાઈન www.nyks.nic.in પર તા.09/03/2023 સુધીમાં કરી શકશે. કોઈપણ વિદ્યાશાખાના સ્નાતક, કોમ્પ્યુટરના જાણકાર, યુવા મંડળો સાથે જોડાયેલ તેમજ ગ્રામીણ વિસ્તારના અરજદારોને પસંદગીમાં અગ્રતા આપવામાં આવશે. અરજદાર જે તાલુકાનો વતની હોય તે તાલુકા માટે જ અરજી કરી શકશે. રાષ્ટ્રીય યુવા કાર્યકર તરીકે પસંદ થયેથી રૂ.5000/- માસિક માનદ વેતન ચૂકવવામાં આવશે.  રાષ્ટ્રીય યુવા કાર્યકર માટેની આ જગ્યા તદ્દન હંગામી છે.  આ માટે કાયમી રોજગારીનો દાવો પસંદ થયેથી કરી શકાશે નહિ. વધુ માહિતી માટે જિલ્લા યુવા અધિકારી, નહેરુ યુવા કેન્દ્ર, પ્રથમ માળ, યુવક વિકાસ ટ્રસ્ટ બિલ્ડીંગ, નવજીવન પ્રેસ સામે, આશ્રમ રોડ, અમદાવાદ-380014 ખાતે સંપર્ક કરવાનો રહેશે.

GP/JD

(Release ID: 1901414) Visitor Counter : 196