کوئلہ، کانوں اور  پارلیمانی امور کے مرکزی وزیر جناب پرہلاد جوشی نے آج  گھاٹم پور (کانپور )  میں واقع  نیویلی اتر پردیش پاور لمیٹڈ (این یو پی پی پی ایل) کا دورہ کیا ۔ اس دوران انہوں نے  افسران کے ساتھ  ایک جائزہ میٹنگ کی۔ اس دورے میں کوئلے کے سکریٹری جناب امرت لال مینا بھی  وزیر موصوف کے ساتھ تھے۔ انہوں نے  اس پروجیکٹ کی  پیش رفت کا جائزہ لیا۔

این یو پی پی  ایل، ایک  کوئلے پر مبنی  سپر کریٹیکل حرارتی بجلی پلانٹ  ہے۔ یہ نیویلی  لِگ نائٹ کارپوریشن انڈیا لمیٹڈ (حکومت ہند کا انٹر پرائز) کا ایک  مشترکہ پلانٹ  ہے۔ مرکزی وزیر  نے این یو پی پی ایل  کے  کمپلیکس میں شجر کاری بھی  کی۔

جناب پرہلاد جوشی  نے بتایا کہ  اتنے بڑے پلانٹ میں  سبھی  آلات  اور مشینری  میک  ان انڈیا کے تحت تیار کی گئی ہے۔ انہوں نے کہا کہ اب تک 85  فیصد کام  ہو چکا ہے اور پلانٹ کے باقی تین  محکموں میں کام جاری ہے۔ ان میں بوائلر اور   ٹربائن کا کام تقریبا مکمل ہو چکا ہے۔ مرکزی وزیر نے کہا کہ  جولائی میں  اس کی پہلی اکائی  کا افتتاح کرنے  کے مقصد  سے نیویلی لگ نائٹ  کے سی ایم ڈی  کو  ہر 15  دنوں میں  ایک  جامع  جائزہ   رپورٹ پیش کرنے کی ہدایت دی گئی ہے۔

اس کے علاو جناب پرہلاد جوشی  نے بتایا کہ  یہ ریلوے  لائن  اور  پانی  کی سپلائی کا کام بھی پورا ہو چکا ہے۔ انہوں نے مزید کہا کہ  ترقی کے لئے  بجلی  بہت ضروری  ہے۔ سال 13-2012  سے پہلے اتر پردیش  سمیت  کئی ریاستوں  میں  بجلی کی سپلائی کی صورت حال بہت زیادہ  اطمینان بخش نہیں تھی۔

۔۔۔۔۔۔۔۔۔۔۔۔۔۔۔۔۔۔۔۔

ش ح۔ ف ا۔ ق ر

80U-16   

(Release ID: 1899376) Visitor Counter : 173