بجلی کی وزارت
این ٹی پی سی نے، رائے پور میں تین روزہ بین الاقوامی آپریشنز اور دیکھ ریکھ کانفرنس 2023 کا اہتمام کیا
Posted On:
13 FEB 2023 7:35PM by PIB Delhi
- این ٹی پی سی نے پائیدار بجلی کی پیداوار میں عالمی آپریشنل معیارات قائم کیے ہیں: جناب آر کے سنگھ
- بین الاقوامی آپریشنز اور دیکھ ریکھ کانفرنس 2023 کا موضو ع ہے - "بدلتے ہوئے توانائی کے منظر نامے میں قابل اعتماد اور پائیدار پاور جنریشن کے لیے حکمت عملی"۔
- تقریب کے مختلف اہم امور پر تکنیکی سیشن اور بزنس ایکسی لنس ایوارڈز کی پیشکش اور ٹیکنو - گلیکسی نمائش کا افتتاح
این ٹی پی سی کوربا نے انٹرنیشنل آپریشنز اینڈ منٹی نینس کانفرنس 2023 میں پہلا رنر اپ ایوارڈ حاصل کیا
این ٹی پی سی وندھیاچل کو انٹرنیشنل آپریشنز اینڈ منٹی نینس کانفرنس 2023 میں مجموعی طور پر ایکسی لینس ایوارڈ ملا
بجلی اور نئی اور قابل تجدید توانائی کے مرکزی وزیر جناب آر کے سنگھ نے ،چھتیس گڑھ کے رائے پور میں این ٹی پی سی لمیٹڈ کے زیر اہتمام تین روزہ بین الاقوامی آپریشنز اینڈ مینٹی نینس کانفرنس، انڈین پاور اسٹیشنز 2023 کی افتتاحی تقریب کے دوران کہا کہ "بھارت ماحولیاتی خدشات کو بنیادی ترجیح کے طور پر رکھتے ہوئے لوگوں کو قابل اعتماد اور سستی بجلی فراہم کرنے کے لیے پرعزم ہے"۔ سامعین سے خطاب کرتے ہوئے انہوں نے این ٹی پی سی لمیٹڈ کے کارنامے کی مزید تعریف کی اور کہا کہ ، "این ٹی پی سی لمیٹڈ نے اپنی کارکردگی، ثقافت اور ترقی کے لحاظ سے عالمی آپریشنل معیارات قائم کیے ہیں۔"
تین روزہ انڈین پاور اسٹیشنز 2023 انٹرنیشنل آپریشنز اینڈ مینٹی نینس کانفرنس یا آئی پی ایس 2023 کا انعقاد 13 سے 15 فروری تک پنڈت دین دیال اپادھیائے آڈیٹوریم رائے پور، چھتیس گڑھ میں کیا جا رہا ہے، جس کا عنوان " توانائی کے منظر نامے کو بدلتے ہوئے قابل اعتماد اور پائیدار بجلی کی پیداوار کے لیے حکمت عملی" ہے ، جو اس سال کا موضوع ہے۔ پہلے دن کا آغاز کانفرنس اور ٹیکنو گلیکسی نمائش کے افتتاح کے ساتھ ہوا ، جس کے بعد آپریشنز اینڈ مینٹی نینس کانفرنس کے تکنیکی سیشنز ہوئے اور نمائش میں وینڈرس کے ساتھ بات چیت ہوئی۔ دوسرے دن اسی کو جاری رکھتے ہوئے ، این ٹی پی سی کے مندوبین کے لیے ایک اختتامی اجلاس ہوگا۔تیسرے دن میں ٹیکنو گلیکسی اور نمائشی اسٹالز میں دکانداروں کے ساتھ بات چیت شامل ہوگی ،جس کے بعد وینڈرز کی پریزنٹیشن ہوگی۔
توانائی کے شعبے میں این ٹی پی سی لمیٹڈ کے تعاون پر تبصرہ کرتے ہوئے، بجلی کے وزیر مملکت جناب کرشنا پال سنگھ نے کہا کہ ’’این ٹی پی سی کی کوششیں اب تک قابل ستائش رہی ہیں۔ جیسے جیسے ملک میں بجلی کی ضرورت بڑھتی جارہی ہے، ضرورت اس بات کی ہے کہ اس کے ساتھ آنے والے بعض چیلنجوں سے نمٹا جائے۔ مجھے یقین ہے کہ اس کانفرنس سے بہت سارے دلچسپ خیالات سامنے آئیں گے ، جو پائیدار اور قابل اعتماد بجلی کے مستقبل میں نمایاں طور پر مدد کریں گے۔
