ঙসি ফেব্রুৱারি ৬, ২০২৩দা কর্নাতকাগী বেঙ্গলুরুদা প্রধান মন্ত্রী শ্রী নরেন্দ্র মোদীনা ইন্দিয়া ইনর্জি ৱিক(আই ই দব্লিউ)২০২৩ হৌদোকখ্রে। ফেব্রুৱারি ৬তগী ফেব্রুৱারিগী ৮ ফাওবা পাংথোক্কদবা ইন্দিয়া ইনর্জি ৱিক অসিদা ইনর্জিগী লমদা অহোংবা কয়া লৈরবা ভারতকী তৌবা ঙম্বশিং উৎকনি। থৌরম অদুগী শরুক অমা ওইনা ওইল অমসুং গ্যাস পি.এস.য়ুশিংগী মহুৎশীন্দুনা হিন্দুস্থান পেত্রোলিয়ম কোর্পোরেসন লিমিতেদনা শীনবা গ্রিন মোবিলিতি রেল্লি প্রধান মন্ত্রীনা লমথাখি। থৌরম অদুদা কর্নাতকাগী রাজ্যপাল, কর্নাতকাগী চীফ মিনিস্তর, পেত্রোলিয়ম অমসুং নেচরেল গ্যাস, হাওসিং অমসুং অর্বান এফেয়ার্সকী য়ুনিয়ন মিনিস্তর অমসুং পেত্রোলিয়ম অমসুং নেচরেল গ্যাস অমসুং লেবর অমসুং ইমপ্লোইমেন্তগী রাজ্য মন্ত্রীশু শরুক য়াখি।

ই-২০ থাউ :

ইথানোল য়ানশিনবা থৌরাংগী শরুক অমা ওইনা, প্রধান মন্ত্রীনা রাজ্য/য়ু.তি ১১দা ওইল মার্কেত্তিং কম্পেনিশিংগী ই-২০ থাউ য়োন্নবা আউতলেত ৮৪ হাংদোকখি। ই-২০ অসি পেত্রোলদা ইথানোল চাদা ২০ য়ানশিনবা থাউনি।২০২৫ ফাওবগী মনুংদা মপুংফানা ইথানোল চাদা ২০ য়ানশিন্নবা সরকারনা পান্দম থম্লি অমসুং মসিগীদমক ওইল মার্কেত্তিং কম্পেনিশিং অমসুং ঐচ.পি.সি.এলনা ২জি-৩জি ইথানোল প্লান্তশিং লিংখৎলে।

ইনর্জিগী লমদা অত্মানির্ভর ভারত অমা ফংবা ঙম্নবা ইথানোল য়ানশিনবগী থবক অসি সরকারগী মরুওইবা থবক অমা ওইরে। সরকারনা লেপ্তনা হোৎনবনা মরম ওইদুনা, ২০১৩-১৪দগী ইথানোল পুথোকপা ঙম্বগী চাং শরুক তরুক হেনগৎলে। ইথানোল য়ানশিনবা থৌরম অমসুং বাইওফুয়েল প্রোগ্রামগী মখাদা হৌখিবা চহি ৮দা লৈখিবা মাইপাকপশিংনা ভারতকী ইনর্জি ওক্নবা থম্বা হেনগৎহনবতা নত্তনা কার্বোন্দাইওক্সাইদ মেত্রিক তন লাখ ৩১৮ থাদোকপা হন্থহনবা য়াওনা অতোপ্পা কান্নবা কয়া ফংখি অমসুং লুপা করোর ৫৪,০০০ রোমগী ফোরেন একচেঞ্জ কনবা ঙমখি। মসিগী মহৈ ওইনা, ২০১৪দগী ২০২২ ফাওবগী মনুংদা ইথানোলশিং সপ্লাই তৌরকপগীদমক চাউরাক্না লুপা করোর ৮১,৮০০ রোম পীখি অমসুং লৌমীশিংদা লুপা কারোর ৪৯,০০০ হেন্না পীখি।

গ্রিন মোবিলিতি রেল্লি:

প্রধান মন্ত্রীনা হিন্দুস্থান পেত্রোলিয়ম কোর্পোরেসন লিমিতেদনা শীনবা গ্রিন মোবিলিতি রেল্লি। রেল্লি অদুদা ই-২০, ই-৮৫, ফ্লেক্স থাউ, হায়দ্রোজেন অমসুং ইলেক্ত্রিকনা চেনবা গারি ৫৭ শরুক য়াখি। মীয়ামদা গ্রিন ফুয়েলশিংগী মরমদা খঙহনবদা মতেং পাংখি। রেল্লিগী অরোইবদা পেত্রোলিয়ম অমসুং নেচরেল গ্যাস অমসুং লেবর অমসুং ইমপ্লোইমেন্তগী রাজ্য মন্ত্রী শ্রী রামেশ্বর তেলিনা হায়খি মসিগী গ্রিন মোবিলিতি রেল্লি অসিনা লৈবাক অসিগী মীয়ামদা গ্রিন ইনর্জিগী মরমদা য়াম্না খঙহল্লগনি। ইথানোল য়ানশিনবগী থৌরম অমসুং নেসনেল গ্রিন হায়দ্রোজেন মিসন অসিনা ভারতকী ইকোনোমিনা দোল্লর ত্রিলিয়ন ৫ য়ৌনবা পান্দম থম্লিবা অদু ফংনবা মতেং পাংগনি অমসুং ২০৭০দা কার্বোন অমতা থাদোক্তনবা পান্দম অদু ফংহনবা ঙমগনি।

*****