জি-২০ দেলিগেদশিংগী মনিপুর খোঙচৎকী নিনি চনবা নুমিত্তা, মনিপুর সরকারনা শীন্দুনা পুৱারিগী মরুওইবা মফমশিং অমসুং মমিং লৈরবা লমকোয়ফমশিং য়েংহনখ্রে।

চীফ মিনিস্তর শ্রী এন.বিরেন সিংহনা লুচিংদুনা দেলিগেদশিং ইম্ফাল ইস্তকী মার্জিং পোলো কমপ্লেক্সতা লৈবা পোলো শান্নরোয় অমনা শগোল মথক্তা তোংবা নিংথিরবা মীতম অমা য়েংহনখি। মীতম অসি মালেমদা খ্বাইদগী ৱাংবা পোলো শান্নরোয় অমগী মীতম্নি। মসি পোলো মনিপুরদগী হৌরকখিবা অদু নিংশিংনবা শাখিবনি। মফম অদুগী মীয়াম্না দেলিগেদশিং অদু তরাম্না ওকখি।

কমপ্লেক্স অদুদা নৌনা শেমগৎপা পোলো গ্রাউন্দদা শান্নবা পোলো একজিবিসন মেতচ অমা অমসুং অরাম্বাই হুনবগী দেমোন্সত্রেসন অমা দেলিগেদশিংনা য়েংখি।

ভুতানগী দিলেগেদ সোনম ফুন্তোসোনা হায়খি রাজ্য অসিগী মীয়োক-মীচান ফজবা অসিদা মখোয় অঙকপা ফাওই অমসুং রাজ্য অসিদা শেন থাদবা য়াবা মফমশিং খঙদোক্নবা হোৎনগনি। 

মপান লৈবাকশিংগী বিজিনেস দেলিগেদ ২৬ অমসুং দিপ্লোমেত ২৪ য়াওনা লৈবাক ২৩গী দেলিগেদশিং মোইরাংদা লৈবা ইন্দিয়ান নেসনেল আর্মি হেদক্বাতর্স য়েংখি। মখোয়না লাকপদা , মশিং য়াম্লবা মীয়াম্না মচু কয়াগী লৈশিং পায়দুনা অমসুং জগোয় শাদুনা দেলিগেদশিং তরাম্না ওকখি অমসুং রাজ্য অসিগী মীয়োক-মীচান ফজবা অদু উৎখি।

ইন্দিয়ান নেসনেল আর্মি হেদক্বাতর্স কমপ্লেক্স অসি নেতাজি সুভাস চন্দ্র বোসকী মখাদা আই.এন.এগী থৌনা ফরবা লান্মীশিং ইকায়খুম্নবা উৎপা ওইনা মনিপুর সরকারনা শেমগৎখিবনি। ভারতকী নিংতম লালহৌদা ইন্দিয়ান নেসনেল আর্মিগী থৌদাং অমসুং থৌনা অদু কমপ্লক্স অসিনা খুদম ওইরে। এপ্রিল ১৪, ১৯৪৪দা, হঙ্গাম মপাল মচু, অচৌবা অমসুং অশংবা অমসুং ময়াইদা কৈ য়েকপা আই.এন.এগী ফিরাল অদু অনিরকশুবা ওইনা, মনিপুরগী কোনুং ইম্ফালদগী কিলোমিতর ৪৫ লাপ্পা মোইরাংদা চিংখৎখি। কমপ্লেক্স অসিগী মনুংদা লৈরিবা অরিবা য়ুম অদু আই.এন.এনা মসিগী ওফিস ওইনা শীজিন্নখি।

তুংদা, দেলিগেদশিংনা হি তোংদুনা লোক্তাক পাৎকী ফজবশিং য়েংখি। তুংদা সঙাই ইথনিক পার্কতা মনিপুরগী তোঙান-তোঙানবা ফুরুপশিংগী মীয়াম্না নাৎকী ফিজোলশিং অমসুং জগোয়গা লোয়ন্না মখোয়গী নাৎকী ওইবা শক্তমশিং উৎপা অদু য়েংখি।

হয়েং দেলিগেদশিংনা এসিয়াদা খ্বাইদগী চাউবা ইমা কৈথেল য়েংগনি অমসুং ইম্ফাল থাদোক্ত্রিঙৈ মমাংদা পুৱারি ওইরবা কংলা য়েংগনি।

******

(रिलीज़ आईडी: 1900419) आगंतुक पटल : 250