این ٹی پی سی وندھیاچل نے 600 + بی ای اسکور کو عبور کرنے کا اعزاز حاصل کیا اور مجموعی طور پر ایکسی لینس ایوارڈ حاصل کیا۔ چونکہ کوویڈ وبائی امراض کی وجہ سے پچھلے دو سالوں میں آئی پی ایس کانفرنس روک دی گئی تھی، اس سال،21-2020 اور 22-2021 کے تشخیصی سالوں کے لیے مجموعی طور پر بہترین کارکردگی کے لیے تسلیم کیے گئے اسٹیشنوں کے اعزازات بالترتیب این ٹی پی سی سنگرولی اور این ٹی پی سی رِہند نے حاصل کیے ۔ سال 23-2022 کے لیے مجموعی طور پر ایکسی لینس - جیوری کی طرف سے خصوصی طور پر تسلیم شدہ – این ٹی پی سی سولاپور کو دیا گیا۔ ریجنل ایگزیکٹو ڈائریکٹرز کے ساتھ متعلقہ اسٹیشنوں کے بی یو ایچ نے ایوارڈ وصول کئے۔
این ٹی پی سی کوربا کو فرسٹ رنر اپ کا ایوارڈ ملا، اور این ٹی پی سی تلچر کنیہا کو سیکنڈ رنر اپ کا ایوارڈ ملا۔ این ٹی پی سی کے سی ایم ڈی جناب گردیپ سنگھ، سنٹرل الیکٹریکل اتھارٹی (سی ای اے)کے چیئر پرسن جناب گھنشیام پرساد، آر ای سی لمیٹڈ کے سی ایم ڈی جناب وی کے دیوانگن، جناب ڈی کے پٹیل ڈائریکٹر (ایچ آر)، جناب رمیش بابو وی، ڈائریکٹر (آپریشن)، جناب اجول کانتی بھٹاچاریہ ، ڈائریکٹر (پروجیکٹس) اور جناب جئے کمار سری نواسن، ڈائریکٹر (فنانس)، این ٹی پی سی کے آزاد ڈائریکٹرز اور اعلیٰ عہدیداران اس اعزازی تقریب کے دوران موجود تھے۔
اس موقع پر خطاب کرتے ہوئے، این ٹی پی سی لمیٹڈ کے سی ایم ڈی جناب گردیپ سنگھ نے کہا کہ ”قابل اعتماد اور پائیدار بجلی پی ایل ایف یا جنریشن سے زیادہ اہم ہے۔ آگے بڑھتے ہوئے، قابل تجدید توانائی اور تھرمل پاور کے ساتھ چیلنجز مزید سنگین ہو جائیں گے ، کیونکہ گرڈ کی ضروریات کو مدنظر رکھنا ہو گا۔ حفاظت، قابل تیقن ، لچک، کارکردگی، اور سستا پن ترجیح ہے۔ ہمیں بجلی کی قیمت کو ہر ممکن حد تک کم رکھنا چاہیے‘‘۔
چونکہ دنیا اس وقت، کووڈ- 19، یوکرین میں جنگ، اور اس کے نتیجے میں سپلائی چین میں رکاوٹوں کی وجہ سے عالمی اجناس کی قیمتوں کو متاثر کرنے کی وجہ سے بڑی تبدیلیوں سے گزر رہی ہے۔این ٹی پی سی ملک کی ترقی اور لوگوں کے لیے اعلیٰ معیار زندگی کو برقرار رکھنے کے لیے توانائی کی دستیابی پر کبھی سمجھوتہ نہیں کرنے کا عہد کرتا ہے۔
سی ای اے کے چیئر پرسن جناب گھنشیام پرساد نے کہا کہ ’’دنیا بھر میں بیانیہ یہ ہے کہ کوئلے پر مبنی بجلی کی پیداوار سے ہٹ جائیں۔ یہ حقیقت ہے کہ ہر ملک کا اپنا عبوری راستہ ہوتا ہے۔ لیکن ہندوستان جیسے ملک کے لیے اس وقت صارفین کے لیے توانائی کے ایک پائیدار اور قابل اعتماد ذریعہ کے لیے کوئلے کے علاوہ کوئی چارہ نہیں ہے۔ "
اس موقع پر این ٹی پی سی کے ڈائریکٹر آپریشنز جناب وی رمیش بابو نے بھی خطاب کیا۔ انہوں نے جدید ماحول دوست ٹکنالوجی کے ساتھ توانائی کے متعدد وسائل کے استعمال کو بہتر بناتے ہوئے، ملک کی اقتصادی ترقی، معاشرے کی سماجی ترقی، اور صحت مند توانائی کو فروغ دینے کے ذریعے پائیدار طریقے سے مسابقتی قیمتوں پر قابل اعتماد بجلی پیدا کرنے اور فراہم کرنے کے عزم پر زور دیا۔
*************************
ش ح۔ ا ک۔ ق ر
U:1629
(Release ID: 1899078)
Visitor Counter : 119