مرکز نے آج حال ہی میں ترمیم شدہ انفارمیشن ٹیکنالوجی (ثالثی کے رہنما خطوط اور ڈیجیٹل میڈیا اخلاقیات کوڈ) قوانین 2021 ("آئی ٹی قوانین 2021") کی بنیاد پر تین شکایات  کے ازالے کی اپیلیٹ کمیٹیاں قائم کیں۔ اس سلسلے میں آج نوٹیفکیشن جاری کر دیا گیا ہے۔ نوٹیفکیشن کے مطابق، تین شکایات اپیلیٹ کمیٹیاں تشکیل دی گئی ہیں جن میں سے ہر ایک کے تین ارکان ہوں گے۔ اس کی تفصیلات ضمیمہ میں دی گئی ہیں۔

آئی ٹی  قوانین 2021 عدالتوں کے علاوہ شکایات کے ازالے کی  راہ ہموار کرنے کی گنجا ئش  فراہم کرتے ہیں اور اس بات کو یقینی بناتے ہیں کہ ایس ایس ایم  آئی کے لیے نئے احتسابی معیارات کو یقینی بنا کر ہندوستانی شہریوں کے آئینی حقوق  کا کسی بھی بگ- ٹیک پلیٹ فارم کے ذریعہ خلاف ورزی نہ  کیا جائے ۔

آئی ٹی قوانین پر وسیع عوامی مشاورت کے دوران، الیکٹرانکس اور انفارمیشن ٹیکنالوجی اور ہنر مندی کی ترقی اور کاروبار کے وزیر مملکت جناب راجیو چندر شیکھر نے حکومت کا موقف بیان کیا تھا کہ - ہر ڈیجیٹل شہری کے تحفظ اور اعتماد نیز شکایات کے ازالے کا مضبوط نظام۔ کسی سروس یا پروڈکٹ کی پیشکش کرنے والے تمام انٹرنیٹ پلیٹ فارم  کی جوابدہی کو یقینی بنانا، ایک واضح مقصد تھا اور تمام شکایات کا 100فیصد ازالہ ہونا چاہیے۔

شکایت اپیلیٹ کمیٹی (جی اے سی) مجموعی پالیسی اور قانونی فریم ورک کا ایک اہم حصہ ہے  جو اس بات کو یقینی بنانے کے لیے کہ ہندوستان میں انٹرنیٹ کھلا، محفوظ اور قابل اعتماد نیز جوابدہ ہے۔ بڑی تعداد میں شکایات  کا حل نہ کیے جانے یا  انٹرنیٹ ثالثوں کے ذریعہ غیر اطمینان بخش طریقے سے حل کیے جانے کے باعث شکایات اپیلیٹ کمیٹیاں   (جی اے سی)  کی ضرورت پیدا ہو ئی ۔ شکایات اپیلیٹ کمیٹیوں   (جی اے سی)  سے توقع کی جاتی ہے کہ وہ اپنے صارفین کے تئیں تمام انٹرنیٹ پلیٹ فارموں  اور ثالثوں کے درمیان  جوابدہی کا کلچر پیدا کرے ۔ شکایات اپیلیٹ کمیٹی  ایک ورچوئل ڈیجیٹل پلیٹ فارم ہوگا جو صرف آن لائن اور ڈیجیٹل طور پر کام کرے گا،  جس میں اپیل دائر کرنے سے لے کر اس کے فیصلے تک اپیل کا پورا عمل ڈیجیٹل طور پر کیا جائے گا۔

اپیل https://www.gac.gov.in پر کی جا سکتی ہے۔

صارفین کے پاس  اس نئی اپیلیٹ باڈی کے سامنے سوشل میڈیا ثالثوں اور دیگر آن لائن ثالثوں کے شکایتی افسر کے فیصلے کے خلاف اپیل کرنے کا اختیار ہوگا۔ کمیٹی 30 دنوں کے اندر صارف کی اپیل کو حل کرنے کی کوشش کرے گی۔

حکومت نے پہلے اہم  سوشل میڈیا کے بڑے ثالثوں کے ساتھ بات چیت کی تھی۔ ثالثوں کے لیے ان کی درخواستوں اور تکنیکی ضرورت کے مطابق درکار منتقلی کی مدت کو مدنظر رکھتے ہوئے، شکایت اپیلیٹ کمیٹی  کے اس نوٹیفکیشن کے ایک ماہ میں یعنی یکم مارچ 2023 سے آن لائن پلیٹ فارم شروع ہو جائے گا۔  شکایت اپیلیٹ کمیٹی    اور رپورٹنگ کے متواتر جائزے اور جی اے سی کے احکامات کے انکشافات بھی عمل کا حصہ ہوں گے۔

ضمیمہ

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

932