دیہی ترقی اور پنچایتی راج کے مرکزی وزیر جناب گری راج سنگھ کل نئی دلی میں ایک تقریب میں مشن انتودے سروے (ایم اے ایس) 23-2022 کا افتتاح کریں گے جس میں اس کے پورٹل اور موبائل ایپلیکیشن کا آغاز بھی شامل ہے۔

اس تقریب میں دیہی ترقی اور اسٹیل کے وزیر مملکت شری فگن سنگھ کلستے بھی موجود رہیں گے۔ سادھوی نرنجن جیوتی، دیہی ترقی اور صارفین کے امور، خوراک اور عوامی تقسیم کی وزیر مملکت؛ اور پنچایتی راج کے وزیر مملکت جناب کپل موریشور پاٹل، اس تقریب میں ورچوئل موڈ کے ذریعے ریاستوں / مرکز کے زیر انتظام علاقوں کے وزراء اور سینئر افسران بھی شرکت کریں گے۔

دیہی ترقی کا محکمہ  18-2017  سے ملک کی تمام گرام پنچایتوں میں مشن انتودے سروے کر رہا ہے جس کا مقصد مختلف اسکیموں کو ایک دوسرے سے ملا کر قابل پیمائش نتائج پر لوگوں کی زندگی اور معاش کو تبدیل کرنا ہے۔ پورے ملک میں گرام پنچایتوں میں سالانہ سروے مشن انتیودیا فریم ورک کا ایک اہم پہلو ہے۔

اس سروے کا مقصد گرام پنچایت ترقیاتی منصوبہ (جی پی ڈی پی) کے لیے شراکتی منصوبہ بندی کے عمل میں مدد فراہم کرنا ہے جو خدمات کی فراہمی کو بہتر بنائے گا، شہریت میں اضافہ کرے گا، لوگوں کے اداروں اور گروپوں کے اتحاد کے لیے رفتار پیدا کرے گا اور مقامی سطح پر حکمرانی کو بہتر بنائے گا۔ جی پی ڈی پیز کی تیاری ایک جامع مشق ہے جو کسی بھی جی پی کے لیے حتمی پلان دستاویز کی تیاری کے لیے بنیادی اور ثانوی ڈیٹا دونوں کا استعمال کرتی ہے۔ ایم اے سروے فرق کا تجزیہ کرنے کے لیے ثانوی ڈیٹا پیش کرتا ہے۔ ایم اے سروے کے اعداد و شمار بلاک اور ضلعی منصوبوں کی تیاری میں کلیدی ان پٹ کے طور پر بھی کام کریں گے۔

امید ہے کہ گاؤں کے حساب سے سروے ایک ماہ کی مدت میں کیا جائے گا جس میں کمیونٹی ریسورس پرسن (سی آر پیز) شامل ہوں گے۔ یہ سروے 21 سیکٹرز کے 216 ڈیٹا پوائنٹس کے تحت 183 اشاریوں پر گاؤں کی سطح کا ڈیٹا اکٹھا کرنے کے لیے کیا جا رہا ہے۔ سروے کے سوالات کو پانچ حصوں میں درجہ بندی کیا گیا ہے: (i) پنچایت انفراسٹرکچر؛ (ii) پنچایت خدمات؛ (iii) گاؤں کا بنیادی ڈھانچہ؛ (iv) گاؤں کی خدمات؛ اور (v) گاؤں کے طرز عمل۔

سوالنامے کو حتمی شکل دینے کے لیے کل 26 مرکزی حکومت کی وزارتوں/ محکموں سے مشورہ کیا گیا ہے۔ سوالنامے کا 13 علاقائی زبانوں میں ترجمہ کیا گیا ہے۔ وزارت نے این آئی سی-ڈی آر ڈی کے ساتھ مشاورت سے، دیہات میں 36 اثاثوں کے لیے جیو ٹیگ فیچر کے ساتھ اینڈرائیڈ موبائل ایپلیکیشن تیار کی ہے۔ وزارت نے سوالنامے اور موبائل ایپلیکیشن سے متعلق سوالات کے ہموار حل کے لیے اندرون خانہ ہیلپ ڈیسک بھی قائم کیا ہے۔

۔۔۔۔۔۔۔۔۔۔

ش ح۔ ا س۔ ت ح۔

U -1403

                          

(Release ID: 1897549) Visitor Counter : 127